E’LON

27-fevral kuni

 Soat 10:00 da

O‘zbekiston Respublikasi Fanlar akademiyasi
Abu Rayhon Beruniy nomidagi Sharqshunoslik instituti huzuridagi mustaqil izlanuvchilik institutiga

07.00.08 – Tarixshunoslik, manbashunoslik va tarixiy tadqiqot usullari ixtisosligi bo‘yicha suhbat o‘tkaziladi.

Imtihon topshiruvchi nomzodlar o'z vaqtida ishtirok etishingizni so'raymiz.

22-fevral kuni Fanlar akademiyasi Abu Rayhon Beruniy nomidagi Sharqshunoslik institutida «Temuriylar davrida ilm-fan va madaniyat rivoji» mavzusida ilmiy-amaliy seminar tashkil etildi.

Seminarda oliy ta’lim muassasalari talabalari hamda yosh tadqiqotchilar ishtirok etdilar. Tadbir davomida ishtirokchilarga Temuriylar davrida erishilgan ilmiy yutuqlar haqida nazariy ma’lumotlar berildi. Shuningdek, o‘sha davr ilm-fan taraqqiyotini aks ettiruvchi noyob qo‘lyozma asarlar hamda mavzuga doir institutda amalga oshirilayotgan ilmiy tadqiqotlar bilan atroflicha tanishtirildi.

Seminar jarayonida O‘zbekiston Respublikasi Prezidentining «Buyuk davlat arbobi va sarkarda, ilm-fan, madaniyat va san’at homiysi Sohibqiron Amir Temur tavalludining 690 yilligini keng nishonlash to‘g‘risida»gi 2026-yil 5-fevraldagi PQ–46-sonli Qarorining mazmun-mohiyati ham batafsil tushuntirildi.

Seminar moderatori: institut katta ilmiy xodimi, tarix fanlari nomzodi Hamidulla Lutfillayev.

O‘zbekiston Respublikasi Prezidentining “Buyuk davlat arbobi va sarkarda, ilm-fan, madaniyat va san’at homiysi Sohibqiron Amir Temur tavalludining 690 yilligini keng nishonlash to‘g‘risida”gi PQ-46-son qarori ijrosini ta’minlash maqsadida Xalqaro Amir Temur jamoat fondi tomonidan nashr etilgan yangi kitoblar taqdimoti bo‘lib o‘tdi.

Tadbirda Amir Temur hayotligida yozilgan nodir manbalardan biri — G‘iyosuddin Ali qalamiga mansub "Hindiston yurishi kundaligi" hamda tarixchi olimlarning maqolalaridan iborat ingliz tilidagi "Amir Temur’s Legacy of Wisdom" jamoatchilikka taqdim etildi.

Taqdimot Amir Temur merosini o‘rganish va ommalashtirish yo‘lida muhim ahamiyat kasb etdi.

2026-yil 18-fevral kuni O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik instituti yetakchi ilmiy xodimi, tarix fanlari doktori (DSc), professor Nigora Allayeva tomonidan yosh tadqiqotchilar uchun

«G‘oyadan dissertatsiyagacha: tahlil va talqin»

mavzusida ilmiy-amaliy seminar o‘tkazildi.

Seminarda quyidagi masalalar muhokama qilindi:

-Tarix fanining zamonaviy metodologiyalari
-Tarixiy matnlarga tadqiqotchining yondashuvi
-Ilmiy apparatni shakllantirish masalalari
-Dissertatsiya ustida ishlashning muhim bosqichlari

Seminarda yosh tadqiqotchilar va yetuk olimlar faol ishtirok etib, mavzu yuzasidan savol-javoblar oʻtkazildi hamda dolzarb masalalar atroflicha muhokama qilindi. Ishtirokchilar oʻz ilmiy qarashlari va mulohazalari bilan oʻrtoqlashdilar.