""Adolat" sosial-demokratik partiya Siyosiy Kengashi raisi"
Yangiliklar (188)
RFA Sharq qo`lyozmalari institutida O`zbekistonning boy madaniy merosi namoyish etildi
Rossiyaning Sankt-Peterbrug shahrida, asov Neva daryosi sohilida Rossiya Fanlar akademiyasining Sharq qo`lyozmalari instituti joylashgan. Bu dargohda O`zbekistondan keltirilgan yoxud o`zbek xalqining boy madaniy merosiga taalluqli o`nlab bebaho qo`lyozmalari saqlanadi. Ulardan biri milodiy VIII asrda arab alifbosining ko`fiy-hijoziy xatida ko`chirilgan Qur`oni karim nusxasidir. Qo`lyozmaning bir nechta sahifasi O`zbekistonda, Qashqadaryo viloyatida, Toshkert va Buxoro shaharlarida saqlanmoqda. Qolgan sahifalar qaerda ekani ayni paytgacha noma`lumligicha qolayotir.
Ma`lumotlarga ko`ra, bu kitob bir paytlar Qashqadaryo viloyatining Qamashi tumanidagi Katta Langar qishlog`ida, tasavvufdagi Ishqiya tariqati shayxlari xonaqohida saqlangan. Shu bois ushbu qo`lyozma ilmiy jamoatchilik orasida “Katta Langar Qur`oni” nomini olgan. Kitobning katta qismi – 81 sahifasi qanday qilib Rossiyaga borib qolgani haqida ham turli-tuman taxminlar mavjud. U Sharq qo`lyozmalari institutiga o`tgan asrning 30-yillari oxirida keltirilgan.
Keyingi yillarda bir qator olimlarning ilmiy izlanishlari, zamonaviy tekshiruvlar natijasida O`zbekiston va Rossiyada saqlanayotgan sahifalar aynan bitta qo`lyozmaning tarkibiy qismlari ekani, ular chindan ham bundan 13 asr muqaddam ko`chirilgani aniqlandi. Mutaxassislar fikricha, u Qur`oni karimning Islom olamidagi eng qadimiy va mo``tabar nusxalaridan biri hisoblanadi.
2017 yilda “O`zbekiston madaniy merosi dunyo to`plamlarida” loyihasi doirasida Evropa texnologiyalari asosida “Katta Langar Qur`oni”ning faksimile nusxalari yaratildi. Mazkur nusxalar o`tgan vaqt davomida mamlakatimizdagi bir qator ilmiy va diniy muassasalarga tarqatildi.
Ushbu nusxalardan bir nechtasi “O`zbekiston madaniy merosi – Xalqlar va mamlakatlar o`rtasidagi muloqotga yo`l” Ikkinchi xalqaro kongressi doirasida Sankt-Peterburgga keltirildi. Ulardan biri qo`lyozmaning asl nusxasi saqlanayotgan Sharq qo`lyozmalari institutiga sovg`a qilindi.
– Bir qarashda bu biroz g`alati tuyulishi mumkin, - deydi loyiha rahbari, O`zbekiston Elektron ommaviy axborot vositalari Milliy assosiasiyasi raisi Firdavs Abduxoliqov. – Avvalo bu ushbu nodir qo`lyozmadan nusxa olish imkonini bergan institut rahbariyatidan minnatdorligimiz ifodasi. Qolaversa, mazkur qo`lyozmani tadqiq qilmoqchi bo`lgan olim va mutaxassislar uchun faksimile nusxasi juda qo`l keladi. Asl nusxa esa, instittning bebaho xazinasi sifatida daxlsizligicha qolishi lozim.
O`zbekistondan borgan delegasiya a`zolari institutga shuningdek, O`zbekistondagi madaniy yodgorliklar va ulardagi bitiklar haqda hikoya qiluvchi “O`zbekiston obidalaridagi bitiklar” kitob-albomlar to`plami tuhfa qilindi.
— O`zbekistonga oid qo`lyozmalarni haqiqiy ma`noda institumizning faxri deb ayta olamiz, – deydi Rossiya Fanlar akademiyasi Sharq qo`lyozmalari instituti direktor Irina Popova. – O`zbekiston hukumati va ilmiy jamoatchiliining o`z xalqi madaniy merosini tadqiq etishga qaratilgan tashabbus va harakatlari tahsinga loyiq. Bizning institutimiz eshiklari o`zbekistonlik mehmonlar, tadqiqotchilar, olimlar uchun hamisha ochiq. Siz bilan hamkorlik qilishdan hamisha mamnuniyat hissini tuyamiz.
Sankt-Peterburgda o`tayotgan “O`zbekiston madaniy merosi – xalqlar va mamlakatlar o`rtasidagi muloqotga yo`l” Ikkinchi xalqaro kongressi doirasida mazkur ilmiy dargohda “Sharq qo`lyozmalari institutida Sharq kitobat san`atining nodir durdonalari” nomli ko`rgazma ham tashkil etildi. Ko`rgazma ishtirokchilariga “Katta Langar Qur`oni”ning asl nusxasi sahifalari, Abu Rayhon Beruniyning “Qadimgi xalqlardan qolgan yodgorliklar”, Alisher Navoiyning “Kullliyoti”, “Lisonut-tayr”, “Vaqfiya” singari asarlari, Samarqand, Buxoro, Xiva, Qo`qon singari shaharlarimizda yaratilgan kitobat san`atining nodir namunalari namoyish etildi.
http://naesmi.uz/uz/site/page.html?id=29673
OAK Uzbekistan
Хорижий мутахассиснинг илмий раҳбар /маслаҳатчилик қилиши борасидаги диссертацион иш айнан хорижий мутахассис иштирокида тайёрланган бўлса ёки уни тайёрлаш учун шундай хорижлик мутахассис иштирок этиши зарурати бўлган ҳолда 2 нафар илмий раҳбар /маслаҳатчига рухсат этиш мумкинлиги маъносида қўллаб қувватлаш мумкин деб ҳисоблаймиз. Фақат бундай ҳолат барча учун баробар мажбурий деб талқин қилинишига йўл қўйиб бўлмаслиги ҳам аён бўлиши лозим.
Фалсафа доктори (PhD) ва фан доктори (DSc) илмий даражаларини олиш учун импакт факторга эга журналларда мақола чоп этилиши борасида аввало диссертацияларнинг аслида юқори илмий савияда ёзилганлиги айнан мазкур тоифадаги журналларда мақола чоп этилганлиги билангина баҳоланиши ғояси жуда тўғри деб ҳисобламаймиз. Чунки агар диссертация иши чиндан ҳам юқори илмий саавияда бажарилган бўлса-ю, алоҳида белгиланган журналларда мақола эълон қилинмаганлиги боис уларни ҳимояга рухсат бермаслик маъқул иш эмас. Ҳеч бўлмаганда дастлабки даврда - шартли равишда ўтиш даврида бу талабни кескин қўймаган ҳолда босқичма-босқич ўтишликни жорий қилиш мақсадга мувофиқ. Чунки кейинги йиллардаги кетма-кет ташкилий ўзгаришлар натижасида ўнлаб тайёр диссертациялар ҳимоя қилинмай қолиб кетмоқда. Тадқиқотчиларнинг бундай кескин ўзгаришларга тайёр эмаслиги уларни эсанкиратиб, илмдан қўл силтаб кетиб қолишигача олиб бормоқда. Шунинг учун кейинги ўнлаб йиллар давомида аввалги талаблар доирасида тайёр бўлган диссертацияларнинг юқори илмий савияда тайёрланганларига янги талабларни кескин қўймаган ҳолда ҳимоя қилиш имкони яратиш зарур.
Фалсафа доктори (PhD) ва фан доктори (DSc) илмий даражаларининг талаблар таркибига Хирш индексини киритиш борасидаги таклиф бўйича ҳам юқоридаги зикр қилинган ҳолатлар ҳисобга олиниши лозим. Зеро хорижий мамлакатларда ўнлаб йиллар давомида шаклланган тартиб қоидани бирданига жорий қилишга уриниш шарт эмас.
Бу масала айниқса биринчи навбатда ижтимоий-гуманитар фан вакиллари учун инобатга олиниши керак.
Илмий унвонларга тақдим этиш муддатини қисқартириш масаласида жорий тартибнинг ўзи оптимал шаклда деб ҳисоблаймиз.
Инновацион ривожланиш вазирлиги қошидаги жамғарма аҳолидан қадимий китоблар сотиб олди
Миллий ўзликни англаш, тарихий хотира давомийлигини таъминлаш, улкан ёзма меросни асраб-авайлаш, бойитиб бориш ва тадқиқ қилиш ҳамда маданий ва маънавий қадриятларни оммалаштириш мақсадида Ўзбекистон Республикаси Президентининг «Қадимий ёзма манбаларни сақлаш, тадқиқ ва тарғиб қилиш тизимини янада такомиллаштириш чора-тадбирлари тўғрисида»ги қарорига кўра, Инновацион ривожланиш ва новаторлик ғояларини қўллаб-қувватлаш жамғармаси маблағлари ҳисобидан аҳолида сақланаётган ноёб қўлёзма, тошбосма китоблар ва тарихий ҳужжатлар харид қилинди.
Жамғарма ижро этувчи дирекцияси, Фанлар Академиясининг Абу Райҳон Беруний номидаги Шарқшунослик институти ва ноёб ҳужжатлар эгаси бўлган жисмоний шахслар ўртасида ўрнатилган тартибда шартномалар тузилди ҳамда 29,2 млн. сўм маблағ ноёб ҳужжатлар эгаларига ўтказиб берилди.
Харид қилинган 38 турдаги китоблар, қўлёзмалар тарихий, бадиий, адабий, диний ва илмий аҳамиятга оид манбалар ҳисобланади. Аҳолидан ноёб китоблар, тарихий хужжатлар сотиб олинаркан, уларни илмий муомалага киритиш мақсад қилиб қўйилган. Ёш тадқиқотчиларга тадқиқот манбаи сифатида хизмат қилиши мумкин бўлган бу тарихий ашёлар аҳоли қўлида қолиб йўқолиб кетиши ёки яроқсиз ҳолга келишининг олди ҳам олинади. Бундан ташқари, қўлёзмаларни зарур шарт-шароитларда сақланиши, реставрация қилиниши таъминланади.
Таъкидлаш жоизки, Ўзбекистонда асрлар давомида Марказий Осиё бўйича энг бой қўлёзма мерос жамланган бўлиб, унинг салмоқли қисми Ўзбекистон Фанлар академиясининг Абу Райҳон Беруний номидаги Шарқшунослик институтида сақланади. Ҳар бири улкан маънавий обида, маданият дурдонаси бўлган бу қўлёзмалар фонди жаҳон миқёсида беқиёс аҳамиятга эга бўлган бебаҳо хазинадир. Мазкур фонд 2000 йилда ноёб илмий ва маданий объектлардан бири сифатида ЮНЕСКОнинг Бутунжаҳон маданий мероси рўйхатига киритилган. Институтнинг қўлёзмалар фонди олтита алоҳида бўлимдан ташкил топган бўлиб, араб, форс, эски ўзбек тили ва бошқа шарқ тилларида битилган 26 минг жилд қўлёзма, 39 минг жилд тошбосма китоблар ва 10 мингга яқин тарихий ҳужжатлардан ташкил топган.
Миллий ўзликни англаш, тарихий хотира давомийлигини таъминлаш, улкан ёзма меросни асраб-авайлаш, бойитиб бориш ва тадқиқ қилиш ҳамда маданий ва маънавий қадриятларни оммалаштириш мақсадида Ўзбекистон Республикаси Президентининг «Қадимий ёзма манбаларни сақлаш, тадқиқ ва тарғиб қилиш тизимини янада такомиллаштириш чора-тадбирлари тўғрисида»ги қарорига кўра, Инновацион ривожланиш ва новаторлик ғояларини қўллаб-қувватлаш жамғармаси маблағлари ҳисобидан аҳолида сақланаётган ноёб қўлёзма, тошбосма китоблар ва тарихий ҳужжатлар харид қилинди.
Жамғарма ижро этувчи дирекцияси, Фанлар Академиясининг Абу Райҳон Беруний номидаги Шарқшунослик институти ва ноёб ҳужжатлар эгаси бўлган жисмоний шахслар ўртасида ўрнатилган тартибда шартномалар тузилди ҳамда 29,2 млн. сўм маблағ ноёб ҳужжатлар эгаларига ўтказиб берилди.
Харид қилинган 38 турдаги китоблар, қўлёзмалар тарихий, бадиий, адабий, диний ва илмий аҳамиятга оид манбалар ҳисобланади. Аҳолидан ноёб китоблар, тарихий хужжатлар сотиб олинаркан, уларни илмий муомалага киритиш мақсад қилиб қўйилган. Ёш тадқиқотчиларга тадқиқот манбаи сифатида хизмат қилиши мумкин бўлган бу тарихий ашёлар аҳоли қўлида қолиб йўқолиб кетиши ёки яроқсиз ҳолга келишининг олди ҳам олинади. Бундан ташқари, қўлёзмаларни зарур шарт-шароитларда сақланиши, реставрация қилиниши таъминланади.
Таъкидлаш жоизки, Ўзбекистонда асрлар давомида Марказий Осиё бўйича энг бой қўлёзма мерос жамланган бўлиб, унинг салмоқли қисми Ўзбекистон Фанлар академиясининг Абу Райҳон Беруний номидаги Шарқшунослик институтида сақланади. Ҳар бири улкан маънавий обида, маданият дурдонаси бўлган бу қўлёзмалар фонди жаҳон миқёсида беқиёс аҳамиятга эга бўлган бебаҳо хазинадир. Мазкур фонд 2000 йилда ноёб илмий ва маданий объектлардан бири сифатида ЮНЕСКОнинг Бутунжаҳон маданий мероси рўйхатига киритилган. Институтнинг қўлёзмалар фонди олтита алоҳида бўлимдан ташкил топган бўлиб, араб, форс, эски ўзбек тили ва бошқа шарқ тилларида битилган 26 минг жилд қўлёзма, 39 минг жилд тошбосма китоблар ва 10 мингга яқин тарихий ҳужжатлардан ташкил топган.
Абулаббос Муҳаммад Толиб ибн Тожиддин Ҳасанхожа Ҳусай¬ний Сиддиқийнинг форс тилидаги “Матлаб ут-толибин” (“Толиблар мат¬лаби”) асари
Абулаббос Муҳаммад Толиб ибн Тожиддин Ҳасанхожа Ҳусайний Сиддиқийнинг форс тилидаги “Матлаб ут-толибин” (“Толиблар матлаби”) асари тахминан 1673 йили ёзиб тугатилган. Асар XVI–XVII асрларда Бухоро хонлигининг сиёсий, диний ва иқтисодий ҳаётида юқори мавқега эга бўлган машҳур Жўйбор шайхлари ёки хожалари хонадонининг бир неча авлоди фаолиятига бағишланган. Муаллиф ўзи ҳам ушбу хонадонга мансуб бўлгани туфайли, Жўйбор хожаларининг ҳаёт тарзи, молу мулклари, муридлари ва хизматкорлари, қурдирган иморатлари ҳамда Бухоро хонлари ва баъзи хорижий ўлкалар ҳукмдорлари билан муносабатлари ҳақида муфассал маълумотлар беради. Асарда ўша даврлар бошқарув тизими ва хўжалик ҳаётига оид қатор атамалар фаол қўлланилган. Шу сабабли “Матлаб ут-толибин” Марказий Осиёнинг XVI–XVII асрлардаги тарихига доир бирламчи ва мўътабар манбалар сирасига киради.
“Матлаб ут-толибин”нинг танқидий матнини тузиш учун асарнинг ЎзР ФА ШИ хазинасида сақланаётган 1133/1718 йили кўчирилган қўлёзмаси таянч нусха сифатида танлаб олинди, шунингдек, Ўзбекистонда ва хорижда сақланаётган бошқа бир қанча қўлёзмалардан ёрдамчи нусхалар тарзида фойдаланилди.
Ўзбекистон Республикаси ФА, Абу Райҳон Беруний номидаги Шарқшунослик институти; нашрга тайёрловчилар: Ғулом Каримий, Эркин Миркомилов; масъул муҳаррир Ҳалим Тўраев. – Тошкент: “Movarounnahr”, 2012. – Б.376.
ЎзР ФА Абу Райҳон Беруний номидаги Шарқшунослик институти ҳузуридаги илмий даражалар берувчи DSc.27.06.2017.Tar.44.01. – рақамли илмий кенгашнинг 2018 йилнинг 21 июнь куни соат 14:30даги мажлисида Тошкент давлат шарқшунослик институти тадқиқотчиси Джуманиязова Феруза Джуманазаровнанинг 07.00.03 – Жаҳон тарихи ихтисослиги бўйича “Илк ўрта асрларда Тохаристон ва Кобул водийсида туркий сулолалар” мавзусидаги (тарих фанлари бўйича) фалсафа доктори (PhD) диссертациясининг ҳимояси бўлиб ўтади.
Илмий раҳбар: т.ф.д. Аблат Ходжаев
Расмий оппонентлар: т.ф.д. Ашраф Ахмедов
т.ф.д. Атаходжаев Азимхўжа Музафарович
Етакчи ташкилот: Тошкент давлат педагогика университети
Манзил: 100170, Тошкент шаҳри, Мирзо Улуғбек тумани, Мирзо Улуғбек кўчаси, 79-уй, Тел/факс (0371) 262-54-61, 262-52-77.
e-mail: This email address is being protected from spambots. You need JavaScript enabled to view it.
Автореферат Джуманиязова Ф.30.05.2018
9 May - muqaddas Xotira va buyuk Gʻalaba kuni
9-May Xotira va Qadrlash Kuni
E'lon
ЎзР ФА Шарқшунослик институти ҳузуридаги илмий даражалар берувчи DSc.27.06.2017.Tar.44.01 рақамли Илмий кенгаш ҳузуридаги 07.00.03 – Жаҳон тарихи ҳамда 07.00.08 – Тарихшунослик, манбашунослик ва тарихий тадқиқот усуллари ихтисослиги бўйича илмий семинарнинг 2018 йилнинг 10 май куни навбатдаги мажлисида Тошкент давлат шарқшунослик институти таянч докторанти Джуманиязова Феруза Джуманазаровнанинг 07.00.03 – Жаҳон тарихи ихтисослиги бўйича “Илк ўрта асрларда Тохаристон ва Кобул водийсида туркий сулолалар” мавзусида тайёрлаган тарих фанлари бўйича фалсафа доктори (PhD) илмий даражасини олиш учун тақдим этилган диссертациясининг муҳокамаси бўлиб ўтади.
Семинар мажлиси 2018 йил 10 май куни соат 14.00да ЎзР ФА Шарқшунослик институтининг кичик мажлислар залида бўлиб ўтади.
Маҳмудов Отабек Валижоновичнинг 07.00.03 – Жаҳон тарихи ихтисослиги бўйича
Маҳмудов Отабек Валижоновичнинг 07.00.03 – Жаҳон тарихи ихтисослиги бўйича «Европада Марказий Осиё олимлари илмий меросини ўрганишда Толедо мактабининг ўрни» мавзусидаги тарих фанлари бўйича фалсафа доктори (PhD) диссертациясининг ҳимояси ЎзР ФА Абу Райхон Беруний номидаги Шарқшунослик институти ҳузуридаги илмий даражалар берувчи DSc.27.06.2017.Tar.44.01. – рақамли илмий кенгашнинг 2018 йилнинг 24 май куни соат 14:30 даги мажлисида бўлиб ўтади.
Манзил: 100170, Тошкент шаҳри, Мирзо Улуғбек кўчаси, 79-уй.
Тел./факс: (0-371) 262-54-61, 262-52-77; e-mail: This email address is being protected from spambots. You need JavaScript enabled to view it.
Кличев Ойбек Абдурасуловичнинг 07.00.08 – Тарихшунослик, манбашунослик ва тарихий тадқиқот усуллари ихтисослиги бўйича
Кличев Ойбек Абдурасуловичнинг 07.00.08 – Тарихшунослик, манбашунослик ва тарихий тадқиқот усуллари ихтисослиги бўйича «Россия императори сиёсий агентлиги ва Бухоро амирлиги ўртасидаги ёзишмалар Россия-Бухоро муносабатлари тарихини ўрганиш манбаси» мавзусидаги тарих фанлари бўйича фалсафа доктори (Phd) диссертациясининг ҳимояси ЎзР ФА Абу Райхон Беруний номидаги Шарқшунослик институти ҳузуридаги илмий даражалар берувчи DSc.27.06.2017.Tar.44.01. – рақамли илмий кенгашнинг 2018 йилнинг 15 май куни соат 14:30 даги мажлисида бўлиб ўтади.
Манзил: 100170, Тошкентшаҳри, МирзоУлуғбеккўчаси, 79-уй.
Тел/факс (0-371) 262-54-61, 262-52-77; e-mail: This email address is being protected from spambots. You need JavaScript enabled to view it.
Матбуот ва ахборот агентлиги ҳамда Шарқшунослик институти ўртасида ўзаро ҳамкорлик меморандуми имзоланди
Ўзбекистон матбуот ва ахборот агентлиги билан Ўзбекистон Республикаси Фанлар академияси Абу Райҳон Беруний номидаги Шарқшунослик институти ўртасида ҳамкорлик меморандумини имзолаш маросими бўлиб ўтди. Матбуот ва ахборот агентлиги шу ҳақида хабар берди.
Маросим доирасида томонлар Ўзбекистон матбуот ва ахборот агентлиги ва Ўзбекистон Республикаси Фанлар академияси Абу Райҳон Беруний номидаги Шарқшунослик институти ҳамкорлигида Ўзбекистон Республикаси Президентининг “Қадимий ёзма манбаларни сақлаш, тадқиқ ва тарғиб қилиш тизимини янада такомиллаштириш чора-тадбирлари тўғрисида” 2017 йил 24 майдаги 2995-сонли ҳамда “Китоб маҳсулотларини нашр этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғиб қилиш бўйича комплекс чора-тадбирлар дастури тўғрисида” 2017 йил 13 сентябрдаги 3271-сонли президент қарорларида белгиланган вазифалар ижросини таъминлаш масалалари бўйича келишиб олишди.
Маросимда буюк аллома ва мутафаккирларимиз асарларини дунё мамлакатлари бўйлаб кенг тарғиб этиш, уларни ҳар томонлама ўқиш-ўрганиш, халқимиз, аввало, униб-ўсиб келаётган ёшларга, жаҳон ҳамжамиятига етказиш ва замонавий илм-фан, маънавият ривожида ундан самарали фойдаланиш ҳамда улкан маънавий обида, маданият дурдонаси бўлган араб, форс, эски ўзбек тили ва бошқа шарқ тилларида битилган қадимий қўлёзмалар, тошбосма китоблар ва тарихий ҳужжатларни китоб ҳолида чоп этишни кенг ривожлантириш масалалари муҳокама этилди.
Ўзбекистон заминида етишиб чиққан аллома ва мутафаккирлар илм-фаннинг аниқ, табиий, гуманитар соҳалари ва ислом илмлари бўйича яратган асарларини кенг оммага тақдим этиш чоралари белгиланди.
Ҳамкорлик доирасида Ўзбекистон матбуот ва ахборот агентлиги ва Ўзбекистон Республикаси Фанлар академияси Абу Райҳон Беруний номидаги Шарқшунослик институти билан биргаликда республика ва халқаро миқёсда илмий анжуманлар, семинар-тренинг, давра суҳбатлари, халқаро грант лойиҳалари ва бошқа тадбирларни мунтазам ташкил этишга келишиб олинди.
https://kun.uz/news/2018/04/20/matbuot-va-ahborot-agentligi-amda-sarksunoslik-instituti-urtasida-uzaro-amkorlik-memorandumi-imzolandi
More...
Ходжаев А. Қадимги хитой манбаларида Марказий Осиёнинг этник тарихига оид маълумотлар
Ушбу монографияда Марказий Осиё халқларининг этник таркиби, келиб чиқиши билан боғлиқ бўлган мунозарали ва кам ўрганилган масалалар хитой манбалари ва ХХРдаги тадқиқотчиларнинг янги тадқиқотлари асосида ёритилган. Шунингдек, хитой манбаларида учрайдиган сэк (сай - саки), кюнна (сюнну-хуннов), уху (угу-огуз), хуэйхэ (хуэйгэ-уйгур), кян (цян), тией (ди) каби этник номларнинг транскрипцияси илмий таҳлил қилинган. Кўпгина хитой тилидаги этнонимларга изоҳлар берилган.
Ишда қадимги хитой манбаларида учрайдиган Сутэ, Давань, Вань, Вань-чэн, Эрши и Юйчэн каби топонимлар ҳам тадқиқ қилинган.
Китоб шарқшунос, тарихчи, педагог ва Марказий Осиёнинг қадимги этник тарихига қизиқувчи талабаларга мўлжалланган.
Ушбу монография 2017 ва 2018 йилларга мўлжалланган ОТ-А1-41 Марказий Осиё давлатчилиги тарихига оид маълумотлар (исломгача бщлган манбалардан таржима ва тадқиқотлар)» номли амалий лойиҳа доирасида бажарилган. Тошкент. «Наврўз» нашриёти, 2017. 364б.
Ёш шарқшуносларнинг ХV илмий-амалий конференцияси
Ўзбекистон Республикаси Фанлар академияси Абу Райҳон Беруний номидаги Шарқшунослик институтида ўтказиладиган анъанавий «Ёш шарқшуносларнинг академик Убайдулла Каримов номидаги ХV илмий-амалий конференцияси» ҳақида институт веб-сайти учун
А Х Б О Р О Т Н О М А
ЎзР ФА Абу Райҳон Беруний номидаги Шарқшунослик институтидаанъанавий «Ёш шарқшуносларнинг академик Убайдулла Каримов номидаги ХV илмий-амалий конференцияси» 4 апрел куни Тошкент шаҳида бўлиб ўтди. Конференцияда 100 га яқин талаба ва мутахассислар иштирок этишди. Конференциянинг тўпламида 75та муаллифнинг тезислари чоп этилди. Жумладан, хорижда ўзбек шарқшуносларининг инглиз тилида тезиси чоп этилди.
Анжуманда 15та илмий маърузалар тингланди. Маърузаларда Марказий Осиё тарихшунослиги ва манбашунослиги, Ўзбекистон давлат архивидаги ҳужжатлар талқини, ўзбек тилшунослигидаги тадқиқотлар жараёни, Ўзбекистоннинг хорижий Шарқ мамлакатлари билан муносабатлари, етук шарқшунос олимлар ҳаёти ва ижоди масалаларга алоҳида эътибор қаратилди.Анжуманда эришилган натижалар. Тадбир якунида Ў. Полвонов (Тошкент Ислом университети), Ҳ. Назирова (ЎзР ФАШИ), А. Назаров (Ўзбекситон миллий университети), О.Мадалиева (ЎзР ФАШИ) 1, 2, 3, ва махсус диплом ва совғалар билан тақдирланишди.
Ҳар йили анъанавий тарзда ўтказиладиган ушбу конференция Республикамиз илмий ҳаёти ва ёш тадқиқотчилар фаолиятини кучайтиришга хизмат қилишда давом этмоқда.
Ўзбекистон Республикаси Фанлар академияси Абу Райҳон Беруний номидаги Шарқшунослик институти янги биносининг расмий очилиш маросими
Ўзбекистон Республикаси Фанлар академияси Абу Райҳон Беруний номидаги Шарқшунослик институти янги биносининг расмий очилиш маросими ва “Ёзма ёдгорликларни тадқиқ этишнинг долзарб вазифалари ва замонавий услублари” мавзуидаги халқаро конференция ҳақи
Тадбирларнинг жойи ва вақти –Тошкент шаҳри, 2018 йил 15 март.
Ташкилотчилар: ЎзР ФА Абу Райҳон Беруний номидаги Шарқшунослик институти; Ўмон Султонлигининг Ўзбекистондаги элчихонаси; ЮНЕСКО ташкилотининг Ўзбекистондаги ваколатхонаси.
2017 йилда ЎзР ФА Абу Райҳон Беруний номидаги Шарқшунослик институти Ўмон Султонлигининг беғараз молиявий кўмаги билан қурилган янги бинога кўчиб ўтди. Аввал Шарқшунослик институти 1967 йилда қурилган ва бугунги кунда қўлёзмалар фондини сақлаш талабларига жавоб бермайдиган бинода жойлашган эди. Шу боис, 2009 йил 5 октябрда Масқатда Ўзбекистон Республикаси билан Ўмон Султонлиги ҳукуматлари ўртасида имзоланган Битимга биноан Абу Райҳон Беруний номидаги Шарқшунослик институтига янги бино қурилди ва 2018 йил 15 мартда унинг расмий очилиш маросими ўтказилди.
Тантанали маросимда Ўзбекистон Республикаси Бош Вазири А.Н.Арипов, ЮНЕСКО ташкилоти ва араб давлатлари элчихоналарининг вакиллари, республикамизнинг ихтисослашган ОЎЮ, архив ва илмий муассасалари раҳбарлари иштирок этдилар.
Ўмон тарафидан Султонликнинг Мерос ва маданият вазири Сайид Ҳайсам бин Тариқ ал-Саъид зоти олийлари бошчилигидаги нуфузли делегация ташриф буюрди. Делегация таркибида Вақф ва дин ишлари вазири Шайх Абдулла бин Муҳаммад бин Абдулла ас-Салимий жаноби олийлари, Ўмон Султонлиги Ташқи ишлар вазирлигининг Бош котиби Сайид Бадр бин Ҳамад бин Ҳамуд ал-Бусаъидий жаноби олийлари, Архив ва ҳужжатларни сақлаш бўйича Миллий бошқарма бошлиғи профессор Ҳамид бин Муҳаммад ал-Давяний; Ўмон Султонлигининг Ўзбекистондаги фавқулодда ва мухтор элчиси Муҳаммад Саид ал-Лаватий жаноблари ва бошқа олий мартабали меҳмонлар келдилар. Ўмон делегациясидан ташқари очилиш маросими ва халқаро конференцияда қатнашиш учун Европа ва Осиёнинг қатор мамлакатларидан олим ва журналистлар ҳам ташриф буюрдилар.
Тадбирнинг расмий қисмидан аввал иштирокчилар учун Институт янги биноси бўйлаб экскурсия уюштирилди. Меҳмонлар Институтнинг бой қўлёзмалар фонди фаолияти билан танишдилар; реставраторлар ва қўлёзмаларнинг электрон нусхаларини тайёрловчи мутахассисларнинг иш жараёнини кузатдилар; қўлёзмалар фондидаги нодир манбалар, тошбосма китоблар, миниатюралар, хаттотлик намуналари ва тарихий ҳужжатлар коллекцияларининг энг яхши намуналари қўйилган кўргазмани томоша қилдилар.
Шундан сўнг янги бинонинг мажлислар залида тадбир иштирокчилари учун британиялик журналистлар С.Галлимор, П.Вью ва Р.Ашдаунлар томонидан ишланган Институт ҳақидаги ҳужжатли фильм намойиш этилди.
Тадбирнинг расмий қисмида Ўзбекистон Фанлар академияси президенти академик Б.С.Йўлдош, Ўмон Султонлиги Диний ишлар вазири Шайх Абдураҳмон ал-Салимий жаноблари ҳамда ЮНЕСКО ташкилотининг Ўзбекистондаги вакили Бардач Дендев жаноблари сўзга чиқдилар.
Тушлик танаффусидан сўнг Институтнинг мажлислар залида ЮНЕСКО билан ҳамкорликда ташкил этилган “Ёзма ёдгорликларни тадқиқ этишнинг долзарб вазифалари ва замонавий услублари” мавзуидаги халқаро конференция ўз ишини бошлади. Унда хорижлик ва ўзбекистонлик олимларнинг маърузалари тингланди. Жумладан, ЎзР ФА Шарқшунослик институти директори Б.Абдуҳалимов институтнинг илмий ва ташкилий фаолияти билан боғлиқ истиқболли режалар ҳақида гапирди. Академик Д.Юсупова ўрта аср тарихий-географик асарларни Марказий Осиё тарихи бўйича манба сифатида тақдим этди. Оксфорд ислом тадқиқотлари маркази (ОИТМ) директори Фарҳан Низомий ЎзР ФА Шарқшунослик институти билан ОИТМ ўртасидаги ҳамкорлик истиқболлари тўғрисида маъруза қилди. Булардан ташқари, бир нечта маърузаларда тарих, манбашунослик ва матншунослик тадқиқотларидаги методология масалалари, шунингдек, Шарқ миниатюрасининг ўзига хос жиҳатлари таҳлил қилинади (Ш.Мустафоев – Озарбайжон, Ш.Акинер – Буюк Британия, Жак Легран – Франция, Али Нажи Диебила – мусулмон меъморчилиги мутахассиси, Хала Торабулли – Франция, Ж.Малагарис – Греция, Ч.Мелвилл – Буюк Британия). Грециялик олим Ж.Малагарис маърузасида буюк олим Абу Райҳон Беруний ҳаёти ва фаолиятига бағишланган монография тайёрлаётгани ҳақида маълум қилди.
Конференция якунида маърузаларда билдирилган хулосавий фикрлар асосида ёзма ёдгорликларни сақлаш, тизимлаштириш, илмий тавсиф ва нашр қилиш ишларини ҳамкорликда ташкил қилиш борасидаги келажак вазифа ва янги йўналишлар белгилаб олинди.
Ушбу конференция республикамиз илмий ҳаётида муҳим воқеа бўлди.
Toshkentda Sharqshunoslik institutining yangi binosi foydalanishga topshirildi
Toshkentda Sharqshunoslik institutining yangi binosi foydalanishga topshirildi. Bu haqda O‘zA xabar berdi.
Shu munosabat bilan o‘tkazilgan tadbirda O‘zbekiston Bosh vaziri Abdulla Aripov, Ummon sultonligining meros va madaniyat vaziri Sayyid Haysam bin Tariq al-Sa’id hamda vaqf va din ishlari vaziri Shayx Abdulla bin Muhammad bin Abdulla as-Salimiy ishtirok etdi. Ular institutda yaratilgan keng imkoniyatlar, muzey, ish xonalari, qo‘lyozmalar saqlanayotgan kutubxona, laboratoriya bilan tanishdi. Ish jarayonlarini kuzatdi.
Mehmonlar nodir manbalar, toshbosma kitoblar, miniatyuralar, xattotlik namunalari, tarixiy hujjatlar kolleksiyalarining eng yaxshi namunalari joy olgan ko‘rgazmani ko‘zdan kechirdi.
Mazkur institut binosi 2009-yilda Birinchi Prezident Islom Karimovning Ummon sultonligiga tashrifi chog‘ida ikki davlat o‘rtasidagi imzolangan bitimga binoan ushbu davlat ishtirokida bunyod etildi.
Bino uch qavatli. Kiraverishdagi ichki markaziy atriumning balandligi 16 metrni tashkil etadi. Markaziy zalga kirgan odam al-Xorazmiy, Mirzo Ulug‘bek, Abu Rayhon Beruniyni yodga oladi.
Institutdagi 26 ming qo‘lyozma va 40 mingga yaqin toshbosma to‘plamlari noyob manba hisoblanadi. Ularning yoshi asrlar bilan o‘lchanadi.
Yangi binoda “Yozma yodgorliklarni tadqiq etishning dolzarb vazifalari va zamonaviy uslublari” mavzusida xalqaro ilmiy-amaliy konferensiya bo‘ldi. Turli davlatlardan kelgan olimlarning ilm-fan tarixi, buguni va istiqboliga oid ma’ruzalari tinglandi.