Imom Al-Buxoriy ilmiy-amaliy markazida “Qadimiy yozma manbalarni saqlash va tadqiq etish tizimini takomillashtirish masalalari”ga bag’ishlangan xalqaro konferensiya bo’lib o’tmoqda.

Anjuman ikki sho’bada davom etmoqda:
1. Qadimiy yozma manbalarni saqlash va tadqiq etish tizimini takomillashtirishda O’zbekiston va xorij tajribasi;

2. Nodir manbalarni konservatsiya va restavratsiya qilish, reyestr tuzish va raqamlashtirish.

Ayni damda 1-sho’ba bo’yicha ma’ruzalar tinglanib, muhokama qilinmoqda.

Шу йилнинг 2 ноябрь куни Ўзекспомарказ павильонида Абу Райҳон Беруний китоблари нашрларининг тақдимоти бўлиб ўтди. Тақдимот Ўзбекистон Республикаси Президентининг “Буюк мутафаккир ва қомусий олим Абу Райҳон Беруний таваллудининг 1050 йиллигини халқаро миқёсда кенг нишонлаш тўғрисида” қароридаги вазифаларни (8 банди) бажариш мақсадида, алломанинг ХХ асрни 50 йилларидан бошлаб нашр қилинган еттита жилддан иборат асарлари қайта нашрига бағишлаб ўтказилди.

Ушбу нашрлар Ўзбекистон Республикаси Фанлар академияси Абу Райҳон Беруний номидаги Шарқшунослик институтининг бир гуруҳ олимлари томонидан олиб борилган узоқ йиллик меҳнатлар самараси ўлароқ оммага тақдим қилинди.

Профессор Ашраф Аҳмедов ўз шогирдлари (Б. Абдуллаев, М. Хандамова, У. Куранбаева) билан биргаликда Абу Райҳон Беруний “Танланган асарлар”ининг ўзбек тилидаги янги нашри – 8 та жилдини чоп этишга тайёрлади. Қувонарлиси шуки, 2018 йилда, олдин чоп этилмаган, Берунийнинг “Танланган асарлар” туркумига кирмаган учта асари – кичик рисолалари («Картография», «Ўтишлар», “Зижлар сараси”) 8-жилд сифатида рус ва ўзбек тилларида фан тарихчилари, шарқшунослар ва умуман китобхонлар оммасига тақдим этилди. Олимларимиз олдидаги кейинги вазифа Беруний асарларининг еттита жилдини ўзбек тилида қайта нашр этиш бўлди. Бу мақсадга эришиш йўлида эса қанча изланишлар ва тадқиқотлар амалга оширилди. Жумладан, биринчи, иккинчи, учинчи, тўртинчи, бешинчи, олтинчи ва еттинчи жилдлар «ОʹЗБEКИСТОН» нашриётида чоп этишга шай ҳолатга келтириди. Марҳум академик У.Каримов томонидан нашр этилган тўртинчи жилд «Сайдана» асарини ўзбекчалаштириш устида профессор С.Каримова олиб бораётган иш ҳали ниҳоясига етмаганлиги сабабли бешинчи жилднинг биринчи китобини Берунийнинг “Танланган асарлар” туркумида тўртинчи жилд қилиб, икккинчи китобини эса бешинчи жилд қилиб нашр этишга қарор қилинди.

Тақдимотда қуйидаги асалар ташриф буюрувчиларга тақдим этилди:

1. Абу Райҳон Беруний. “Қадимги халқлардан қолган ёдгорликлар”. Танланган асарлар. I жилд.
2. Абу Райҳон Беруний. «Ҳиндистон». Танланган асарлар. I жилд.
3. Абу Райҳон Беруний. «Геодезия». Танланган асарлар. III жилд.
4. Абу Райҳон Беруний. “Қонуни Масъудий”. Танланган асарлар. IV жилд.
5. Абу Райҳон Беруний. “Қонуни Масъудий”. Танланган асарлар. V жилд.
6. Абу Райҳон Беруний. «Тафҳим». Танланган асарлар. VI жилд.
7. Абу Райҳон Беруний. Математик ва астрономик рисолалар. Танланган асарлар. VII жилд.
Шундай қилиб, юқорида зикр этилган нашрлар 2023 йилда нишонланадиган буюк мутафаккир ва қомусий олим Абу Райҳон Беруний таваллудининг 1050 йиллик юбилейига шубҳасиз муносиб совға бўлди дейиш мумкин.

 ЎзР ФА Абу Райҳон Беруний номидаги Шарқшунослик институтининг “Шарқ халқлари фани ва маданияти тарихи” бўлими мудири, йирик шарқшунос олим, устоз  Ашраф Аҳмедов "Ду‌стлик" ордени билан тақдирландилар.  Юксак мукофотлар муборак Устоз! Бундай фараҳбахш онлар бардавом бўлсин! Ашраф Ахмедов кўп йиллардан буён астрономия, математикага оид қўлёзмаларни, шунингдек, Беруний асарларини ўзбек ва рус тилларига ўгириб келмоқдалар. Ашраф Ахмедов аниқ фанлар манбалари тадқиқига оид ишлари билан нафақат Ўзбекистон, балки Марказий Осиё  ва умуман жаҳон миқёсида шуҳрат қозонган  забардаст олимлардан биридир. Устоз Ашраф Аҳмедовни илм-фан соҳасидаги ютуқлари муносиб тақдирлангани билан табриклаймиз!  Устозга узоқ умр, мустаҳкам соғлик ва илмий ишларида муваффақиятлар тилаб, илмлари қаймоққа айланган айни дамларда Устоздан , янги таржима ва тадқиқотларни кутиб қоламиз.

Т А Б Р И К

ЎзР ФА Шарқшунослик институтининг бўлим мудири, йирик шарқшунос олим, устоз Ашраф Аҳмедов "Ду‌стлик" ордени билан тақдирландилар. Ашраф Аҳмедов араб ва форс тилларидаги астрономия, математикага оид қўлёзмаларни, Беруний асарларини у‌збек ва рус тилларига таржима ва тадқиқини амалга ошириб, бу соҳада кўплаб шогирдлар тайёрламоқдалар.
?
Меҳнат қилди, толмади Ашраф,
Меҳнатидан топди зўр шараф.
Қанча китоб, қанча мақола,
Ортида бор ўнталаб халаф.¹

Берунийдек улуғ зотларнинг,
Асарига урдилар қалам.
Улуғбекнинг улуғ "Зиж"ини,
Эли учунн қилди якқалам.

Араб тили, форс тили, инглиз,
Тилларида тиллари моҳир.
Хушхулқ инсон, меҳрибон устоз,
Фасоҳати тилидан зоҳир.

Бугун унинг "Дўстлик" ордени,
Меҳнатига олий мукофат.
Яна илму умри ичида,
Кулиб боқсин улкан саодат!

Маҳмуд ҲАСАНИЙ

ЎзР ФА Абу Райҳон Беруний номидаги Шарқшунослик институтининг “Шарқ мумтоз адабиёти” бўлими мудири, филология фанлари номзоди Салимахон Эшонова "Шуҳрат" медали билан тақдирландилар. САЛИМАХОН, "Шуҳрат" медали муборак! Бундай фараҳбахш онлар бардавом бўлсин! С. Эшонова - қувноқ ва очиқкўнгил, аммо ишда талабчан, ташкилотчилик фазилатига эга ходимлардан. Шарқшунослик институтидаги фаолияти жараёнида ҳам доимий равишда ўз малакаси, сиёсий ва илмий-назарий савиясини ошириш устида ишлаши, ўзининг хулқи, фаоллиги билан жамоат ўртасида обрўга эга бўлди. Шарқ мумтоз адабиёти бўлими доирасида анъанавий тарзда ўтказадиган семинарларини эса халқаро миқёсга кўтарди. Низомий Ганжавий ва Алишер Навоий юбилейларига бағишланган тадбирни Ўзбекистондаги Озарбайжон Маданият маркази ҳамкорлигида, Заҳириддин Муҳаммад Бобурга бағишланган семинарни эса Ҳиндистон маданият маркази ҳамкорлигида хорижлик мутахассислар маърузалари иштирокида ташкил қилди. Мазкур шоирлар асарларининг хорижда сақланаётган нодир нусхалари фотокўргазмасини намойишини амалга оширди. Бу ўз навбатида, илмий-маданий тажриба алмашинувларга, шунингдек, хорижда сақланаётган кўплаб қўлёзмалар электрон нусхасининг Шарқшунослик институти фондига тақдим этилишига ҳам хизмат қилди.
Салимахон Эшонова кўп йиллардан буён шарқ мумтоз адабиёти билан шуғулланиб келмоқдалар. Ҳозиргача 11 та китоб (бундан 7 таси ҳаммуаллифлиқда), 66 та мақола (10 таси хориж ва МДҲ давлатларида) нашр қилган. 45 та илмий анжуманда маъруза билан иштирок этган (6 таси хорижий, 2 таси МДҲ давлатларида ўтказилган).

САЛИМАХОНГА

Эга бўлиб шуҳратга,
Эга бўпсиз "Шуҳрат"га.
Ҳақиқатан лойиқсиз,
Ҳурматга ҳам шуҳратга.

Шуҳратиз бўлсин осмон,
Ҳосилиз катта хирмон.
Меҳнатлар самараси,
Элга бўлсин армуғон.

Янги-янги зафарлар,
Тинмай сизга ёр бўлсин.
Дастурхон ёйганизда,
Маҳмудлар ҳам бор бўлсин!

Маҳмуд ҲАСАНИЙ

Сийратингиз суратда бўлиб намоён,
Гул-гун чеҳрангизда таралибди, нур.
Илм ва меҳнатда бўлиб, ёнма-ён,
Роҳатда яшайсиз, оласиз ҳузур.

Дастурҳон ёзилар, қўшалоқ байрам,
Маҳмудлар ўтирар савлатлар тўкиб.
Институт аҳли бўлиб жамул-жам.
Салимахонга тилагу таҳсинлар ўқиб!!!

? SHE'RIY QUTLOV ?

ТДШУ профессори Мирсодиқ Исхоқов ва шарқшунос олима Салимахон Эшоноваларни юксак унвонлар билан қутлаб, Маҳмуд Ҳасаний домла шеърий қутлов йўллабдилар?

Икки таниш, икки дўст,
Бири мағиз, бири пўст
Илму одоб бобида,
Тенгги йўқ бекаму кўст.

Бирлари Салимахон,
Қўлларида мукофат.
Тинмай қилган меҳнатдан,
Топди улуғ шарофат.

Бирлари Мирсодиқдир,
Тарихимиз қўрғони.
Шод бўлдилар эшитиб
Барча дўсту ёрони.

Бирлари топди "Шуҳрат",
Шуҳратидан шон топди.
Бири бўлиб "Мураббий,"
Ҳизмат ила кон топди.

Муборак бўлсин деймиз,
Омон бўлсин икки дўст.
Бизлар учун қадрдон,
Бири мағиз, бири пўст.

Маҳмуд ҲАСАНИЙ