""Adolat" sosial-demokratik partiya Siyosiy Kengashi raisi"
2024-yil 22-Aprel kuni O‘zbekiston Respublikasi Fanlar akademiyasi, Sharqshunoslik institutiga о‘monlik sayyoh va bloger Nasser Al-Numani tashrif buyurdi.
Mehmonni institutning ilmiy kotibi N.Jabborov va Xalqaro aloqalar bo‘limi mutaxassisi U.Raxmanovlar kutib olishdi. Mehmonga institutning ilmiy faoliyati, institut ilmiy-tadqiqot bo‘limlari va institut xodimlari tomonidan nashr etilgan nashrlar haqida ilmiy kotib N.Jabborov tanishtirib o‘tdi. Undan keyin mehmonga institutning yangi binosi ko‘rsatilib, yangi bino qurilishi bo‘yicha ma’lumotlar berildi. Mehmonda institutning faoliyati va ilmiy nashrlari juda katta taassurot qoldirib, iliq qabul uchun katta minnatdorchilik bildirdi.
Xalqaro miqyosdagi bunday do`stona tashriflar, bir tomondan, O`zbekisto bilan O`mon Sultonligi o`rtasidagi do`stlik aloqalarini yanada mustahkamlashga, ikkinchi tomonfdan esa tomonlar o`rtasidagi hamkorlikni, turizmni rivojlantirishga xizmat qiladi.
2024-yil 18-aprel kuni O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik institutiga O‘mon Sultonligidan yurtimizga sayohat qilish maqsadida kelgan sayyohlar tashrif buyurishdi. Mehmonlarni institutning ilmiy kotibi Nemat Jabborov, Xalqaro aloqalar bo‘limi mutaxassisi Umid Raxmanov va institutning doktoranti Ibrohim Usmonovlar kutib olishdi.
Mehmonlarga dastlab institutning ilmiy faoliyati, institut ilmiy-tadqiqot bo‘limlari va institut xodimlari tomonidan nashr etilgan kitoblar haqida ma’lumot berib o‘tildi. Shundan keyin mehmonlar majlislar zaliga tushib, institut binosining ochilish marosimi va qurilish bosqichi suratga olingan video lavhani tomosha qilishdi. Undan keyin mehmonlarga institutning restavratsiya, skanerlash bo‘limlari va kutubxonasi ko‘rsatilib, institut faoliyati bo‘yicha ma’lumotlar berildi. Mehmonlarga institutning faoliyati, yangi binosi va ilmiy nashrlari juda katta ta’surot qoldirib, iliq qabul uchun katta minnatdorchilik bildirdi. Mazkur tashrif O‘zbekiston bilan Ummon Sultonligi o‘rtasidagi do‘stona munosabatlarni mustahkamlashga xizmat qilmoqda.
