^{Хабар қилинганидек, (https://t.me/aoka_uz/12938) Абу Даби 34-халқаро китоб кўргазма-ярмаркада мамлакатимиз ноширлари, китоб савдоси ташкилотлари ҳамда асар муаллифлари иштирок этмоқда.}

^{Нуфузли тадбир доирасида ўтказилган “Асосий эътибор қаратилган шахс” сессияси буюк алломаларимиздан Абу Али ибн Синога бағишлангани алоҳида аҳамият касб этди.}

^{“Авиценна: Шарқ ва Ғарбни бирлаштирган олим” мавзусидаги давра суҳбатида халқаро даражадаги олимлар ва мутахассисла, шунингдек, Ўзбекистоннинг Бирлашган Араб Амирликларидаги фавқулодда ва мухтор элчиси Абдулазиз Аққулов, халқаро тадбир ташкилотчиси – Араб тили маркази раси, Шейҳ Заид номидаги китоб танлови Бош котиби доктор Али бин Тамим, “Номад” маданият фонди директори Баян Кабиляш, элчихона вакиллари, хорижий давлатлар вакиллари иштирок этди.}

^{Жумладан, Фанлар академияси Абу Райҳон Беруний номидаги Шарқшунослик институти катта илмий ходими, тарих фанлари бўйича фалсафа доктори – Фахриддин Ибрагимов ўз маърузаси билан қатнашди.}

^{Шунингдек, Мисрдаги Искандария кутубхонаси сектор раҳбари – доктор Муҳаммад Сулаймон ва фалсафа доктори – Чаден Дияб (Франция) Абу Али ибн Синонинг ҳаёти, унинг фаолияти ҳамда турли фанлар ривожига қўшган бетакрор ҳиссаси ҳақида сўз юритдилар.}

^{Тадбир иштирокчилари ўзларини қизиқтирган саволларига экспертлар томонидан жавоб олдилар.}