"ADOLAT" SOSIAL-DEMOKRATIK PARTIYASI
Yangiliklar (316)
МУКОФОТ МУБОРАК!
ЎзР ФА Абу Райҳон Беруний номидаги Шарқшунослик институтининг “Шарқ мумтоз адабиёти” бўлими мудири, филология фанлари номзоди Салимахон Эшонова "Шуҳрат" медали билан тақдирландилар. САЛИМАХОН, "Шуҳрат" медали муборак! Бундай фараҳбахш онлар бардавом бўлсин! С. Эшонова - қувноқ ва очиқкўнгил, аммо ишда талабчан, ташкилотчилик фазилатига эга ходимлардан. Шарқшунослик институтидаги фаолияти жараёнида ҳам доимий равишда ўз малакаси, сиёсий ва илмий-назарий савиясини ошириш устида ишлаши, ўзининг хулқи, фаоллиги билан жамоат ўртасида обрўга эга бўлди. Шарқ мумтоз адабиёти бўлими доирасида анъанавий тарзда ўтказадиган семинарларини эса халқаро миқёсга кўтарди. Низомий Ганжавий ва Алишер Навоий юбилейларига бағишланган тадбирни Ўзбекистондаги Озарбайжон Маданият маркази ҳамкорлигида, Заҳириддин Муҳаммад Бобурга бағишланган семинарни эса Ҳиндистон маданият маркази ҳамкорлигида хорижлик мутахассислар маърузалари иштирокида ташкил қилди. Мазкур шоирлар асарларининг хорижда сақланаётган нодир нусхалари фотокўргазмасини намойишини амалга оширди. Бу ўз навбатида, илмий-маданий тажриба алмашинувларга, шунингдек, хорижда сақланаётган кўплаб қўлёзмалар электрон нусхасининг Шарқшунослик институти фондига тақдим этилишига ҳам хизмат қилди.
Салимахон Эшонова кўп йиллардан буён шарқ мумтоз адабиёти билан шуғулланиб келмоқдалар. Ҳозиргача 11 та китоб (бундан 7 таси ҳаммуаллифлиқда), 66 та мақола (10 таси хориж ва МДҲ давлатларида) нашр қилган. 45 та илмий анжуманда маъруза билан иштирок этган (6 таси хорижий, 2 таси МДҲ давлатларида ўтказилган).
САЛИМАХОНГА
Эга бўлиб шуҳратга,
Эга бўпсиз "Шуҳрат"га.
Ҳақиқатан лойиқсиз,
Ҳурматга ҳам шуҳратга.
Шуҳратиз бўлсин осмон,
Ҳосилиз катта хирмон.
Меҳнатлар самараси,
Элга бўлсин армуғон.
Янги-янги зафарлар,
Тинмай сизга ёр бўлсин.
Дастурхон ёйганизда,
Маҳмудлар ҳам бор бўлсин!
Маҳмуд ҲАСАНИЙ
Сийратингиз суратда бўлиб намоён,
Гул-гун чеҳрангизда таралибди, нур.
Илм ва меҳнатда бўлиб, ёнма-ён,
Роҳатда яшайсиз, оласиз ҳузур.
Дастурҳон ёзилар, қўшалоқ байрам,
Маҳмудлар ўтирар савлатлар тўкиб.
Институт аҳли бўлиб жамул-жам.
Салимахонга тилагу таҳсинлар ўқиб!!!
? SHE'RIY QUTLOV ?
ТДШУ профессори Мирсодиқ Исхоқов ва шарқшунос олима Салимахон Эшоноваларни юксак унвонлар билан қутлаб, Маҳмуд Ҳасаний домла шеърий қутлов йўллабдилар?
Икки таниш, икки дўст,
Бири мағиз, бири пўст
Илму одоб бобида,
Тенгги йўқ бекаму кўст.
Бирлари Салимахон,
Қўлларида мукофат.
Тинмай қилган меҳнатдан,
Топди улуғ шарофат.
Бирлари Мирсодиқдир,
Тарихимиз қўрғони.
Шод бўлдилар эшитиб
Барча дўсту ёрони.
Бирлари топди "Шуҳрат",
Шуҳратидан шон топди.
Бири бўлиб "Мураббий,"
Ҳизмат ила кон топди.
Муборак бўлсин деймиз,
Омон бўлсин икки дўст.
Бизлар учун қадрдон,
Бири мағиз, бири пўст.
Маҳмуд ҲАСАНИЙ
Mustaqilligimizning 31 yilligi munosabati bilan bir guruh yurtdoshlarimiz taqdirlandi
Davlatimiz Rahbarining “Oʼzbekiston Respublikasi mustaqilligining oʼttiz bir yilligi munosabati bilan fan, taʼlim, sogʼliqni saqlash, sport, adabiyot, madaniyat, sanʼat sohalari va ommaviy axborot vositalari xodimlaridan bir guruhini mukofotlash toʼgʼrisida”gi Farmoniga muvofiq bir guruh vatandoshlarimiz mukofotlandi. Ular orasida Fanlar akademiyasi xodimlari ham bor.
“Oʼzbekiston Respublikasi fan arbobi” faxriy unvoni bilan
Egamberdiyev Shuxrat Аbdumannapovich - Oʼzbekiston Respublikasi Fanlar akademiyasining Аstronomiya instituti direktori.
“Oʼzbekiston Respublikasida xizmat koʼrsatgan madaniyat xodimi” faxriy unvoni bilan
Filanovich Margarita Ivanovna - Oʼzbekiston Respublikasi Fanlar akademiyasining Milliy arxeologiya markazi yetakchi ilmiy xodimi
“Oʼzbekiston Respublikasida xizmat koʼrsatgan sogʼliqni saqlash xodimi” faxriy unvoni bilan
Аripova Tamaraxon Oʼktamovna - Oʼzbekiston Respublikasi Fanlar akademiyasining Immunologiya va inson genomikasi instituti direktori.
“Mehnat shuhrati” ordeni bilan
Аbdullaev Fatxulla Xabibullayevich - Oʼzbekiston Respublikasi Fanlar akademiyasining Fizika-texnika instituti bosh ilmiy xodimi.
“Shuhrat” medali bilan
Eshonova Salimaxon Nishonbek qizi - Oʼzbekiston Respublikasi Fanlar akademiyasining Аbu Rayhon Beruniy nomidagi sharqshunoslik instituti boʼlim boshligʼi.
Taqdirlanganlarni davlatimizning yuksak mukofotlari bilan qutlaymiz hamda kelgusidagi faoliyatlarida muvafaqqiyatlar tilaymiz.
5 серия. Институт Востоковедения Абу Райхана Беруни.
ЎЗБЕКИСТОН ТАШАББУСЛАРИ ВА ХАЛҚАРО ҲАМКОРЛИК ИСТИҚБОЛЛАРИ.
Абу Райҳон Беруний меросининг илмий аҳамияти
Beruni daxosiga yuksak ehtirom
“BERUNIY O‘QISHLARI” RESPUBLIKA ILMIY-AMALIY ANJUMANIGA TAKLIF QILAMIZ!
Joriy yilning 6-sentabr kuni O‘zbekiston Respublikasi Fanlar akademiyasi Sharqshunoslik institutida buyuk qomusiy olim, mutafakkir Abu Rayhon Beruniy tavalludining 1050 yilligiga bag‘ishlangan “Beruniy o‘qishlari” respublika ilmiy-amaliy anjumani o‘tkaziladi.
Tadbir 6-sentabr kuni soat 09:30 da Institut majlislar zalida boshlanadi.
Manzil: Toshkent shahri, Mirzo Ulug‘bek ko‘chasi, 79.
Zoom orqali ulanish: https://us02web.zoom.us/j/9488941858?pwd=SFpJc0tNUmZXNWx2RmdvOFVnVkVrQT09
@sharqinstituti
Аbu Rayhon Beruniy tavalludining 1050 yilligini xalqaro miqyosda nishonlash - Bahrom Abduhalimov
Аbu Rayhon Beruniy tavalludining 1050 yilligi xalqaro miqyosda keng nishonlanadi
Oʼzbekiston Respublikasi Prezidentining “Buyuk mutafakkir va qomusiy olim Аbu Rayhon Beruniy tavalludining 1050 yilligini xalqaro miqyosda keng nishonlash toʼgʼrisida”gi qarori qabul qilindi.
Xususan, mazkur qaror bilan Fanlar akademiyasining Qoraqalpogʼiston boʼlimi va Xorazm Maʼmun akademiyasining moddiy-texnika bazasini mustahkamlash, ularda madaniy meros obyektlari, shu jumladan, arxeologiya merosi obyektlari, muzey ashyolarini restavratsiya va konservatsiya qilishga ixtisoslashgan laboratoriya tashkil qilish hamda ularni zamonaviy jihozlar bilan taʼminlash hamda Аbu Rayhon Beruniy merosini oʼrganish maqsadida xalqaro miqyosda keng koʼlamli ilmiy izlanishlar olib borish va ularning natijalarini eʼlon qilish, shu mavzuda ilmiy, badiiy-publitsistik asarlar yaratish, xorijiy olimlarning asarlarini oʼzbek va qoraqalpoq tillarida nashr qilish belgilandi.
More...
Xalqaro konferensiya - qadimiy yozma manbalarni saqlash va tadqiq etish
Қадимий ёзма манбаларни сақлаш ва тадқиқ этишнинг долзарб масалалари
“QADIMIY YOZMA MANBALARNI SAQLASH VA TADQIQ ETISHNING DOLZARB MASALALARI” MAVZUSİDA AKADEMIK U.KARIMOV NOMIDAGI YOSH SHARQSHUNOSLARNING XVIII XALQARO KONFERENSIYASI
2022-yil 4-5-avgust kunlari O'zR FA Sharqshunoslik institutida Islom hamkorlik tashkiloti huzuridagi Islom tarixi, san’ati va madaniyatini tadqiq etish markazi (IRCICA), O’zbekistondagi islom sivilizatsiyasi markazi va Toshkent davlat sharqshunoslik universiteti bilan hamkorlikda “Qadimiy yozma manbalarni saqlash va tadqiq etishning dolzarb masalalari” mavzusida akademik U.Karimov nomidagi yosh sharqshunoslarning XVIII xalqaro konferensiyasi o‘tkaziladi.
Konferensiya 4-avgust kuni soat 10:00 da Institut majlislar zalida boshlanadi. Konferensiya o’zbek, turk, ingliz va rus tillarida olib boriladi.
Manzil: Toshkent shahri, Mirzo Ulug’bek ko’chasi, 79.
Раҳимов Комилжон Раҳматовичнинг тарих фанлари доктори (DSc) диссертацияси ҳимояси тўғрисида
“Хожагон-нақшбандия таълимотининг илдизлари ва шаклланиш манбалари (IX–XIV асрлар)” мавзусида.
Ўзбекистон Фанлар академияси Абу Райҳон Беруний номидаги Шарқшунослик институти ҳузуридаги DSc.02/30.12.2019.Tar.44.01 рақамли Илмий кенгашнинг 2022 йил 10 август куни соат 14:30 даги мажлисида тадқиқотчи Раҳимов Комилжон Раҳматовичнинг “Хожагон-нақшбандия таълимотининг илдизлари ва шаклланиш манбалари (IX–XIV асрлар)” мавзусидаги 07.00.08 – Тарихшунослик, манбашунослик ва тарихий тадқиқот усуллари ва 07.00.03 – Жаҳон тарихи ихтисосликлари бўйича тарих фанлари доктори (DSc) ҳимояси онлайн/оффлайн бўлиб ўтади.
Манзил: 100170, Тошкент шаҳри, М.Улуғбек кўчаси, 79-уй, Ўзбекистон Фанлар академияси Абу Райҳон Беруний номидаги Шарқшунослик институти, 2-қават, Мажлислар зали.
Тел.: (99871) 262 54 61, Факс: (99871) 262-52-77, e-mail: This email address is being protected from spambots. You need JavaScript enabled to view it.
http://beruni.uz/en-ca/component/k2/item/432-avtorefkr.html