Prezidentimiz Shavkat Mirziyoyev o'tgan haftada Tepaqo‘rg‘on arxeologiya yodgorligini ko‘zdan kechirdi.
Unda Fanlar akademiyasi olimlari ham ishtirok etdi.

“Ozbekiston – 2030” strategiyasida beshta ustuvor yo‘nalish bo‘yicha 100 ta muhim maqsad qamrab olingan. Xususan, barqaror iqtisodiy o‘sish orqali daromadi o‘rtachadan yuqori bo‘lgan davlatlar qatoridan o‘rin olish, aholi talablariga va xalqaro standartlarga to‘liq javob beradigan ta’lim, tibbiyot va ijtimoiy himoya tizimini tashkil qilish, aholi uchun qulay ekologik sharoitlarni yaratish, xalqqa xizmat qilishi shart bo‘lgan adolatli va zamonaviy davlatni barpo etish, mamlakatning suvereniteti va xavfsizligini kafolatli ta’minlash kabi g‘oyalar aks etganligi e’tirof etildi.

O'zbekiston Respublikasi Prezidentining 2024-yil 21-fevraldagi “O‘zbekiston-2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida”gi tushunchalarni Fanlar akademiyasi olimlari, ilmiy jamoatchilik orasida keng tushuntirishga bag‘ishlangan tadbir 2024 yil 5- iyul kuni Fanlar akademiyasida bo‘lib o‘tdi.Tadbirni Fanlar akademiyasi vitse-prezidenti Bahrom Abduhalimov olib bordi.

Tadbirda olimlar, akademiklar, yosh tadqiqotchilar, besh mingdan ortiq ilmiy xodimlar online va ofline tarzda ishtirok etdi. Fanlar akademiyasi Davlat va huquq instituti olimlarining ma’ruzlarida “O‘zbekiston – 2030” strategiyasida ilm-fanga qaratilgan e’tibor va muhim jihatlariga to‘xtalishdi.
Strategiyadagi jami 100 ta maqsad quyidagi 5 ta ustuvor yo‘nalish bo‘yicha taqsimlangan.Birinchi ustuvor yo‘nalish: Har bir insonga o‘z salohiyatini ro‘yobga chiqarishi uchun munosib sharoitlar yaratishga qaratilgan 44 ta maqsad, ya’ni 1-maqsaddan – 44-maqsadgacha ushbu ustuvor yo‘nalish tarkibiga kiradi. Aynan mana shu yo‘nalishda ilm-fan taraqqiyoti uchun muhim omillar belgilab berilgani bugungi tadbirda e’tirof etildi. Tadbir so’ngida Akademiya yoshlari o‘z fikr-mulohazalarini ham bildirishdi.

Ўзбекистон Республикаси Президенти Шавкат Мирзиёевга «Буюк аждодлар мероси – III Ренессанс пойдевори» мавзусидаги республика форуми иштирокчиларининг МУРОЖААТИ қабул қилинди.

Ўзбекистондаги Ислом цивилизацияси маркази томонидан ташкил этилган “Буюк аждодлар мероси – III Ренессанс пойдевори” Форуми мамлакатимиз ижтимоий ва маданий-маърифий ҳаётида ёрқин из қолдирди. 

Форумда юртимизнинг барча ҳудудларидан 500 дан ортиқ етук олимлар, фан арбоблари, экспертлар, ёш тадқиқотчилар, шунингдек, диний соҳа вакиллари иштирок этди. Улар 10 та шўъбага бўлинган ҳолда Ислом цивилизация марказининг илмий-тарихий концепцияси ҳамда унинг таркибидаги музей экспозициясини шакллантиришга бағишланган 50 дан ортиқ маърузаларни тинглаб, 600 га яқин таклиф ва мулоҳазаларини билдирдилар.

Анжуманда Ўзбекистон Республикаси Президенти Шавкат Мирзиёевга «Буюк аждодлар мероси – III Ренессанс пойдевори» мавзусидаги республика форуми иштирокчиларининг МУРОЖААТИ қабул қилинди.

Мурожаатда жумладан, шундай дейилади: “Юртимиз тарихида биринчи марта амалга оширилаётган ноёб мегалойиҳа сифатида баҳоланаётган Ўзбекистондаги Ислом цивилизацияси марказини барпо этиш тўғрисидаги ташаббусингиз муқаддас динимизнинг тинчлик, инсонпарварлик ва бағрикенглик ғояларини улуғлаш, халқимизнинг буюк тарихи, бой маданий-маърифий меросини тиклаш ва дунёга тарғиб этиш борасидаги доимий эътибор ва ғамхўрлигингизнинг юксак амалий намунаси сифатида айниқса таҳсинга сазовордир.”

Дарҳақиқат, ушбу марказ ўзбек халқининг улуғвор тарихи ва маданий мероси ҳамда диний қадриятларининг бетакрор тимсоли сифатида бунёд этилаётгани қайд этилиб, мурожаатда шундай фикрлар билдирилди: “Бугунги таҳликали даврда, хусусан, ислом номи билан амалга оширилаётган хуружлар авж олган бир шароитда, ушбу марказ ҳар қандай ёт ғояларга қарши илмий раддиялар орқали жавоб берадиган етакчи илмий-маърифий масканлардан бирига айланади. Шунингдек, бу ердаги барча музей экспозицияларида акс этадиган илмий-тадқиқот ишланмалари ёшларни Янги Ўзбекистонни барпо этишдек юксак вазифага етаклаб, буюк аждодларимиз тарихи ҳақидаги тўғри фикрни шакллантиришга хизмат қилади, деб ишонамиз.”

Мурожаат якунида: “Биз, Форум иштирокчилари Ислом цивилизацияси марказини илм ва маърифат, янги ғоялар ишлаб чиқадиган чинакам ақл марказига айлантириш йўлида Сизга ёрдамчи ва кўмакчи бўлиб, чин дилдан меҳнат қилишга, ўзимизнинг бор билим ва тажрибамиз, истеъдодимизни шундай улуғ ишга бағишлашга ваъда берамиз,”- деган сўзлар юртимиздаги барча олимлар, фан арбоблари, ёш тадқиқотчилар, турли соҳа вакилларининг дил изҳори сифатида янгради.

Анжуман якунида Ўзбекистондаги Ислом цивилизация марказининг илмий-маърифий фаолиятини янада такомиллаштириш, унинг таркибидаги музей экспозицияси билан боғлиқ ишларни мувофиқлаштириш мақсадида Илмий кенгашни ташкил этиш бўйича форум иштирокчилари томонидан қарор қабул қилинди. Мазкур Илмий кенгашга форум доирасида билдирилган 600 дан ортиқ таклифларни таҳлил қилган ҳолда амалиётга жорий этиш бўйича “Йўл харитаси”ни ишлаб чиқиш ҳамда ҳукуматга тақдим қилиш юзасидан вазифалар белгилаб берилди.

O'zbekistondagi Islom Sivilizatsiyasi markazida "Buyuk ajdodlar merosi - III Renessans poydevori" O'zbekiston olimlari forumi jarayonlari.

Joriy yilning 4-iyun kuni O‘zbekiston Respublikasi Fanlar akademiyasi Sharqshunoslik institutida Institutimiz sobiq xodimi, ayni vaqtda AQShning Kolumbiya universiteti professori Aziza Shanazarovaning 2020-yilda “Brill” nashriyotida chop etilgan “Manifestations of a Sufi Woman in Central Asia: A Critical Edition of Ḥāfiẓ-i Baṣīr’s Maẓhar al-ʻajā’ib” hamda Kembrij universiteti nashriyotida 2024-yilda nashr etilgan “Female Religiosity in Central Asia” kitoblari taqdimoti bo‘lib o‘tdi. Mazkur asarlar Markaziy Osiyoda mavjud bo‘lgan so‘fiylik tariqati a’zolari bo‘lgan xotin-qizlar tadqiqiga bag‘ishlangan.

Tadbirda ushbu kitoblarning ilmiy ahamiyati va muallifning ilmiy faoliyati borasida Sharqshunoslik instituti direktori t.f.d. prof., B.Abduhalimov, direktor o`rinbosari t.f.d. prof., S.Karimova, TDShU rektori f.f.n. prof., G.Rixsiyeva, AQShning Indiana universiteti professori Devin Devis, “Yangi O‘zbekiston” Universiteti prorektori, PhD., H.Nazirova hamda Institutimiz katta ilmiy xodimi t.f.n., N.Toshevlar so‘zga chiqib, mazkur kitoblar va uning muallifi haqida o`zlarining fikr-mulohazalarini bildirdilar.