Tatariston Fanlar akademiyasi Sh.Marjoniy nomidagi Tarix institutining 30 yilligi munosabati bilan tashkil qilingan xalqaro konferensiya doirasida Fanlar akademiyasi vitse-prezidenti Bahrom ABDUHALIMOV “Rossiya 24” telekanaliga intervyu berdi

2026-yil 19-iyun kuni Toshkentda xalqaro tadbirni yoritish maqsadida tashrif buyurgan O‘mon Sultonligining nufuzli ommaviy axborot vositalaridan biri — “Asdaa Oman” nashri vakillari O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik institutiga tashrif buyurishdi.
? Mehmonlar tarkibida nashrning Bosh muharriri Khalfan Said Al Hasani hamda fotograf Issa Khamis Ali Al Raisi o‘rin oldi. Khalfan Said Al Hasani jurnalistika sohasidagi faoliyati bilan bir qatorda parlament deputati sifatida ham faoliyat yuritadi.
? Tashrif davomida mehmonlar institut faoliyati, uning boy ilmiy merosi, noyob qo‘lyozmalar fondi hamda Sharq xalqlari tarixi, madaniyati va ilmiy merosini o‘rganish borasida olib borilayotgan tadqiqotlar bilan yaqindan tanishdilar.
? Shuningdek, tomonlar ilmiy-ma’rifiy sohada hamkorlik istiqbollari yuzasidan fikr almashdilar.
? “Asdaa Oman” vakillari 2026-yil 15–21-iyun kunlari Toshkent shahrida bo‘lib, xalqaro tadbirlarni yoritish maqsadida tashrif buyurishgan.

2026-yil 18-iyun kuni O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik institutiga O‘mon Sultonligi Iqtisodiyot vaziri Dr. Hamis bin Saif bin Hamoud Al-Jabriy boshchiligidagi delegatsiya tashrif buyurdi.
Tashrif davomida mehmonlar institutning ilmiy faoliyati, Sharq qo‘lyozmalari fondi hamda Sharqshunoslik sohasida olib borilayotgan ilmiy tadqiqotlar bilan yaqindan tanishdilar.
Uchrashuv davomida O‘zbekiston va O‘mon o‘rtasida ilmiy, madaniy va iqtisodiy hamkorlikni yanada rivojlantirish, qo‘shma loyihalarni amalga oshirish hamda tajriba almashish masalalari muhokama qilindi.
Mazkur tashrif ikki davlat o‘rtasidagi do‘stona aloqalarni mustahkamlash va hamkorlikni rivojlantirishga xizmat qilishi ta’kidlandi.

Ўзбекистон, Тошкент - Batafsil.uz. Ўзбекистон Республикаси Президенти томонидан 2026 йил 11 июнь куни имзоланган ЎРҚ–1151-сонли қонун билан Жиноят кодексига гиёҳвандлик воситалари ва психотроп моддаларнинг ноқонуний айланмасига қарши курашишни такомиллаштиришга қаратилган жиддий ўзгартириш ва қўшимчалар киритилди. Янги қонун талабларига кўра, мамлакат ҳудудида ғайриқонуний нарколабораториялар ташкил этган, тақиқланган моддалар савдосига ҳомийлик қилган ва бангихона сақлаган шахсларга нисбатан узоқ муддатли озодликдан маҳрум қилиш жазолари қўлланилади.

Жиноят кодексига киритилган янги нормаларга асосан, гиёҳвандлик воситалари, психотроп моддалар ёки уларнинг аналогларини ишлаб чиқариш, тайёрлаш ёхуд қайта ишлаш мақсадида яширин нарколабораториялар ташкил этганлик учун алоҳида жавобгарлик белгиланиб, 5 йилдан 10 йилгача муддатга озодликдан маҳрум қилиш жазоси жорий этилган. Шунингдек, ушбу турдаги моддаларни истеъмол қилиш ёки тарқатиш мақсадида махсус бангихоналар ташкил қилиш ёки уларни сақлаш билан шуғулланган шахслар эндиликда 3 йилдан 5 йилгача бўлган муддатга панжара ортига жўнатилади.

Қонунчиликдаги яна бир муҳим чеклов гиёҳвандлик воситалари, психотроп ва кучли таъсир қилувчи моддаларнинг қонунга хилоф муомаласини молиялаштириш, яъни бундай жиноий фаолиятга ҳомийлик қилиш билан боғлиқдир. Бундан буён наркотикларнинг ноқонуний айланмасига ҳомийлик қилганлик учун жиноятчиларга нисбатан 5 йилдан 8 йилгача озодликдан маҳрум қилиш жазоси тайинланади. Мазкур чора тизимли наркобизнеснинг иқтисодий асосларини барбод қилишга қаратилган.

Бундан ташқари, кучли таъсир қилувчи ёки заҳарли моддаларни ўғрилик ёхуд фирибгарлик йўли билан қонунга хилоф равишда эгаллаш ҳаракатлари учун ҳам жазо чоралари қатъийлаштирилган. Ушбу тоифадаги жиноятларни содир этган шахслар 3 йилгача ахлоқ тузатиш ишлари, 2 йилдан 5 йилгача озодликни чеклаш ёки 5 йилгача бўлган муддатга озодликдан маҳрум қилиш билан жазоланиши белгиланган. 

Эслатиб ўтамиз, Давлат хавфсизлик хизмати ва Ички ишлар органлари ходимлари ҳамкорлигида ўтказилган тезкор тадбир давомида пойтахтнинг Сергели туманида жойлашган нарколаборатория аниқланганди. Мазкур хонадонда Чиноз туманида туғилган 21 ёшли шахс шериги билан биргаликда кучли таъсир қилувчи моддаларни саноат даражасида ишлаб чиқариш билан шуғулланиб келган эди.

Давлат хавфсизлик хизмати ҳамда ҳуқуқни муҳофаза қилувчи органлар томонидан ўтказилган тезкор тадбирлар давомида Афғонистондан Ўзбекистонга олиб кирилган йирик миқдордаги гиёҳвандлик воситалари ноқонуний айланмасига чек қўйилди.

https://batafsil.uz/cat/proisshestviya/surkhondaryeda-ariyb-38-kilogrammdan-orti-giye-vandlik-vositalari-musodara-ilindi/