Bu yilgi mavzular doirasi Markaziy Yevrosiyo tarixi, siyosati, madaniyati, jamiyati va ekologiyasini oʻrganishga bagʻishlandi. Anjumanda 39 mamlakatdan 500 dan ortiq olimlar, soha mutaxassislari va yosh tadqiqotchilar qatnashdi.

Ushbu nufuzli xalqaro tadbirda Oʻzbekiston Respublikasi Fanlar akademiyasi olimlari professor Nodira Mustafayeva (Ijtimoiy-gumanitar fanlar boʻlimi rahbari), professor Nigora Allayeva, fil.f.n. Salima Eshonova, PhD Nargiza Ismatova, PhD Umida Kuranbayeva (Sharqshunoslik instituti), PhD Nigora Rahimjonova (Tarix instituti) oʻz ilmiy maʼruzalari bilan ishtirok etdilar.

Maʼlumot uchun: Markaziy Yevrosiyo tadqiqotlari jamiyati (CESS)ning vazifasi olimlar oʻrtasida ilmiy va taʼlimiy muloqotni kuchaytirish, Markaziy Yevrosiyoni ilmiy oʻrganish bilan shugʻullanuvchi xorijiy olimlar va tashkilotlar oʻrtasida hamkorlikni rivojlantirishdan iborat.

Tatariston Fanlar akademiyasi Sh.Marjoniy nomidagi tarix institutining 30 yilligini nishonlandi. Mazkur tadbir doirasida "Tarix fanlari kontekstida sivilizatsiya taraqqiyoti va xalqaro hamkorlik" xalqaro ilmiy konferensiyasi o‘tkazildi.
Konferensiya Rossiyaning turli mintaqalaridan, shuningdek, O‘zbekiston, Qozog‘iston, Turkiya va Misrdan 130 dan ortiq tarixchi, etnolog va sharqshunoslarni birlashtirdi.

Konferensiyada O‘zbekiston Fanlar akademiyasi vitse-prezidenti Bahrom Abduhalimov ham ishtirok etdi. U o‘z nutqida O‘zbekiston va Tatariston olimlari o‘rtasidagi ilmiy hamkorlikning ahamiyatini ta’kidlab, tarixiy merosni tadqiq etish, qo‘lyozmalarni o‘rganish hamda ilmiy loyihalarni birgalikda amalga oshirish bo‘yicha mavjud istiqbollarga to‘xtalib o‘tdi.

Tadbirda tarixiy jarayonlarni zamonaviy ilmiy yondashuvlar asosida o‘rganish, turli sivilizatsiyalar o‘rtasidagi o‘zaro ta’sir, madaniy merosni asrash va ilmiy tadqiqotlarda xalqaro hamkorlikni kengaytirish masalalari muhokama qilindi.
Konferensiya tarix fanining zamonaviy rivojlanish tendensiyalarini muhokama qilish, yangi ilmiy g‘oyalarni ilgari surish hamda xalqaro ilmiy hamkorlikni yanada mustahkamlash uchun muhim platforma bo‘ldi.

Tatariston Fanlar akademiyasi Sh.Marjoniy nomidagi Tarix institutining 30 yilligi munosabati bilan tashkil qilingan xalqaro konferensiya doirasida Fanlar akademiyasi vitse-prezidenti Bahrom ABDUHALIMOV “Rossiya 24” telekanaliga intervyu berdi

2026-yil 19-iyun kuni Toshkentda xalqaro tadbirni yoritish maqsadida tashrif buyurgan O‘mon Sultonligining nufuzli ommaviy axborot vositalaridan biri — “Asdaa Oman” nashri vakillari O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik institutiga tashrif buyurishdi.
? Mehmonlar tarkibida nashrning Bosh muharriri Khalfan Said Al Hasani hamda fotograf Issa Khamis Ali Al Raisi o‘rin oldi. Khalfan Said Al Hasani jurnalistika sohasidagi faoliyati bilan bir qatorda parlament deputati sifatida ham faoliyat yuritadi.
? Tashrif davomida mehmonlar institut faoliyati, uning boy ilmiy merosi, noyob qo‘lyozmalar fondi hamda Sharq xalqlari tarixi, madaniyati va ilmiy merosini o‘rganish borasida olib borilayotgan tadqiqotlar bilan yaqindan tanishdilar.
? Shuningdek, tomonlar ilmiy-ma’rifiy sohada hamkorlik istiqbollari yuzasidan fikr almashdilar.
? “Asdaa Oman” vakillari 2026-yil 15–21-iyun kunlari Toshkent shahrida bo‘lib, xalqaro tadbirlarni yoritish maqsadida tashrif buyurishgan.

2026-yil 18-iyun kuni O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik institutiga O‘mon Sultonligi Iqtisodiyot vaziri Dr. Hamis bin Saif bin Hamoud Al-Jabriy boshchiligidagi delegatsiya tashrif buyurdi.
Tashrif davomida mehmonlar institutning ilmiy faoliyati, Sharq qo‘lyozmalari fondi hamda Sharqshunoslik sohasida olib borilayotgan ilmiy tadqiqotlar bilan yaqindan tanishdilar.
Uchrashuv davomida O‘zbekiston va O‘mon o‘rtasida ilmiy, madaniy va iqtisodiy hamkorlikni yanada rivojlantirish, qo‘shma loyihalarni amalga oshirish hamda tajriba almashish masalalari muhokama qilindi.
Mazkur tashrif ikki davlat o‘rtasidagi do‘stona aloqalarni mustahkamlash va hamkorlikni rivojlantirishga xizmat qilishi ta’kidlandi.