Ўзбекистон, Тошкент - Batafsil.uz. Бухоро вилоятида божхона ходимлари ДХХ ва чегара қўшинлари вакиллари билан биргаликда гиёҳванд моддаларни ноқонуний олиб киришга уринишнинг олдини олди. "Олот" божхона постида қуритилган ўрик солинган қутиларда қарийб 13 килограмм героин борлиги аниқланган.

Воқеа 30 май куни содир бўлган. Ходимлар Афғонистондан Россияга кетаётган юк машинасини тўхтатишди. Текширув чоғида рентген суратлари 18,6 тонна ўрик қоқиси солинган қутилар ичида шубҳали буюмлар борлигини кўрсатди. Текширув давомида 13 та қутида қуритилган мевалар орасида ташқи кўриниши ўрикка ўхшайдиган тақиқланган моддалар яшириб қўйилганлиги маълум бўлди.

Экспертизада аниқланишича, бу умумий оғирлиги қарийб 13 килограмм бўлган героин экан. Мутахассисларнинг ҳисоб-китобларига кўра, партиянинг қора бозордаги нархи 1,5 миллион долларга етиши мумкин.

Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.

Маълумотларга кўра, йил бошидан буён мамлакатда 363 та гиёҳванд моддаларни ноқонуний олиб ўтишга уринишларнинг олди олинган, 1,7 тоннага яқин тақиқланган моддалар мусодара қилинган, бу ўтган йилнинг шу даврига нисбатан 461 килограмм кўпдир.

Аввалроқ Қорақалпоғистонда ҳуқуқ-тартибот идоралари ходимлари героин сотишда гумон қилинган эркакни қўлга олган эди. Гиёҳванд моддаларни у кўча ҳожатхонасида, таблетка шишасига яшириб сақлаган.

O‘zbekiston Respublikasi Fanlar akademiyasi Sharqshunoslik instituti hamda “Bayoz” nashriyoti o‘rtasida institut olimlari tomonidan tayyorlangan ilmiy, ilmiy-ommabop va ma’rifiy adabiyotlarni nashr qilish hamda tijoratlashtirish bo‘yicha hamkorlik shartnomalari imzolandi.

Mazkur hamkorlik Sharqshunoslik institutida yaratilayotgan ilmiy ishlanmalar, tarixiy-manbaviy tadqiqotlar va madaniy-ma’rifiy nashrlarning keng kitobxonlar ommasiga yetib borishiga xizmat qiladi. Shuningdek, institut ilmiy salohiyatini nashriyot amaliyoti bilan uyg‘unlashtirish, yangi kitoblar nashrini tizimli yo‘lga qo‘yish va ularning targ‘ibotini kuchaytirish imkonini beradi.
Ushbu kelishuv ilm-fan, nashriyot sohasi va kitobxonlik madaniyatini rivojlantirish yo‘lidagi muhim qadamdir.

"Qashqadaryoda xizmat safarida yurganimda Qarshi – Chiroqchi katta yo‘li yoqasida bir til-adabiyot o‘qituvchisi qurimizga kelib qo‘shildi. Salom-alikdan so‘ng “Sizni tanidim, o‘n yilcha oldin “Mashrab” kitobingizni o‘qigandim. Undagi ma’lumotlar, mulohazalar menda va boshqa domlalarda ham kuchli taassurot qoldirgandi. Biroq oradan shuncha vaqt o‘tgan bo‘lishiga qaramay ularning ilmga hech qanday foydasi, ta’siri ko‘rinmadi. Darsliklarga biror o‘zgarish kiritilmadi, Boborahim Mashrabga oid ma’lumotlar o‘sha eski holicha turibdi. Hozirgacha o‘quvchilarimga bu mavzuda dars o‘tishga qiynalaman. Tadqiqotchilarning haqiqatga yopishmay turgan ko‘plab talqinlari va tarixiy voqealari o‘z o‘rnini topolmay har tarafga sochilib ketgan... O‘qituvchining ahvolini o‘zingiz tasavvur qilib olavering. Yosh avlodga bunday ma’lumotlarni berish – ularni aldash deb o‘zimdan norozi bo‘laveraman” degandi u.

O‘sha yo‘l yoqasida ikki Mashrab haqidagi gurung ancha cho‘zildi. Voqealari yo‘q tarix... Keling, bugun unga birgalikda nazar tashlaylik. Balki o‘sha voqealarni ular yo‘q joylardan qidirib yurgandirmiz".

Maqolani batafsil quyidagi havolada o'qishingiz mumkin: https://oyina.uz/uz/article/4722

Mazkur farmon ijtimoiy-iqtisodiy taraqqiyotining ustuvor yoʻnalishlari uchun ilgʻor yechimlarni yarata oladigan yangi avlod ilmiy kadrlarni tayyorlash tizimini yoʻlga qoʻyish, ilmiy kengashlar faoliyatida zamonaviy yondashuvlarni tatbiq etish, izlanuvchilarni tayyorlashda ustuvorlik mexanizmlarini joriy etish, shuningdek, “Oʻzbekiston – 2030” strategiyasi ijrosiniga qaratilgan.

“Oʻzbekiston – 2030” strategiyasida nazarda tutilgan mamlakatimiz taraqqiyotining asosiy yoʻnalishlaridan kelib chiqib, ilmiy kadrlar tayyorlashning ustuvor yoʻnalishlari tasdiqlandi:
☑️ raqamli va axborot texnologiyalari, jumladan, sunʼiy intellekt, kiberxavfsizlik, maʼlumotlar tahlili va raqamli yechimlarni ishlab chiqish;
☑️ atom va qayta tiklanuvchi energiya manbalari, shu jumladan, vodorod texnologiyalari, energiya tejamkorligi va energiyani saqlash tizimlari;
☑️ agroinnovatsiyalar va oziq-ovqat xavfsizligi, urugʻchilik, seleksiya,
gen texnologiyalari;
☑️ tibbiyot va biotexnologiyalar, jumladan, biomeditsina, genetika, farmatsevtika, telemeditsina va yuqumli kasalliklarning oldini olish;
 ☑️ suv resurslaridan oqilona foydalanish va iqlimga barqarorlikni taʼminlash, jumladan, choʻllanishning oldini olish va iqlim oʻzgarishiga moslashish;
☑️ yangi materiallar va ilgʻor ishlab chiqarish texnologiyalari,
shu jumladan, nanotexnologiyalar, additiv ishlab chiqarish, robototexnika va avtomatlashtirilgan tizimlar;
☑️ seysmik xavfsizlikni taʼminlash.

Президент ҳузурида ўтган тақдимотда Ўзбекистонда илмий кадрлар тайёрлаш ва илм-фан тизимини ислоҳ қилиш бўйича қатор муҳим таклифлар илгари сурилди.

Унда илмий соҳани бюрократиядан холи қилиш, амалий тадқиқотларни кучайтириш ва академик ҳалолликни таъминлаш асосий йўналиш сифатида кўрсатилди.

Тақдим этилган энг муҳим ўзгариш ва ташаббуслар қуйидагилардан иборат бўлди:

— сунъий интеллект, қайта тикланувчи энергия, тиббиёт, сув ресурслари, озиқ-овқат хавфсизлиги ва сейсмология каби устувор соҳалар бўйича докторантлар учун янги қўллаб-қувватлаш тизимини жорий этиш;

— ушбу йўналишлардаги докторантлар стипендиясини 1,7 баробарга ошириш;

— илмий тадқиқотларда қўлланиладиган асбоб-ускуна ва реагентлар учун ҳар йили қўшимча маблағ ажратиш;

— илмий раҳбарларнинг масъулиятини кучайтириш ва муваффақиятли ҳимоя қилинган диссертациялар асосида натижага қараб рағбатлантириш тизимини жорий қилиш;

— Олий аттестация комиссияси (ОАК) фаолиятини Фанлар академияси тизимига ўтказиш;

— илмий кенгашлар фаолиятини рейтинг асосида баҳолаш;

— диссертация ҳимояси жараёнларини тўлиқ рақамлаштириш ва амалдаги бюрократик жараёнларнинг қарийб 50 фоизини қисқартириш;

— авторефератларни кўп нусхада чоп этиш ва диссертацияларни такроран муҳокама қилиш каби ортиқча талабларни бекор қилиш;

— “Лойиҳа доирасида илмий даража” ҳамда “Амалий докторантура” дастурларини йўлга қўйиш;

— PhD илмий даражасини реал сектор эҳтиёжларига мос амалий тадқиқотлар асосида олиш механизмини жорий этиш;

— илмий лойиҳаларни баҳолашга халқаро экспертларни жалб қилиш ва рақамли саралаш тизимини жорий этиш;

— олимларнинг илмий фаолиятини кузатувчи ягона рақамли платформани ишга тушириш;

— академик ҳалоллик ва илмий этика стандартларини кучайтириш;

— хорижда фаолият юритаётган ўзбекистонлик олимлар иштирокида Илм-фан маслаҳат кенгашини ташкил этиш кабилар айтиб ўтилган.