4-sentabr kuni O‘zbekiston Respublikasi Prezidenti huzuridagi Davlat siyosati va boshqaruvi akademiyasida taniqli davlat va jamoat arbobi, sharqshunos olim, mohir pedagog va diplomat Rustam Qosimov xotirasiga bag‘ishlab “O‘zbekiston” nashriyotida chop etilgan “Rustam Qosimov zamondoshlari xotirasida” kitobining taqdimot marosimi bo‘lib o‘tdi.

Taniqli davlat va jamoat arbobi, sharqshunos olim, mohir pedagog hamda diplomat, iqtisodiyot fanlari doktori Rustam Sobirovich Qosimov (1955–2021) istiqlolning ilk davrlaridan boshlab mas’uliyatli lavozimlarda faoliyat yuritib, ta’lim tizimini rivojlantirish, yuqori malakali kadrlar tayyorlash, millatlararo do‘stlik va totuvlikni kuchaytirish, diniy-ma’naviy merosimizni tiklash hamda boyitish, shuningdek, keksalar, xotin-qizlar va yoshlarni har tomonlama qo‘llab-quvvatlashga qaratilgan muhim davlat dasturlarini amalga oshirishda o‘z bilim va tajribasini, salohiyatini butunlay safarbar etgan.