SJ News II - шаблон joomla Авто

"ADOLAT" SOSIAL-DEMOKRATIK PARTIYASI

 

Oʻzbekiston Respublikasi Fanlar akademiyasi Abu Rayhon Beruniy nomidagi Sharqshunoslik institutining bir guruh olimlari tomonidan olib borilgan uzoq yillik mehnatlar samarasi oʻlaroq “Abu Rayhon Beruniy kitoblari” ning yangi nashri keng ommaga taqdim qilindi. Oʻzekspomarkaz pavilyonida Abu Rayhon Beruniy kitoblari nashrlarining taqdimoti boʻlib oʻtdi. Professor Ashraf Ahmedov oʻz shogirdlari bilan birgalikda Abu Rayhon Beruniy “Tanlangan asarlari” ning oʻzbek tilidagi yangi nashri – 8 ta jildini chop etishga tayyorladi. Unda Beruniyning uchta asari – kichik risolalari “Kartografiya”, “Oʻtishlar”, “Zijlar sarasi” ham kiritilgan.
Batafsil maʼlumotlarni quyidagi havola orqali oʻqing: https://academy.uz/uz/news/abu-rayhon-beruniy-asarlarining-yangi-nashri-taqdimoti

Toshkent book fest 3-xalqaro festivali. Abdulla Qodiriy ijod maktabining o`qituvchilari Hulkar Shamsiyeva va Oltinbek Mirzamurodovlar o`quvchilar bilan birgalikda kitob ko`rgazmasiga tashrif buyurish jarayonida O`zR FA vitse-prezidenti, O`zR FA Sharqshunoslik institutining direktori, "Adolat" sotsial-demokratik partiyasining raisi Bahrom Abduhalimov, "Milliy tiklanish" demokratik partiyasining raisi, Oliy Majlis qonunchilik palatasining deputati Alisher Qodirov, O`zbekiston Jurnalistika va ommaviy kommunikatsiyalar universiteti Sherzod Qudratxo`jayevlar bilan suhbatlashishdi. "Do`stlik" ordeni sohibi,  O`FA Abu Rayhon Beruniy nomidagi FA Sharqshunoslik Institutining t.f.d., professori Ashraf Ahmedov va  O`FA Abu Rayhon Beruniy nomidagi FA Sharqshunoslik Institutining direktor o`rinbosari Surayyo Karimovalarning ma`ruzalarini tinglashdi. O`quvchilar o`zbek va jahon adabiyoti durdonalari bilan tashib, o`z shaxsiy kutubxonalarini yanada boyitishdi.

Imom Al-Buxoriy ilmiy-amaliy markazida “Qadimiy yozma manbalarni saqlash va tadqiq etish tizimini takomillashtirish masalalari”ga bag’ishlangan xalqaro konferensiya bo’lib o’tmoqda.

Anjuman ikki sho’bada davom etmoqda:
1. Qadimiy yozma manbalarni saqlash va tadqiq etish tizimini takomillashtirishda O’zbekiston va xorij tajribasi;

2. Nodir manbalarni konservatsiya va restavratsiya qilish, reyestr tuzish va raqamlashtirish.

Ayni damda 1-sho’ba bo’yicha ma’ruzalar tinglanib, muhokama qilinmoqda.

Шу йилнинг 2 ноябрь куни Ўзекспомарказ павильонида Абу Райҳон Беруний китоблари нашрларининг тақдимоти бўлиб ўтди. Тақдимот Ўзбекистон Республикаси Президентининг “Буюк мутафаккир ва қомусий олим Абу Райҳон Беруний таваллудининг 1050 йиллигини халқаро миқёсда кенг нишонлаш тўғрисида” қароридаги вазифаларни (8 банди) бажариш мақсадида, алломанинг ХХ асрни 50 йилларидан бошлаб нашр қилинган еттита жилддан иборат асарлари қайта нашрига бағишлаб ўтказилди.

 

Ушбу нашрлар Ўзбекистон Республикаси Фанлар академияси Абу Райҳон Беруний номидаги Шарқшунослик институтининг бир гуруҳ олимлари томонидан олиб борилган узоқ йиллик меҳнатлар самараси ўлароқ оммага тақдим қилинди.

Профессор Ашраф Аҳмедов ўз шогирдлари (Б. Абдуллаев, М. Хандамова, У. Куранбаева) билан биргаликда Абу Райҳон Беруний “Танланган асарлар”ининг ўзбек тилидаги янги нашри – 8 та жилдини чоп этишга тайёрлади. Қувонарлиси шуки, 2018 йилда, олдин чоп этилмаган, Берунийнинг “Танланган асарлар” туркумига кирмаган учта асари – кичик рисолалари («Картография», «Ўтишлар», “Зижлар сараси”) 8-жилд сифатида рус ва ўзбек тилларида фан тарихчилари, шарқшунослар ва умуман китобхонлар оммасига тақдим этилди. Олимларимиз олдидаги кейинги вазифа Беруний асарларининг еттита жилдини ўзбек тилида қайта нашр этиш бўлди. Бу мақсадга эришиш йўлида эса қанча изланишлар ва тадқиқотлар амалга оширилди. Жумладан, биринчи, иккинчи, учинчи, тўртинчи, бешинчи, олтинчи ва еттинчи жилдлар «ОʹЗБEКИСТОН» нашриётида чоп этишга шай ҳолатга келтириди. Марҳум академик У.Каримов томонидан нашр этилган тўртинчи жилд «Сайдана» асарини ўзбекчалаштириш устида профессор С.Каримова олиб бораётган иш ҳали ниҳоясига етмаганлиги сабабли бешинчи жилднинг биринчи китобини Берунийнинг “Танланган асарлар” туркумида тўртинчи жилд қилиб, икккинчи китобини эса бешинчи жилд қилиб нашр этишга қарор қилинди.

Тақдимотда қуйидаги асалар ташриф буюрувчиларга тақдим этилди:

1. Абу Райҳон Беруний. “Қадимги халқлардан қолган ёдгорликлар”. Танланган асарлар. I жилд.
2. Абу Райҳон Беруний. «Ҳиндистон». Танланган асарлар. I жилд.
3. Абу Райҳон Беруний. «Геодезия». Танланган асарлар. III жилд.
4. Абу Райҳон Беруний. “Қонуни Масъудий”. Танланган асарлар. IV жилд.
5. Абу Райҳон Беруний. “Қонуни Масъудий”. Танланган асарлар. V жилд.
6. Абу Райҳон Беруний. «Тафҳим». Танланган асарлар. VI жилд.
7. Абу Райҳон Беруний. Математик ва астрономик рисолалар. Танланган асарлар. VII жилд.
Шундай қилиб, юқорида зикр этилган нашрлар 2023 йилда нишонланадиган буюк мутафаккир ва қомусий олим Абу Райҳон Беруний таваллудининг 1050 йиллик юбилейига шубҳасиз муносиб совға бўлди дейиш мумкин.

 

 

 

 

 

 

 

 

 

 

 

Page 56 of 84

BIZ BILAN BOG'LANISH

Top
We use cookies to improve our website. By continuing to use this website, you are giving consent to cookies being used. More details…