"ADOLAT" SOSIAL-DEMOKRATIK PARTIYASI
Yangiliklar (361)
Ёш шарқшуносларнинг халқаро анжумани
Бугун Ўзбекистон Республикаси Фанлар академияси Абу Райҳон Беруний номидаги Шарқшунослик институтида «Ўзбекистонда ислом маданияти, тарихи ва санъатини ўрганишнинг янги истиқболлари» мавзуида академик Убайдулла Каримов хотирасига бағишланган халқаро онлайн ва оффлайн конференция бўлиб ўтди. Мазкур халқаро анжуманнинг ташкилотчилари - Ўзбекистон Республикаси Фанлар академияси Абу Райҳон Беруний номидаги Шарқшунослик институти ва Ислом ҳамкорлик ташкилоти Ислом тарихи, санъати ва маданиятини тадқиқ этиш маркази (IRCICA, Туркия).
Ўзбекистонда сўнгги йилларда ислом тарихи, маданияти ва санъатини ўрганишга бўлган эътибор ва ёндашувлар ўзгарди ва бунинг натижаси ўлароқ бу жабҳада амалга оширилаётган ишлар ҳам янги сифат босқичига кўтарилди. Бунга мисол тариқасида республикамизда кейинги йилларда ташкил этилган ва бугунги кунда самарали фаолият олиб бораётган Имом ал-Бухорий, Имом ат-Термизий, Имом ал-Мотуридий халқаро илмий тадқиқот марказлари, Ўзбекистон халқаро ислом академияси, Ўзбекистондаги Ислом цивилизацияси марказини келтириш мумкин.
Ислом ҳамкорлик ташкилотининг Ислом тарихи, санъати ва маданиятини тадқиқ этиш маркази (IRCICA) мазкур ташкилотлар билан исломшуносликнинг турли масалалари бўйича яқиндан ҳамкорлик қилиб келади. Кейинги йилларда шу ташкилот иштирокида республикамизда исломшунослик ва ислом цивилизацияси тарихига доир бир нечта халқаро конференциялар ўтказилди, шу марказлар кутубхоналарига алломаларимиз илмий мероси намуналарининг нашрлари, қўлёзмаларининг электрон нусхалари келтирилди.
Бугун бўлиб ўтган “Ўзбекистонда ислом маданияти, тарихи ва санъатини ўрганишнинг янги истиқболлари” мавзуидаги халқаро конференция ҳам IRCICA ташкилотининг ислом фани ва маданияти тарихини ўрганишга ўз ҳиссасини қўшиб келаётган Ўзбекистон Республикаси Фанлар академияси Абу Райҳон Беруний номидаги Шарқшунослик институти билан ҳамкорликдаги катта бир тадбири бўлди. Бу конференция таниқли шарқшунос олим, ар-Розий, Беруний, Ибн Сино каби энциклопедист алломаларнинг илмий меросини халққа етказиш ишига ўз ҳиссасини қўшган академик Убайдулла Каримов хотирасига бағишланди.
Ёш шарқшуносларнинг академик Убайдулла Каримов номидаги конференцияси Шарқшунослик институти учун анъанавий бўлиб, 2004 йилдан бери ўтказилади. 2019 йилдан эса у республика миқёсидаги тадбирдан халқаро даражага кўтарилди.
Тадбирнинг расмий қисмидан аввал иштирокчилар учун Институт қўлёзмалар фондидаги манбаларнинг нодир намуналари қўйилган кўргазма уюштирилди.
Конференция иши Ислом тарихи, маданияти ва санъатини тадқиқ этиш маркази (IRСIСА) бош директори профессор, доктор Маҳмуд Эрол Қилич ва Ўзбекистон Республикаси Фанлар академияси вице-президенти, Абу Райҳон Беруний номидаги Шарқшунослик институти директори, профессор, тарих фанлари доктори Баҳром Абдуҳалимовнинг кириш сўзлари билан очилди. Шундан сўнг конференция иштирокчиларига Ўзбекистон Республикаси Фанлар академияси президенти академик Б. С. Юлдашев, Ўзбекистондаги ислом цивилизацияси маркази директори Ш. Ш. Миноваров, Ўзбекистон халқаро ислом академияси проректори профессор З. Исломов, Ўзбекистонга оид хориждаги маданий бойликларни тадқиқ этиш маркази, ҳамда Имом ал-Бухорий, Имом ат-Термизий, Имом ал-Мотуридий халқаро илмий тадқиқот марказлари директорлари ўз табрик сўзлари билан мурожаат қилдилар.
Конференциянинг ялпи мажлисида академик Убайдулла Каримов тадқиқотларининг Ўзбекистон шарқшунослигидаги ўрни, Мовароуннаҳрнинг ислом цивилизациясидаги ўрни ва аҳамияти, ХIХ аср охири-ХХ аср бошларидаги Ўрта Осиё ижтимоий ҳаётида мусулмон уламоларининг роли ҳамда Жанубий Иссиқкўлнинг ислом даври қайроқлари мавзуларига доир Ўзбекистон, Туркия ва Қирғизистон олимларининг маърузалари тингланди.
Ялпи мажлисдан сўнг конференция ўз ишини 7 та шўъбада давом эттирди. Ҳар бир шўъбада ислом цивилизацияси тарихи, Марказий Осиё тарихи ва тарихшунослик масалалари, манбашунослик ва матншунослик, исломшунослик, фан ва санъат тарихи, алломалар илмий мероси ҳамда филологик тадқиқотларга бағишланган 12 тадан, жами 84 та маъруза тингланди.
Анжуман ишида Фанлар академиясининг ижтимоий-гуманитар институтлари ва музейлари, соҳага ихтисослашган олий таълим муассасалари вакиллари, шунингдек, Қозоғистон, Қирғизистон, Озарбайжон, Россия Федерацияси, Туркия ва АҚШнинг университет ва илмий-тадқиқот марказлари олимлари он-лайн тарзда иштирок этдилар.
Ислом цивилизацияси тарихи, манбашунослик, тарих ва тарихшунослик, исломшунослик ҳамда филология номинацияларида энг яхши деб топилган бешта маъруза соҳиблари конференциянинг махсус дипломи ва совғалар билан тақдирландилар. Конференцияга тақдим қилинган материаллар “Ўзбекистонда ислом маданияти, тарихи ва санъатини ўрганишнинг янги истиқболлари. New Perspectives for the Study of Islamic Culture, History and Art in Uzbekistan” номли конференция тўпламида нашр этилди.
Ўзбекистон Республикаси Фанлар академияси Абу Райҳон Беруний номидаги Шарқшунослик институти томонидан ҳар йили анъанавий тарзда ўтказиладиган ёш шарқшуносларнинг академик Убайдулла Каримов номидаги конференцияси ёш тадқиқотчилар фаолиятини кучайтиришга ҳамда уларнинг жаҳон илм-фанига интеграциялашувига хизмат қилмоқда.
2021-yil 20-may kuni "Islom ilmlari tadqiqotlari: kecha, bugun va istiqbolda" deb nomlangan ilmiy onlayn respublika seminari bo'lib o'tadi.
Sharqshunoslik Instituti приглашает вас на запланированную конференцию: Zoom.
Тема: Seminar
Время: 20 мая 2021 02:20 PM Исламабад, Карачи, Ташкент
Подключиться к конференции Zoom
https://zoom.us/j/9488941858?pwd=SFpJc0tNUmZXNWx2RmdvOFVnVkVrQT09
Идентификатор конференции: 948 894 1858
Код доступа: 12345
Islom sivilizasiyasi markazi
https://www.youtube.com/watch?v=36g0o5Kklj8
DO`STONA TASHRIF
2021 yil 3 mart kuni Belarus Respublikasi Milliy Fanlar akademiyasi vakillari O'zbekiston Respublikasi Fanlar akademiyasining Abu Rayhon Beruniy nomidagi Sharqshunoslik institutiga tashrif buyurdilar. Belarus Respublikasi Milliy fanlar akademiyasi delegatsiyasi quyidagi vakillardan iborat edi: Belarus Milliy Fanlar akademiyasining bosh ilmiy kotibi - Andrey Ivanovich Ivanets; RUK "Belarus Milliy Fanlar akademiyasining kartoshka va meva-sabzavot yetishtirish ilmiy-ishlab chiqarish markazi" bosh direktori - Vadim Leonidovich Maxanko; "Akadempharm" Respublika ishlab chiqarish unitar korxonasi direktori - Mikitskiy Yuriy Mechislavovich.
Uchrashuv norasmiy do'stona muhitda bo'lib o'tdi, mehmonlar sharqshunoslik sohasida olib borilayotgan ilmiy izlanishlar, yozma manbalar saqlash va ta`mirlash, raqamlashtirish, shuningdek restavratsiya bo'limi ishi kabi institutning ko'p funktsiyali faoliyati bilan tanishdilar.Bosh ilmiy kotib Andrey Ivanovich tomonidan qabul qilingan Belarus Respublikasi Milliy Fanlar akademiyasi xodimlarida katta taassurot qoldirdi. U O'zbekiston Respublikasi Fanlar akademiyasining Abu Rayhon Beruniy nomidagi Sharqshunoslik instituti va Belarus Respublikasining ixtisoslashtirilgan tashkilotlari o'rtasidagi hamkorlik imkoniyatlarini ko'rib chiqishni taklif qildi, shuningdek, O'zbekiston Respublikasi bozorlarida topish qiyin bo'lgan restavratsiya materiallari to'g'risida ma'lumot etkazishni iltimos qildi.
Bugungi kunda ular tarkibiga metilsellyuloza yopishtiruvchi va yapon qog'ozi kiradi.O'z navbatida, Belarus Respublikasi Milliy Fanlar akademiyasining delegatsiyasi a`zolari o'z faoliyati va Belarus Respublikasida restavtatsiya bo'yicha yangi ilmiy tashkilot yaratish rejalari haqida so'zlab berishdi. Andrey Ivanovich O'zbekiston Respublikasi Fanlar akademiyasining Abu Rayhon Beruniy nomidagi Sharqshunoslik instituti tajribasi Belarus ilm-fani uchun foydali bo'lishi mumkinligini ta'kidladi va tomonlarning kelgusida o`zaro hamkorlik qilishlariga umid bildirdi.
Мақсудов Фарҳод Алижоновичнинг тарих фанлари доктори (DSc) диссертация иши ҳимояси тўғрисида
«Ўрта асрларда тоғли Уструшона кўчманчи маданияти» мавзусида
Мақсудов Фарҳод Алижоновичнинг 07.00.06 – «Археология» ихтисослиги бўйича «Ўрта асрларда тоғли Уструшона кўчманчи маданияти» мавзусидаги тарих доктори (DSc) илмий даражасини олиш учун ёзилган диссертация ҳимояси Ўзбекистон Республкаси Фанлар академияси Абу Райҳон Беруний номидаги Шарқшунослик институти ҳузуридаги Илмий даражалар берувчи DSс.02/30.2019. Tаr.44.01. рақамли Илмий кенгашнинг 2020 йил 17 декабрь куни соат 14:30 даги мажлисида бўлиб ўтади.
Манзил: 100170, Тошкент шаҳри, Мирзо Улуғбек кўчаси, 79-уй.
Телефон: (+998 71)-262-54-61;
e-mail: This email address is being protected from spambots. You need JavaScript enabled to view it.
Баҳром Абдуҳалимов Ўзбекистон Республикаси Фанлар академияси вице президенти билан суҳбат
“Bilimkent” seminarining 9-ma’ruzasi: O‘zbekiston tarixining buguni va ertasi
O‘zbekiston Respublikasining 29 yilligiga bag’ishlab “Bilimkent” seminari doirasida masofaviy ma’ruza bo’lib o’tdi. O’zR FA Tarix instituti direktori t.f.d., prof. Azamat Ziyo “O’zbekiston tarix fanining buguni va ertasi: muammolar va yechimlar” nomli mavzu bilan chiqish qildi. Seminar 27 avgust kuni Kumushkon maskanida bir qancha mutaxassislar va onlayn kuzatuvchiklar ishtirokida o’tdi.
Mavzu doirasida O’zbekiston tarixining davrlashtirish muammolari, yosh kadrlar istiqboli, tarixda talqin uslublari tahlil qilindi. Adabiyotshunos, etnograf, arxeolog, falsafa va xitoyshunos olimlar tomonidan savol va mulohazalar berildi. Xususan, yosh kadrlarni yangi tadqiqot bilan tanishtirish maqsadida Arxeologiya milliy markazi va O’zR FA Tarix institituning jurnallari o’zbek tilining lotin imlosida chop etilishi kelishib olindi.
Seminar so;nggida O’zR FA SHI Yosh olimlar kengashi raisi Hilola Nazirova tarix fanlari doktori Azamat Ziyoga qiziqarli va tahliliy ma’ruza uchun barcha ishtirokchilar nomidan minnatdorchilik bildirdi.
More...
ФАНЛАР АКАДЕМИЯСИ СИРДАРЁГА ЁРДАМ ХАЙРИЯ КАРВОНИ: БИЗ СИЗ БИЛАН БИРГАМИЗ!
1 май куни Сардоба сув омборининг ёрилиши натижасида Сирдарё вилоятининг айрим туманлари сув остида қолди. Ҳукумат томонидан тезкор ҳаракатлар натижасида сув тошқини тўхтатилди. Аммо аҳолининг аксар қисми бошпанасиз қолди. Бунга жавобан бутун Ўзбекистон аҳолиси “Биз сиз билан биргамиз” хайрия карвонини ташкил қилишди.
Ўзбекистон Фанлар академияси ҳам бу хайрия ишларидан четда турмай, “Фанлар академияси Сардоба тумани аҳолисига инсонпарварлик ёрдами: Биз сиз билан биргамиз!” номли хайрия карвонини ташкил қилди. Хайрия ишлари пул йиғиш, кийим-кечак, дори-дармон, озиқ-овқат маҳсулоти, болажонлар учун китоб ва ўйинчоқлар сифатида қабул қилинди. Академиянинг барча йўналишдаги институтларидан 1000 дан ортиқ ходимлар ташаббус кўрсатди. ЎзР ФА Ёш олимлар кенгаши ва Касаба уюшмаси томонидан рўйхат шакллантирилди.
ЎзР ФА Шарқшунослик, Математика, Ион-плазма институт ходимлари хайрия карвонини шакллантиришда амалий кўмак беришди. Муҳтарам жамоа томонидан тақдим қилинган буюмлар мазкур карвон таркибида Сирдарё вилоятига жўнаб кетди.
Фахриддин Иброҳимов – Абу Райхон Беруний номидаги Шарқшунослик институти илмий ходими билан коронавирус ҳақида суҳбат
5 серия. Институт Востоковедения Абу Райхана Беруни.
https://www.youtube.com/watch?v=aCBaQ4w0OcQ
Представляем к просмотру 5 серию фильма об институте востоковедения имени Абу Райхана Беруни, где хранится собрание мусульманских рукописей. Серия транслируется на узбекском языке