SJ News II - шаблон joomla Авто

"ADOLAT" SOSIAL-DEMOKRATIK PARTIYASI

Бугун Ўзбекистон Республикаси Фанлар академияси Абу Райҳон Беруний номидаги Шарқшунослик институтида Туркия ҳамкорлик ва мувофиқлаштириш агентлигинингТошкент ваколатхонаси ташаббуси билан 2019 йилнинг 17-27 апрель кунлари ўтказилиши режалаштирилган “Қўлёзма асарларни сақлаш ва таъмирлаш” мавзусидаги ўқув-амалий курсининг очилиш маросими бўлди. Унда Туркиянинг Ўзбекистондаги Фавқулодда ва Мухтор элчиси Меҳмет Сурейя Эр жаноблари ва Туркия ҳамкорлик ва мувофиқлаштириш агентлигининг Тошкент ваколатхонаси  раҳбари Али Эҳсон Чағлар иштирок этиб, икки давлат ўртасида турли соҳаларда олиб борилаётган ҳамкорликнинг ижобий натижаларига ва келгусидаги уфқларига алоҳида эътибор қаратдилар. Маданий мерос манбаларини ўрганиш, уларни сақлаш ва реставрация амалиётлари икки тараф мутахассислари учун тажриба алмашинув мактаби бўлиб хизмат қилиши таъкидланди.

Шундан сўнг, мазкур ўқув-амалий курсининг машғулотлари бошланди. Унда маърузачилари сифатида Туркия қўлёзма асарлар кенгаши Бошқармаси, Китоб шифохонаси ва архиви департаменти раҳбари Нил Байдар хоним ва Кония шаҳар қўлёзма асарлар минтақавий бошқармасининг бошлиғи Бекир Шаҳин жаноблари иштирок этмоқдалар.

Тадбирда Ўзбекистон Мусулмонлар Идораси, Ўзбекистондаги Ислом цивилизацияси маркази, Алишер Навоий номидаги миллий кутубхона, Узархив/Кинофотофоно ҳужжатлари марказий архив, Ўзархив, Имом Бухорий халқаро илмий-тадқиқот маркази каби турдош ташкилотлардан соҳа мутахассислари иштирок этмоқдалар.

 

  Yaqinda Saudiya Arabistonining Riyoz shahrida Osiyo arabshunoslarining I Xalqaro konferensiyasi o‘tkazildi. Unda O’zbekiston Respublikasi Vazirlar Mahkamasi huzuridagi O’zbekistonga oid xorijdagi madaniy boyliklarni tadqiq etish markazi, O’zbekiston xalqaro islom akademiyasi va Imom Termiziy xalqaro ilmiy-tadqiqot markazi vakillaridan iborat O‘zbekiston Fanlar Akademiyasi vitse-prezidenti B.Abduxalimov boshchiligidagi delegatsiya ham qatnashdi.

   Saudiya Arabistonidagi Tadqiqotlar va ma’rifiy aloqalar markazi tomonidan tashkil etilgan mazkur tadbirda Osiyo qit’asining 18-ta davlatidan taklif etilgan arabshunos olimlar va ushbu qit’a mamlakatlari bilan qiziqqan 100 nafardan ziyod tadqiqotchi hamda akademiklar ishtirok etdi.

   Tadqiqotlar va ma’rifiy aloqalar markazi direktori, doktor Yahyo Mahmud bin Junaydkonferensiyada so‘z olib, ushbu tadbirni tashkil etishdan maqsad ma’rifiy aloqalarni tiklash, rivojlantirish, shuningdek, Osiyo arabshunoslarini kelajakda hamkorlikda tadqiqotlar olib borishlari uchun zamin va shart-sharoitlar yaratish, ularning xizmatlarini munosib baholash hamda rag‘batlantirish kabi masalalarni amaliyotga tadbiq etish davr talabi ekanligini qayd etdi. Tadbirda so‘zga chiqqanlar O‘zbekiston diyorida tug‘ilib, tahsil olib va asrlar davomida arab tilida ijod qilgan bir qator buyuk hadisshunoslar, mutafakkirlar va olimlarning islom sivilizatsiyasiga qo‘shgan ulkan hissasini hamda allomalardan qolgan tarixiy qo‘lyozma manbalar bugungi kunda qanchalik bebaho ekanligini ta’kidladilar.

  Shu o‘rinda, O‘zbekiston Prezidenti Shavkat Mirziyoyev tashabbusi bilan Samarqandda Imom Buxoriy nomidagi Xalqaro ilmiy-tadqiqot markazi, Toshkentda Islom sivilizatsiyasi markazi hamda O‘zbekiston xalqaro islom akademiyasining tashkil etilganligi yuksak e’tirofga sazovor ekanligini ta’kidlanib, mazkur anjuman ishtirokchilarining kelgusidagi faoliyatiga xos va mosligi qayd etildi. Konferensiya doirasida tashkil etilgan Osiyolik rassomlarning 50ga yaqin san’at asarlari namoyishi bilan birgalikda arab yozuvidagi xattotlik ko‘rgazmasi ham qatnashchilarga manzur bo‘ldi.

   O‘z navbatida O‘zbekistonning Saudiya arabistonidagi elchixonasi vakillari va mamlakatimizdan tashrif buyurgan delegatsiya a’zolari ishtirokida “davra suhbati” uyushtirildi. Tadbir O‘zbekiston va Saudiya Arabistoni Podshohligi o‘rtasida oliy ta’lim va ilmiy-ma’rifiy sohalarda o‘zaro hamkorlikni kengaytirish masalalariga bag‘ishlandi.

 Arab mamlakatlari bilan munosabatlarni kengaytirish va jadallashtirish hamda tarixiy qo‘lyozmalarni chuqur o‘rganish jarayonida arab tili mutaxassislarining ishtirokini oshirish muhim ahamiyat kasb etishi, shuningdek, Saudiya Arabistonidagi tarjimonlik kurslarida o‘zbekistonlik talabalarning qatnashishini tashkil etish lozimligi ham qayd etildi.  Tadbirda, shuningdek, Saudiya Arabistoni kutubxonalarida Markaziy Osiyo mutafakkirlarining ilmiy-ijodiy qo‘lyozmalari va muzeylaridagi O‘zbekistonga tegishli bo‘lgan asori-atiqalarni o‘rganish kabi mavzular ham “davra suhbati”da muhim joy egalladi.

  

“Dunyo” AA

 

Ўзбекистон Республикаси Фанлар академияси Абу Райҳон Беруний номидаги Шарқшунослик институтида 2019 йил 15 апрелда анъанавий Ёш шарқшуносларнинг академик Убайдулла Каримов номидаги ХVI илмий-амалий конференцияси ўтказилди. Бу йил конференция Тошкентдаги Туркия ҳамкорлик ва мувофиқлаштирув бўйича агентлиги (TIKA) билан ҳамкорликда ташкиллаштирилди.

Ушбу анжуманда шарқшуносликнинг турли соҳаларида илмий изланишлар олиб бораётган 150 га яқин магистрантлар, таянч докторантлар ва мустақил тадқиқотчилар иштирок этишди. Анжуманга бу йил 300 га яқин тезис келган, таҳрир ҳайъати қароридан сўнг 130 га яқини конференция материаллари тўпламида чоп этилди. Анжуманда 3 та шўъба бўйича: “Манбашунослик ва исломшунослик”, “Тарих ва тарихшунослик”, “Тил ва адабиёт” 50 дан ортиқ маърузалар тингланди. Ҳар бир шўъбада “Энг яхши маъруза” номинацияси бўйича 1, 2, 3-ўрин ғолиблари аниқланди. Шунингдек, анжуман материаллар тўпламига 9 та хорижий (Афғонистон: Қобул давлат университети; АҚШ: Стенфорд унверситети; Австралия: Квинсленд университети; Озарбайжон: Озарбайжон Миллий фанлар академияси Тарих институти; Тожикистон: Хужанд давлат университети; Қирғизистон: Қирғиз-турк “Манас” институти ва Қирғизистон давлат университети; Украина: Киев миллий педагогик университети) тадқиқотчиларнинг тезислари ҳам киритилган. Қирғизистон миллий университети ва Қирғиз-турк “Манас” университетининг тадқиқотчилари ҳам маърузалар билан иштирок этишди.

.

.

.

Ўзбекистон Республикаси Фанлар академияси Абу Райхон Беруний номидаги Шарқшунослик институтининг Академик Убайдулла Каримов номидаги Ёш шарқшуносларнинг анъанавий XVI Республика илмий-амалий конференциясида иштирок этиш истагини билдирган маҳаллий ва хорижий тадқиқотчилардан 300 га яқин тезис (мақола) келиб тушди. Ташкилий қўмита уларни саралаш ва нашрга тавсия этиш учун тегишли мутахассисликлар бўйича жамланган таҳрир ҳайъатига тақдим этди. Бу йил конференция 15 апрел куни ЎзР ФА ШИ биносида бўлиб ўтади.

На днях в столице Султаната Оман Маскате состоялась XXIV Международная книжная ярмарка, на которой было представлено более 500 тысяч наименований книг со всего мира.

В частности, в этом году свою продукцию на ней экспонировали 882 книжных издательства более чем из 30 стран мира. Узбекистан также был представлен на этом крупном букинистическом форуме. В качестве почетного гостя от нашей страны выступил Вице-президент академии наук Б.Абдухалимов. В рамках участия он выступил с докладом об изучении и сохранении древних рукописей, деятельности Института востоковедения имени Абу Райхана Беруни при Академии наук Узбекистана, а также уделяемом в республике внимании к данной сфере в целом.

 После мероприятия в министерстве информации Султаната Оман представителем Узбекистана были обсуждены вопросы налаживания сотрудничества с ведущими оманскими вузами и научно–исследовательскими центрами по изучению рукописей и исторических документов, обмену опытом и повышению квалификации специалистов.

  ИА «Дунё»  Маскат

Page 57 of 63

BIZ BILAN BOG'LANISH

Top
We use cookies to improve our website. By continuing to use this website, you are giving consent to cookies being used. More details…