Ayni paytda Islom sivilizatsiyasi markazida buyuk davlat arbobi va sarkarda, ilm-fan, madaniyat va san'at homiysi sohibqiron Amir Temur tavalludining 690 yilligiga bagʻishlangan "Amir Temur va temuriylar tamaddunining jahon tarixi va madaniyatidagi oʻrni va ahamiyati" mavzusidagi xalqaro konferensiya oʻz ishini boshladi.

Konferensiya ochilishida Oʻzbekiston Respublikasi Prezidenti maslahatchisi, Oʻzbekiston xalq yozuvchisi Xayriddin Sultonov Davlat Rahbarining anjuman ishtirokchilariga yoʻllagan tabrigini oʻqib eshittirdi.
Shundan soʻng Amir Temurga bagʻishlangan qisqa film namoyish etildi.