SJ News II - шаблон joomla Авто

 

ЎЗБЕКИСТОН РЕСПУБЛИКАСИ ФАНЛАР АКАДЕМИЯСИ

АБУ РАЙҲОН БЕРУНИЙ НОМИДАГИ ШАРҚШУНОСЛИК ИНСТИТУТИ ҲУЗУРИДАГИ ИЛМИЙ ДАРАЖАЛАР БЕРУВЧИ

DSc.27.06.2017.Tar.44.01 РАҚАМЛИ ИЛМИЙ КЕНГАШ

 


АБУ РАЙҲОН БЕРУНИЙ НОМИДАГИ
 

ШАРҚШУНОСЛИК ИНСТИТУТИ

 

 

 

БУРИЕВ АМАНУЛЛА

 

 

ТЕМУРИЙЛАР ДАВРИ ЁЗМА МАНБАЛАРИДА МАРКАЗИЙ

ОСИЁ ТАРИХИЙ ГЕОГРАФИЯСИ

 

 

07.00.08 – Тарихшунослик, манбашунослик ва тарихий тадқиқот усуллари

 

 

ИЛМИЙ МАЪРУЗА ШАКЛИДАГИ ТАРИХ ФАНЛАРИ ДОКТОРИ (DSс) ДИССЕРТАЦИЯСИ

 

 

 

Тошкент – 2019

Ўзбекистон Республикаси Фанлар Академияси Абу Райҳон Беруний номидаги Шарқшунослик институти етакчи илмий ходими, т.ф.н. А. Буриевнинг “Темурийлар даври ёзма манбаларида Марказий Осиё тарихий географияси” мавзусидаги  07.00.08 – Тарихшунослик, манбашунослик ва тарихий тадқиқот усуллари ихтисослиги бўйича тарих фанлари доктори (DSc) илмий даражасини олиш учун илмий маъруза шаклида тайёрлаган докторлик диссертацияси ҳимояси Ўзбекистон Республикаси Фанлар Академияси Абу Райхон Беруний номидаги Шарқшунослик институти ҳузуридаги илмий даражалар берувчи DSc.27.06.2017.Tar.44.01. – рақамли илмий кенгашнинг 2019 йил 26 август куни 14:30 даги мажлисида бўлиб ўтади.

 

Манзил: 100170, Тошкент шаҳри, Мирзо Улуғбек кўчаси, 79-уй. Ўзбекистон Республикаси Фанлар Академияси Абу Райҳон Беруний номидаги Шарқшунослик институти. 1 қават, мажлислар зали.

Тел.: +998(71) 262 54 61

 

факс: +998(71) 262 52 77

 

email: This email address is being protected from spambots. You need JavaScript enabled to view it.

 

 

2019 йил 8 июль куни Ўмон Ҳужжат ва архивларни сақлаш бўйича миллий бошқармаси раҳбари (вазир даражасида) жаноб ал-Давайни Ҳамид Муҳаммад Зувайҳи (Аl-Dhаwуаni Наmed Моhammed Dhuwaihi) раҳарлигидаги делегация аъзолари (халқаро ҳамкорлик департаменти бошлиғи ўринбосари ал-Ҳажри Райа Амир Муҳаммад; мувофиқлаштириш бўлими бошлиғи - ал-Шекайли Ҳамид Соиф Муҳаммад ва бошқ.) Ўзбекистон Республикаси Фанлар академияси Абу Райҳон Беруний номидаги Шарқшунослик институтига ташриф буюрдилар. Меҳмонлар Институт фаолияти ва янги биноси билан танишиб, ўзаро ҳамкорликнинг янги уфқларини белгилаб олдилар.

Ташриф якунида Ўзбекистон Республикаси билан Ўмон Султонлиги ўртасидаги аъло даражадаги муносабатлар, икки давлатнинг қўлёзма ҳамда тарихий ҳужжатлар соҳасидаги ҳамкорлигини мустаҳкамлаш ва ривожлантириш истагидан келиб чиқиб, Ўзбекистон Республикаси Фанлар академияси Абу Райҳон Беруний номидаги Шарқшунослик институти билан Ўмон султонлиги Ҳужжат ва архивларни сақлаш миллий бошқармаси ўртасида ўзаро манфаатли ҳамкорлик меморандиуми имзоланди. Шунингдек, Ўмон Султонлигида тарихий ҳужжатларни асраб-авайлаш ва сақлаш бўйича олиб борилаётган ишлар ҳақида ҳикоя қилувчи ҳужжатли фильм намойиш этилди.

Меҳмонлар жорий йилнинг 12 июль кунига қадар Ўзбекистонда бўладилар. Эртага 10 июль куни эса делегация аъзоларининг Ўзбекистон халқаро ислом академияси ва Ислом цивилизация марказига ташриф буюриб, суҳбат ўтказишлари ва ўзаро ҳамкорликнинг истиқболларини белгилиб олишлари режалаштирилган.

Ўзбекистон Республикаси Фанлар академиясининг “Иқтидорли ёшлар билан ишлаш бошқармаси” ҳамда Ўзбекистон Республикаси Фанлар академияси Абу Райҳон Беруний номидаги Шарқшунослик институти билан “Ўзбекистонда археографик экспедициялар: вазифалар, муаммолар ва натижалар" ҳамда "Алишер Навой асарлари қўлёзмаларининг дунё бўйлаб тарқалиши" мавзуларидаги илмий-амалий семинари 29 майда ЎзР ФА ШИнинг кичик мажлислар залида бўлиб ўтди.  Семинар Фанлар академияси Ижтимоий-гуманитар фанлар бўлими бошлиғи т.ф.д. проф. М.А.Рахимов, Ўзбекистон Республикаси Фанлар академияси Абу Райҳон Беруний номидаги Шарқшунослик институти Ёш олимлар кенгаши раиси Ҳ.Б. Назирова, Фанлар академияси Иқтидорли ёшлар билан ишлаш бошқармаси бошлиғи Д.Б. Бердибаевалар иштирокида олиб борилди. Ушбу семинарда 2 та маъруза тингланди.

Булар Ўзбекистон Республикаси Фанлар академияси Абу Райҳон Беруний номидаги Шарқшунослик институти Ёш олимлар кенгаши раиси, кичик илмий ходим  Назирова Ҳилола Баҳодировна – “Ўзбекистонда археографик экспедициялар: вазифалар, муаммолар ва натижалар"  номли маърузасива Ўзбекистон Республикаси Фанлар академияси Абу Райҳон Беруний номидаги Шарқшунослик институти Ёш олимлар кенгаши раис ўринбосари Мадалиева Ойсара Рустамовнанинг – "Алишер Навоий асарлари қўлёзмаларининг дунё бўйлаб тарқалиши" мавзусидаги маърузалари тингланди.

  

Иккала маърузада замонавий шарқшунослик соҳасининг ажралмас қисми бўлган қўлёзмалар ҳақида гапирилди. Биринчи маърузада, археографик экспедициялар қай тартибда олиб борилаётгани, муаммолар ва натижалар, иккинчи маърузада Алишер Навоий лирик ижодининг қўлёзмаларда сақланиш салмоғи ва географияси хусусида маъруза қилдилар. Маърузачиларга тингловчилар томонидан кўплаб долзарб саволлар ва таклифлар берилди.

  

 Ушбу таклифлар маърузачилар томонидан қайд этилди ва ФА Иқтидорли ёшлар билан ишлаш бошқармаси бошлиғи Д.Б. Бердибаева семинар сўнггида иштирок этганларга ягона мақсад, ягона ғоя яъни, Ўзбекистонда илм-фанни ривожлантириш атрофида бирлашиб, иш қўришга чорлади

“БЕРУНИЙ ЎҚИШЛАРИ”

ИЛМИЙ-АМАЛИЙ КОНФЕРЕНЦИЯСИ  

      

Ўзбекистон Республикаси Фанлар академияси Абу Райҳон Беруний номидаги Шарқшунослик институти 2019 йил 4 сентябрда “Беруний ўқишлари” номидаги  илмий-амалий конференциясини ўтказади. Институт маъмурияти берунийшунослик йўналишида илмий изланишлар олиб бораётган тадқиқотчилар, профессор-ўқитувчилар, докторантлар ва магистрантларни анжуманда иштирок этишга таклиф қилади.

Илмий маърузалар (8-10 бет) шу йилнинг 1 августига қадар қабул қилинади. Анжуман материаллари ОАК таркибидаги илмий журналлардан бирида чоп этилиши кўзда тутилган. Маъруза учун регламент 10 дақиқа.

 

Маъруза матнларини расмийлаштириш талаблари:

 

  1. Матнлар Times New Roman шрифтида, белгилар катталиги 14,
    сатрлар ораси 1 интервалда ёзилган бўлиши керак.
  2. Қоғоз ўлчами: А4 (210-297 мм).
  3. Матн юқорисидан 2,5 см, пастдан 1,5 см, ўнгдан 1,5 см, чапдан 3 см ҳошиялар қолдирилиши талаб этилади.
  4. Саҳифанинг юқори ўнг бурчагидаги биринчи қаторда маърузачининг исми, шарифи, иккинчи қаторда ташкилотининг тўлиқ номи, учинчи қаторда телефон рақами (коди билан) ва электрон почта манзили кўрсатилади.
  5. Мавзу номи қорайтирилган катта ҳарфлар билан бешинчи қаторда, саҳифа ўртасидан ёзилади.
  6. Маърузада мавзу орқали кўтарилган муаммо, унинг ечими, илмий амалий-аҳамияти ва хулосаси кисқа мазмунда берилиши, турли цитата, жадвал ва схемалар келтирилиши, ҳамда ҳаволалар сатр остида берилиши мумкин (Масалан: Шониёзов К. Ўзбек халқининг шаклланиши жараёни. Тошкент, 2001. Б. 135.).
  7. Матнга қўшимча равишда аннотация ва калит сўзлар ўзбек, рус ва инглиз тилида берилиши керак.
  8. Материал электрон ва қоғоз шаклда топширилиши сўралади.

  Кечиктирилган ва талаблар бўйича тайёрланмаган матн қабул қилинмайди.

Манзилимиз:

100170, Тошкент ш.,

Мирзо Улуғбек кўчаси, 79-уй,

Абу Райҳон Беруний номидаги Шарқшунослик институти.

Мурожаат учун:

Телефон ва телеграмм рақами:  911329730

E-mail: This email address is being protected from spambots. You need JavaScript enabled to view it.

Page 8 of 15

BIZ BILAN BOG'LANISH

Top
We use cookies to improve our website. By continuing to use this website, you are giving consent to cookies being used. More details…