"ADOLAT" SOSIAL-DEMOKRATIK PARTIYASI
Yangiliklar (400)
ISLOM SIVILIZATSIYASI MARKAZI DELEGATSIYASI ITALIYADA
Italiyada “Boburnoma”ning taqdimoti bo‘lib o‘tdi
Bobur tavalludining 542 yilligi munosabati bilan Italiyada O‘zbekistondagi Islom sivilizatsiyasi markazi, O‘zbekistonning bu davlatdagi elchixonasi hamda Rim shahridagi Sandro Teti Editore nashriyot uyi tomonidan “Boburnoma”ning italyan tilidagi tarjimasi taqdimotlari o‘tkazilmoqda.
Tadbirda italiyalik atoqli olim, professor Franko Kardini, Palasso Strossi majmuasi prezidenti, Italiya Senati aʼzosi Rekardo Nenchini, Sandro Teti Editore rahbari Sandro Teti, O‘zR FA vitse-prezidenti, professor Bahrom Abduhalimov, O‘zbekistonning Italiyadagi elchisi Abat Fayzullayev, Islom sivilizatsiyasi markazi direktori Firdavs Abduxoliqov va boshqalar so‘zga chiqib, “Boburnoma”ning bu yerda nashr etilishi ikki davlat o‘rtasidagi ijtimoiy-maʼnaviy aloqalar rivojida muhim voqea bo‘lganini taʼkidladi.
Xalq mulki
Sharqshunoslik instituti katta ilmiy xodimi PhD Oysara Madaliyeva O'zbekiston tarixi telekanalining "Xalq mulki" ko'rsatuvida Alisher Navoiy devonlari haqida gapirdi.
Туркиялик етакчи хаттот Хусейн Кутлу:
Туркиялик етакчи хаттот Хусейн Кутлу: “Ўзбекистонда хаттотлик мактаби ташкил этилаётгани катта ҳодиса”
Ислом цивилизацияси маркази ходимлари Истанбулда машҳур хаттот, замонавий турк хаттотлик мактабининг етакчи вакили Хусейн Кутлу билан учрашди. У Истанбулдаги қатор масжидлар ёзувларининг муаллифи бўлиб, кўплаб шогирдлар етиштирган устоз сифатида танилган.
Учрашувда Ўзбекистонда хаттотлик санъатини ривожлантириш, марказ қошида махсус мактаб ташкил этиш ва хорижлик мутахассислар билан ҳамкорлик масалалари муҳокама қилинди. Хусейн Кутлу бу жараёнда фаол иштирок этишини билдириб, шундай деди:
— Ўзбекистон Президенти меҳнатимизга қизиқиш билдирганларидан мамнунман. Айниқса мамлакатда хаттотлик мактаби ташкил этилаётгани жуда катта ҳодиса! Албатта, биз бу жараёнга ўз ҳиссамизни қўшишга тайёрмиз. Чунки бизнинг маданиятимиз узоқ асрларга бориб тақалади!
Хусейн Кутлу 2024 йилнинг октябрь ойида Ўзбекистонда бўлиб ўтган "Шарқ Ренессанслари феномени: салтанатлар, динлар, шахслар ва тамаддунлар" номли маданий мерос ҳафталигида маҳаллий хаттотлар билан учрашувлар ва маҳорат дарсларини ўтказган эди. Шунингдек, у “Истанбул мусҳафи"ни кўргазмада намойиш қилган эди.
Учрашув давомида марказ ходимлари Хусейн Кутлу яратган хаттотлик намуналари билан танишди. У келажакда ҳам онлайн ва бевосита ҳамкорликни давом эттиришини таъкидлади.
Ислом цивилизацияси маркази Ахборот хизмати
Darsxonalar dizayni Behbudiyning g'oyasi ekanini bilasizmi?
❓ Darsxonalar dizayni Behbudiyning g'oyasi ekanini bilasizmi?
⚡️ Institutimiz (https://t.me/icrichuzb) katta ilmiy xodimi, tarix fanlari doktori Sherali Qo‘ldoshev Turkiston jadidchilik harakati asoschisi, ma'rifatparvar arbob Mahmudxo‘ja Behbudiy haqida
Alisher Navoiy yili
Axborot 24 | Prezidentimizning «Buyuk shoir va mutafakkir Mir Alisher Navoiy ijodiy merosini yurtimiz va jahon miqyosida keng targ‘ib qilish hamda Navoiy viloyatida «Alisher Navoiy yili»ni yuqori darajada tashkil etish chora-tadbirlari to‘g‘risida»gi qaroriga sharh
“Алишер Навоий ва Шарқ Ренессанси” IV халқаро симпозиуми иштирокчиларига
Ҳурматли симпозиум қатнашчилари!
Муҳтарам меҳмонлар!
Аввало, сиз, азизларни “Алишер Навоий ва Шарқ Ренессанси” IV халқаро симпозиумининг очилиши билан чин қалбимдан самимий муборакбод этаман.
Қадимий Ўзбекистон заминида, гўзал Зарафшон воҳасида Шарқ Уйғониш даврининг ёрқин намояндаси, буюк шоир ва мутафаккир Мир Алишер Навоий номи билан аталадиган навқирон шаҳарда илк бор ўтказилаётган ушбу форумнинг нуфузи дунё миқёсида тобора ортиб бормоқда. Бу галги анжуманда Осиё, Африка, Европа ва Америка қитъалари мамлакатларидан кўплаб таниқли олим ва тадқиқотчилар иштирок этаётгани ҳам бу фикрни яққол тасдиқлайди.
Мазкур анжуман Навоий вилоятида “Алишер Навоий йили” деб эълон қилинган жорий йилда, улуғ аждодимизнинг 584 йиллик таваллуд санаси кенг нишонланаётган кунларда ўтаётгани унинг файзи ва шукуҳини янада оширмоқда.
Қадрли дўстлар!
Жаҳон адабиёти ва тафаккури тарихида ўчмас из қолдирган Алишер Навоийнинг серқирра ижтимоий-сиёсий, ижодий, илмий-маърифий фаолияти, бой адабий-бадиий мероси асрлар давомида юксак инсонпарварлик, Ватанга садоқат, адолат ва эзгулик тимсоли сифатида ҳамиша жаҳон аҳлининг эътиборини тортиб келмоқда.
Ҳазрат Мир Алишер Навоий ўта мураккаб шароитда миллий ва умуминсоний ғояларни баланд кўтариб майдонга чиққани, ўзбек адабий тилига асос солиб, унинг ўлмас руҳи, қудрати ва латофатини ҳар томонлама исботлаб бергани чинакам маънавий жасорат намунаси, десак, айни ҳақиқатни айтган бўламиз.
Бу мумтоз сиймо жаҳон адабиёти мезонларига, замон ва тарих синовларига тўла жавоб берадиган дурдона асарлар яратиб, нафақат ўзбек, балки барча туркий адабиётлар ривожига беқиёс ҳисса қўшгани ҳам юксак ҳайрат ва таҳсинга муносибдир.
Алишер Навоийнинг бебаҳо ижодий мероси ҳақли равишда жаҳон адабиёти даҳоларининг буюк асарлари билан бир қаторда туриши бизга чексиз ғурур ва ифтихор бағишлайди.
Айниқса, мутафаккир аждодимизнинг турли халқлар ўртасида тинчлик ва дўстликни мустаҳкамлаш, башариятнинг ёруғ келажагини биргаликда қуришга чорлайдиган ғоя ва қарашларининг аҳамияти ҳозирги таҳликали даврда тобора ортиб бормоқда.
Бугунги кунда биз Янги Ўзбекистонда Учинчи Ренессансни барпо этиш жараёнларида Алишер Навоий асарларини ўзимиз учун битмас-туганмас куч-ғайрат ва илҳом манбаи деб биламиз. Шу боис бу ноёб маънавий бойликни чуқур ўрганиш ва тарғиб этиш доимо эътиборимиз марказида бўлади.
Фурсатдан фойдаланиб, шу борада юртимиз олимлари билан фаол ҳамкорлик қилиб келаётган сиз, азизларга, барча илм-фан намояндаларига чуқур миннатдорлик билдираман.
Ушбу анжуманга пухта тайёргарлик кўрган, Алишер Навоийнинг таваллуд айёмини катта шоду хуррамлик ва бунёдкорлик ишлари билан кутиб олаётган Навоий шаҳри ва вилояти аҳлига, мутасадди раҳбарларга ҳам самимий ташаккур изҳор этаман.
Сизларни яна бир бор чин дилдан қутлаб, барчангизга мустаҳкам соғлиқ, илмий ва ижодий фаолиятингизда улкан ютуқ ва омадлар, анжуман ишига эса муваффақият тилайман.
Шавкат Мирзиёев,
Ўзбекистон Республикаси Президенти
Alisher Navoiy tavalludining 584 yilligi
Joriy yilning 8-9-fevral kunlari Navoiy shahrida Alisher Navoiy tavalludining 584 yilligi munosabati bilan Navoiy shahrida "Alisher Navoiy va Sharq Renessansi" nomli simpoziumi o'tkazilmoqda.
Unda O‘zR FA Abu Rayhon Beruniy nomidagi Sharqshunoslik instituti direktori t.f.d. prof. B.Abduhalimov hamda katta ilmiy xodim (PhD) O.Madaliyeva ishtirok etmoqda. Ushbu tadbirining plenar ma‘ruzalarini Institut direktori Bahrom Abdurahimovich boshlab berdi.
"Xalq mulki"
Sharqshunoslik instituti ilmiy xodimlari Ne'matilla Jabborov hamda Jahongir Ostonov O'zbekiston tarixi telekanalida efirga uzatilgan "Xalq mulki" ko'rsatuvida Xoja Ahmad Yassaviy hayoti, maqbarasi haqida gapirdi.
Islom sivilizatsiyasining zamini - ilm-fan, madaniyat, ta'lim va tarbiyadir
More...
O‘zbekiston Fanlar akademiyasi haqiqiy a’zosi Galina Pavlovna Matviyevskaya 95 yoshida vafot etdi
Fan tarixi sohasi og‘ir judolikka uchradi. O‘zbekiston Fanlar akademiyasi haqiqiy a’zosi, fizika-matematika fanlari doktori, professor Galina Pavlovna Matviyevskaya 95 yoshida Orenburg shahridagi uyida vafot etdi.
G. P. Matviyevskaya 1930-yilda Dnepropetrovsk (hozir Ukraina Respublikasining Dnepr shahri)da tug‘ilgan. 1954-yilda Leningrad (hozirgi Sankt-Peterburg) universitetining matematika mexanika fakultetini tamomlagan, 1959-yilda SSSR Fanlar akademiyasi (hozirgi Tabiatshunoslik va Rossiya texnika Fanlar tarixi akademiyasi)ning institutida nomzodlik dissertatsiyasini himoya qilgan. O‘sha yili u O‘zbekiston Fanlar akademiyasi V.I.Romanovskiy nomidagi Matematika institutiga o‘rta asrlar Sharqidagi fanlar tarixi bo‘yicha tadqiqotlarni kuchaytirish uchun taklif qilindi. 1968-yilda u doktorlik dissertatsiyasini himoya qildi (ilmiy maslahatchisi - akademik S. X.Sirojiddinov). U B.A.Rozenfeld bilan birgalikda jahon fondlarida saqlanayotgan arab tilidagi matematika va astronomiyaga oid qoʻlyozmalar katalogini tuzgan, shogirdlari bilan birgalikda O‘zbekiston Fanlar akademiyasi Abu Rayhon Beruniy nomidagi Sharqshunoslik institutidagi matematik qoʻlyozmalarining tavsifini amalga oshirgan.
G.P.Matviyevskaya yurtimizdan yetishib chiqqan Muhammad ibn Muso al-Xorazmiy, Abu Rayhon Beruniy, Shamsiddin Samarqandiy va Mirzo Ulug‘bek, Samarqandda faoliyat olib borgan Qozizoda Rumiy, Jamshid Koshiy va boshqa olimlarining ilmiy merosini o‘rganish va targ‘ib qilish, shuningdek, ilm-fan tarixi bo‘yicha mutaxassislar tayyorlashdagi xizmatlari uchun Beruniy nomidagi Oʻzbekiston Davlat mukofoti (1974), “O‘zbekiston Respublikasida xizmat ko‘rsatgan fan arbobi” faxriy unvoni (1980) bilan taqdirlangan. U O‘zbekiston Respublikasi Fanlar akademiyasi muxbir a’zosi (1984), so‘ngra O‘zbekiston Respublikasi Fanlar akademiyasining haqiqiy a’zosi (2000) etib saylangan edi.
G. P.Matviyevskaya ko‘ptilli olima edi - u lotin, ingliz, nemis, fransuz va arab tillarini bilgan, YUNESKO tomonidan tabiiy fanlar tarixi bo‘yicha yirik mutaxassis sifatida tan olingan va Xalqaro fanlar tarixi akademiyasining (Parij) haqiqiy a’zosi etib saylangan, U al Xorazmiy, Dekart, Beruniy, Ulug‘bek, V.I.Romanovskiy, Abdurrahmon as-So‘fiy haqida kitoblar nashr ettirgan, sharqshunoslik sohasiga ilmiy to‘plamlar tuzuvchisi va bosh muharriri bo‘lgan, Muhammad ibn Muso al-Xorazmiyning 1200 yilligi munosabati bilan tashkil etilgan yubiley (1983) tadbirlarini o‘tkazishda faol ishtirok etgan.
O‘zbekistonda sharqshunoslik fanining rivojiga ulkan hissa qo‘shgan atoqli olim Galina Pavlovna Matviyevskayaning yorqin xotirasi qalbimizda hamisha saqlanib qoladi.
O‘zbekiston Fanlar akademiyasi jamoasi nomidan marhumning oila a’zolari va yaqinlariga chuqur hamdardlik bildiramiz.
Sharqshunoslik instituti katta ilmiy xodimi Salimaxon Eshonova Islom sivilizatsiyasi haqida
Sharqshunoslik instituti kichik ilmiy xodimi Fahriddin Ibrohimov
“O‘zbekiston diplomatiyasi tarixi” kitobi taqdimot qilindi
