Toshkent shahrida “O‘zbekiston va Tojikiston: ittifoqchilik va mintaqaviy hamkorlikning yangi istiqbollari” mavzusida xalqaro ilmiy-amaliy konferensiya bo‘lib o‘tmoqda.
Mazkur anjumanda O'zR FA Sharqshunoslik instituti yetakchi ilmiy xodimi, tarix fanlari doktori, professor Komiljon Rahimov ham ishtirok etdi.
Konferensiya davomida O‘zbekiston va Tojikiston o‘rtasidagi tarixiy aloqalar, madaniy-maʼrifiy hamkorlik, shuningdek, mintaqaviy taraqqiyot istiqbollariga oid dolzarb masalalar muhokama qilinmoqda.
Mazkur ilmiy muloqot ikki davlat o‘rtasidagi do‘stona munosabatlarni yana-da mustahkamlash, tarixiy va maʼnaviy merosni birgalikda o‘rganishda muhim ahamiyat kasb etadi.
