“O‘tmish va kelajakni bog‘lovchi ulug‘vor g‘oya” – Bahrom ABDUHALIMOV, O‘zbekiston Respublikasi Fanlar akademiyasi vitse-prezidenti, xalq deputatlari Toshkent shahar Kengashi deputati.

✅Samarqand shahrida bo‘lib o‘tgan YUNESKOning 43-sessiyasida Butunjahon turkiy tillar oilasi kuni xalqaro miqyosda e’tirof etilgan edi.

✅Shu munosabat bilan joriy yilning 15-16-dekabr kunlari Toshkentdagi Turkiy davlatlar xalqaro universitetida Butunjahon turkiy tillar oilasi kuniga bag‘ishlangan “Turkiy dunyo yoshlari ta’lim forumi” bo'lib o'tdi.

✅Ushbu nufuzli forumda O'zbekiston Fanlar akademiyasi Abu Rayhon Beruniy nomidagi Sharqshunoslik instituti yetakchi ilmiy xodimi f.f.d., prof. Baxtiyor Karimov hamda tayanch doktorantlar Dostonjon Tojiyev va Sarbozbek Saparovlar ham faol ishtirok etdi.

✅Forumda Turkiya, Vengriya, Qozog‘iston, Qirg'iziston, Ozarbayjonlik olimlar va soha mutaxassislari ishtirokida panel sessiyalari, ilmiy muhokamalar, diplomatik simulyatsiyalar bilan davom etib, yakunda rezolutsiya qabul qilindi hamda Turkiy davlatlar tashkilotiga yuborilishi ma'lum qilindi.

Sharqshunoslik instituti yetakchi ilmiy xodimi Komiljon Rahimov Rahmatovichga “Professor” ilmiy unvoni berildi

O‘zbekiston Respublikasi Oliy attestatsiya komissiyasi Sharqshunoslik instituti Kengashi tavsiyasiga ko‘ra, tarixshunoslik, manbashunoslik va tarixiy tadqiqot usullari yo‘nalishi bo‘yicha Komiljon Rahimov Rahmatovichga rasmiy ravishda “Professor” ilmiy unvoni berildi.

2025-yil 28-noyabr sanasida tasdiqlangan ushbu qaror olimning ko‘p yillik ilmiy-mehnati, tadqiqotlaridagi fidoyiligi, ilm-fan rivojiga qo‘shgan salmoqli hissasi va yetishtirib kelayotgan ilmiy maktabining e’tirofi sifatida qadrlanadi.

Sharqshunoslik instituti jamoasi Komiljon Rahimov Rahmatovichni ushbu yuksak va nufuzli unvon bilan chin dildan muborakbod etadi.

2025-yil 10-dekabrda O‘zR FA Sharqshunoslik instituti Tarixiy manbashunoslik bo‘limining kichik ilmiy xodimi Faromarzi Fayzulloning 07.00.08 – “Tarixshunoslik, manbashunoslik va tarixiy tadqiqot usullari” ixtisosligi bo‘yicha “Hofizi Abruning “Zubdat at-tavorix” asari Movarounnahr va Xuroson tarixiga oid muhim manba (XIV–XV asrlar)” mavzusidagi tarix fanlari bo‘yicha falsafa doktori (PhD) ilmiy darajasini olish uchun yozilgan dissertatsiyasi institutning “Tarixiy manbashunoslik” bo‘limida muhokama qilindi.

Muhokamada majlis raisi t.f.n. H. Lutfullayev va Institut ilmiy xodimlari t.f.d., akademik D. Yusupova, t.f.d., professor A.Buriev (ilmiy rahbar), t.f.d., professor N. Allayeva, t.f.n., t.f.n., katta ilmiy xodim H. Aminov, PhD, katta ilmiy xodim F. Djumaniyozova, PhD, katta ilmiy xodim H.Nazirova, PhD katta ilmiy xodim O.Madalieva, PhD katta ilmiy xodim N. Ismatova, kichik ilmiy xodimlar X.Abdurasulov, A.Idiev ishtirok etdi. Dissertatsiya ishi keyingi bosqichga tavsiya etildi.

2025 yil 9-dekabr kuni soat 10:30da O‘zR FA Sharqshunoslik instituti huzuridagi ilmiy darajalar beruvchi Ilmiy Kengash qoshidagi ilmiy seminar bo‘lib o‘tdi. Seminarda Abdullaev Botirjon Qosimovichning “Jamshid Koshiyining ‘Ziji Xoqoniy’ asari – Temuriylar davriga oid muhim astronomik manba” mavzusidagi dissertatsiyasi muhokamasi o‘tkazildi.

Mazkur muhokama quyidagi ixtisosliklar doirasida amalga oshirildi:
07.00.02 – Fan va texnologiyalar tarixi;
07.00.08 – Tarixshunoslik, manbashunoslik va tarixiy tadqiqot usullari.