"ADOLAT" SOSIAL-DEMOKRATIK PARTIYASI
Жорий йил 22 май куни Ўзбекистон Республикаси Фанлар академияси Абу Райҳон Беруний номидаги Шарқшунослик институтида Тошкент давлат шарқшунослик университети, Абдулла Қодирий номидаги ижод мактаби билан ҳамкорликда “Шарқшунослик соҳаларини тадқиқ этишнинг долзарб масалалари” мавзусидаги академик Убайдулла Каримов хотирасига бағишланган XIX Республика конференцияси бўлиб ўтди. Ушбу анжуманнинг анъанавий тарзда ўтказилиши олимлар ва тадқиқотчиларни шарқшуносликни ўрганишда замонавий методлардан кенг фойдаланиш имкониятларини оширишга ҳамда халқаро тоифадаги олимлар ва мутахассислар билан тажриба алмашишга кўмак беришга қаратилган.
Анжуманда ЎзР ФА ижтимоий-гуманитар йўналишидаги барча муассасалар, Тошкент давлат шарқшунослик университети, Ўзбекистон Миллий университети, Ўзбекистон халқаро ислом академияси, Ўзбекистон давлат санъат ва маданият институти, Тошкент давлат педагогика университети, Ўзбекистон Халқаро Ислом академияси, Темурийлар тарихи давлат музейи, «Янги аср авлоди» нашриёти, Республикамизнинг Қашқадарё, Жиззах, Бухоро, вилоятлари Олий ўқув юртларидан келган ёш ва етук олимлар, мустақил тадқиқотчилар ҳамда ЎзР ФА Шарқшуносик институтидаги етакчи олим ва илмий ходимлардан иборат жами 50 нафарга яқин қатнашчи иштирок этди.
Шунингдек, АҚШ, Украина, Қозоғистон, Туркия давлатидан ҳам тадқиқотчилар ўз маърузаси билан иштирок этди.
2024-yil 21-may kuni Oʻzbekiston Respublikasi Fanlar akademiyasi Abu Rayhon Beruniy nomidagi Sharqshunoslik institutiga “Diriya biennale” (Saudiya Arabistoni) jamgʻarmasi homiyligida 2025-yil Jidda shahrida (Saudiya Arabistoni) tashkil etilishi rejalashtirilgan “ALMADAR” nomli xalqaro koʻrgazma kuratorlari - Masa Al-Kutoubi (Buyuk Britaniya), Marika Sardar (AQSH), Faye Behbehani (Quvayt) va Wen Wenning (Xitoy xalq Respublikasi) tashrif buyurdilar.
Tashrifdan koʻzlangan maqsad, “ALMADAR” koʻrgazmasida Abu Rayhon Beruniy nomidagi Sharqshunoslik instituti Qoʻlyozma asarlar Fondi kolleksiyasidan namoyish etish uchun tavsiya etilgan eksponatlar bilan yaqindan tanishish, hamda kelgusida institut kolleksiyasini xalqaro koʻrgazmalarda namoyish etish boʻyicha istiqbolli rejalarni shakllantirishdan iborat.
Mehmonlarga dastlab institutning ilmiy faoliyati, qoʻlyozmalar Fondiga tegishli noyob qoʻlyozmalardan iborat ekspozitsiya tanishtirildi. Undan keyin mehmonlarga institutning restavratsiya, skanerlash boʻlimlari va oʻquv zali faoliyati boʻyicha maʼlumotlar berildi. Mehmonlarda institutning faoliyati, yangi binosi va ilmiy nashrlari juda katta ta’surot qoldirib, iliq qabul uchun katta minnatdorchilik bildirdi.
"Renessans" кино уйида “Ўзбекистон обидаларидаги битиклар: асрлар қаъридан таралаётган нур” медиа-тадбири бўлиб ўтди
Ушбу фаолият мамлакатимиз тарихий обидаларида ёзилган қадимий битикларни ўрганишга қаратилган. Бугунги кунга қадар Ўзбекистоннинг барча ҳудудларига бағишланган, ўзбек, рус, араб ва инглиз тилларидаги 20 та кўп тилли китоб-альбомлар нашр этилган.
FarDUda "Jahon tarixshunosligida Markaziy Osiyo tarixi masalalari" nomli II xalqaro ilmiy konferensiya bo'lib o'tdi.