"ADOLAT" SOSIAL-DEMOKRATIK PARTIYASI
Yangiliklar (411)
Kuranbayeva Umidani Sultonnazarovna tarix fanlari bo‘yicha falsafa doktori (PhD) dissertasiya ishi himoyasi to‘g‘risida
Manzil: 100170, Toshkent shahri, Mirzo Ulug‘bek ko‘chasi, 79-uy. O‘zbekiston Respublikasi Fanlar Akademiyasi Abu Rayhon Beruniy nomidagi Sharqshunoslik instituti. 2 qavat, majlislar zali.
Tel.: (99871) 246-46-00;
Файзли ифторликда юртимиздаги аҳиллик намоён бўлди
25 март куни барча ҳудудларда эҳсон дастурхонлари ёзилиб, ифторлик маросими ўтказилди. Президент Шавкат Мирзиёев Тошкент шаҳрида ўтган ифторликда иштирок этди.
Тадбир аввалида давлатимиз раҳбари халқимизни ва жамики мусулмон умматини муборак Рамазон ойи билан яна бир бор табриклади.
– Ушбу шарофатли ойда гўзал диёримизда мана шундай файзли ифторлик маросимини эл-юртимиз билан биргаликда ўтказиш насиб этгани учун меҳрибон ва қудратли Аллоҳ таолога беҳисоб шукроналар айтамиз, – деди Президент.
Мамлакатимизда “Инсон қадри учун, инсон бахти учун” деган эзгу ғоя ҳамма ишда асосий дастурга айланмоқда. Фуқароларнинг ҳуқуқлари, виждон эркинлиги таъминланаётгани Рамазон ойида янада яққол намоён бўлмоқда. Муқаддас динимиз буюрган хайрли амаллар – аҳиллик ва ҳамжиҳатлик, меҳр-саховат, сабру қаноат, ахлоқ-одоб, илму маърифат фазилатлари жамиятимизда тобора мустаҳкам бўлиб бормоқда.
Ислом динининг инсонпарварлик моҳиятини чуқур ўрганиш, буюк тарихимиз ва маданиятимиз дурдоналарини, улуғ алломаларимизнинг бой меросини тўплаш ва кенг тарғиб этишга алоҳида эътибор қаратилмоқда. Хусусан, шу мақсадда пойтахтимизда Ислом цивилизацияси маркази барпо этилмоқда. Бу улкан илмий-маънавий лойиҳа неча минг йиллик тараққиёт ютуқларини ўзида мужассам этиб, ислом цивилизацияси юртимизда айнан илм-фан, таълим-тарбия, маданият ва маърифат асосида ривожланганини тасдиқлайди, ёшларимизни буюк кашфиётларга руҳлантиради.
Самарқандда ҳадис илмининг султони Имом Бухорий мажмуаси қурилиши ҳам жадал давом этмоқда. Буюк аждодимиз ҳаёти ва фаолиятига бағишланган музей ва илмий даргоҳлар билан бирга, 10 минг кишилик масжид бунёд этилмоқда. Бу икки муҳташам обида жорий йилда очилиши режалаштирилган.
Президентимизнинг 14 мартдаги қарорига мувофиқ, бу йил Имом Мотуридий таваллудининг 1155 йиллиги кенг нишонланади. У зотнинг Самарқанддаги муборак қадамжоси янада обод қилинади, бой илмий мероси ва мотуридийлик таълимоти хорижий олимлар билан ҳамкорликда ўрганилади.
Юртимиздаги турли миллат ва дин вакиллари ўртасида аҳилликни кучайтириш мақсадида шу йил сентябрда яна бир тадбир – Тошкент ва Самарқанд шаҳарларида “Декларациялар мулоқоти форуми” ўтказилади. Бу халқаро анжуман турли диний эътиқод вакиллари ўртасида ўзига хос маърифий мулоқот майдони бўлади.
Конституциямизга мувофиқ, Ўзбекистон ижтимоий давлат мақомига эга бўлиб, халқчил ва инсонпарвар сиёсат юритилмоқда. Хусусан, ўтган йилнинг ўзида кўмакка муҳтож инсонларга 16 триллион сўмлик моддий ёрдам ва нафақалар берилган. Кам таъминланган оилаларга мансуб 51 минг нафар бола боғчага жойлаштирилган, уларнинг 176 минг нафар аъзосига тиббий кўмак кўрсатилиб, 182 минг нафари ижтимоий хизматлар билан қамраб олинган.
“Саховат ва кўмак” жамғармаси орқали 94 мингга яқин кам таъминланган оилаларга даволаниш, озиқ-овқат, кийим-кечак, коммунал тўловлар билан боғлиқ 130 миллиард сўмлик харажатлар қоплаб берилган.
“Аёллар дафтари” доирасида 3,5 миллион нафар хотин-қизга 5 триллион 700 миллиард сўмлик ёрдам ажратилган. “Ёшлар дафтари” жорий этилганидан буён 1 миллион 300 минг нафар эҳтиёжмандга 1 триллион 700 миллиард сўмлик ижтимоий ёрдам кўрсатилган.
Бундан ташқари, юртимиз ҳожиларининг ташаббуси билан кам таъминланган, боқувчисини йўқотган, эҳтиёжманд оилаларга 6 миллиард 300 миллион сўм миқдорида моддий ёрдамлар кўрсатилган.
Юртни обод қилиш, кўчат экиб, боғ яратиш ҳам савобли иш. “Яшил макон” умуммиллий лойиҳаси айнан шу мақсадга қаратилган. Ҳозирги баҳор мавсумининг ўзида диний соҳа ходимлари томонидан 10 минг тупдан зиёд дарахт, 32 минг тупга яқин гул экилди, масжид ва зиёратгоҳлар атрофи обод қилинди.
“Атроф-муҳитни асраш ва “яшил” иқтисодиёт йили”га оид давлат дастури доирасида табиатпарварлик кўлами янада кенгаймоқда. Яқинда Хива шаҳрида ўтказилган Конфессиялараро кенгаш мажлисида юртимиздаги диний конфессиялар вакиллари мазкур давлат дастурида фаол иштирок этиш бўйича мурожаатнома қабул қилди.
Ушбу ифторлик маросимида ҳам хорижий давлатлар элчилари, халқаро ташкилотлар ҳамда диний конфессиялар вакиллари жамлангани юртимиздаги бағрикенглик ва тотувликнинг яна бир ифодаси бўлди.
Давлатимиз раҳбари ўз нутқида дунёдаги вазиятга ҳам тўхталиб ўтди. Аксарият зиддият ва можаролар айнан ислом дунёсида содир бўлаётгани афсус билан қайд этилди.
Нотинчлик ўчоқлари исталган пайтда кенгайиб кетиши мумкинлиги, мусулмон мамлакатларида тинчлик ва барқарорликни таъминлаш учун бирдамлик ва ислом уммати ҳамжиҳатлигини янада мустаҳкамлаш ҳар қачонгидан ҳам долзарб экани таъкидланди.
Бунинг учун, биринчи навбатда, ёшларни ёт ғоялар таъсиридан сақлаш, илм-маърифатга йўналтириш эътибор марказида туриши керак.
Шу ҳақда гапирар экан, Шавкат Мирзиёев Баҳоуддин Нақшбанднинг “Қўлинг меҳнатда, дилинг Аллоҳда бўлсин”, деган ўгитини ёдга олди. Ёшларимизни мана шундай руҳда тарбиялаш, уларни меҳнат ва касбга ўргатиш жуда муҳим эканини таъкидлади.
Айни кунларда “Рамазон – саховат, бирдамлик ва бағрикенглик ойи” шиори остида юртимиздаги 9 минг 500 га яқин маҳаллада кам таъминланган оилаларда ифторлик дастурхонлари ёзилиб, уларнинг ҳолидан хабар олинди. Бундай хайрли ишлар инсон қадрини улуғлаш, пок мақсадли барча юртдошларимизни янада бирлаштиришга хизмат қилади.
– Алишер Навоий бобомиз айтганларидек, “Яхшиларнинг иши – яхшилик қилишдир”. Чиндан ҳам, бу ҳаёт айнан эзгулик ва яхшилик туфайли доимо ёруғ ва бардавомдир, – деди Шавкат Мирзиёев.
Ниятлар ижобат бўладиган муборак Рамазон ойида, Қадр кечаси арафасида туриб, эзгу тилаклар айтилди.
Қуръони каримдан тиловат қилинди. Аллоҳ таолодан бутун дунёда тинчлик, юртимизда фаровонлик, меҳр-оқибат барқарор бўлишини сўраб, дуолар ўқилди.
Юртимизнинг барча ҳудудларида ўтган ифторлик тадбирларида нуронийлар, зиёлилар, турли дин ва конфессиялар вакиллари, ногиронлиги бор ва эҳтиёжманд кишилар, жами 60 мингга яқин иштирокчи қатнашди.
“Имом Мотуридий таваллудининг 1155 йиллигини кенг нишонлаш тўғрисида”
? 2025 йилнинг 29-30 апрель кунлари дунё илм-фан аҳлининг эътибори Самарқанд шаҳрига қаратилади.
? Ўзбекистон Республикаси Президентининг “Имом Мотуридий таваллудининг 1155 йиллигини кенг нишонлаш тўғрисида”ги Қарорига кўра айни шу кунлари Самарқанд шаҳрида “Мотуридийлик – бағрикенглик, мўътадиллик ва маърифат таълимоти” мавзусида халқаро илмий-амалий конференция бўлиб ўтади.
⬇️ Анжуманда дунёнинг 100 дан зиёд кўзга кўринган олимлари, муфтийлар, илм-фан арбоблари ва илмий тадқиқодчилар ўз маърузалари билан иштирок этиши кутилмоқда.
? Конференция ҳақида батафсил маълумотни ахборот хати (http://moturidiy.uz/conference-2025) орқали танишиш мумкин.
“БУЮК ТАРИҚАТ АСОСЧИСИ”
O‘zbekistonda xitoy iyerogliflari va o‘zaro aloqalarda aks etishi
2025-yil 15-18-mart kunlari Xitoyning Sian shahrida Shensi Pedagogika universiteti, Xitoy Ijtimoiy Fanlar akademiyasining ilmiy tadqiqot markazlari hamda Rossiya, Sharqiy Yevropa va Markaziy Osiyo instituti hamkorligida xalqaro konferensiya bo‘lib o‘tdi. Unda O‘zR FA Abu Rayhon Beruniy nomidagi Sharqshunoslik instituti yetakchi ilmiy xodimi, t.f.d. Sherali Qo‘ldashev "O‘zbekistonda xitoy iyerogliflari va o‘zaro aloqalarda aks etishi" mavzusida ma’ruza qildi. Konferensiyada O‘zbekiston va Xitoyning asrlar davomidagi iqtisodiy, ijtimoiy va madaniy aloqalari haqida qiziqarli va yangi ma’lumotlar bayon etildi.
Studiya 24 | Qadriyatlaring boqiy bo‘lsin, Navro‘z!
AKADEMIK ISHTIROKIDA MAHORAT DARSI
Toshkent shahridagi Prezident maktabida O‘zbekiston Respublikasida xizmat ko‘rsatgan yoshlar murabbiysi, O‘zRFA akademigi, tarix fanlari doktori, professor Yusupova Dilorom Yunusovna ishtirokida mahorat darsi tashkil etildi.
D. Yusupovaning ilmiy faoliyati 1963-yilda Abu Rayhon Beruniy nomidagi Sharqshunoslik institutiga kirishdan boshlangan va 62 yildan beri u sharq mualliflarining qo'lyozma asarlarini tadqiq qilmoqda. Olimaning ilmiy ishlari sharq xalqlarining yozma merosini manbali o'rganish, sharq qo'lyozmalari va litografik nashrlarning ilmiy tavsifi va katalogi yo'nalishida olib borilmoqda.
Dilorom Yunusovna nafaqat o'zining ilmiy yutuqlari bilan, balki yoshlarni tarixga qiziqtirishdagi fidoyiligi bilan ham e'tiborga sazovordir. U o'zining ilmiy faoliyatida tarixshunoslik metodlarini samarali qo'llash orqali o'quvchilarga tarixiy tafakkur va tahlilni o'rganishning ahamiyatini tushuntirdi.
Akademik ishtirokidagi mahorat darsi oʻquvchilarimizni ilmiy izlanishlarga qiziqish bilan yondashishga, yangi gʻoyalar ustida ishlashga va ulkan maqsadlarga intilishga ruhlantirdi.
"Мутахассисларни жалб этган ҳолда лойиҳаларни амалга оширишда бирлашамиз"
Амалий семинарда иштирок этаётган Абу Райҳон Беруний номидаги Шарқшунослик институти вакили Санжар Ғуломов Ўзбекистондаги Ислом цивилизацияси маркази билан ҳамкорлик, қўлёзмаларни тадқиқ этиш ва маданий меросни оммалаштириш борасида фикр билдирди.
"Ўзбекистондаги Ислом цивилизацияси маркази ва Ўзбекистон маданий меросини ўрганиш, сақлаш ва оммалаштириш бўйича Бутунжаҳон жамияти билан анчадан бери яқин ҳамкорликдамиз. Барчамизга маълум бўлган кўк муқовали, 80 жилдли китоб-альбомларнинг 21–25 жилдлари дунёга машҳур қўлёзмалар фондидаги энг қимматли асарларга бағишланган. Менимча, бу нашрлар катта қизиқиш уйғотди ва бугун ҳам давом этмоқда. Мазкур китоб-альбомлар Ислом цивилизацияси маркази экспозициясидан ўрин олган."
Шунингдек, у лойиҳалар доирасида қўлёзмалар ва тарихий ҳужжатларни тадқиқ этиш ва факсимиле нашрлар тайёрлаш муҳимлигини қайд этди:
"800 дан ортиқ лойиҳаларнинг 200 га яқини айнан бизнинг институтимиз билан боғлиқ. Мутахассисларни жалб этган ҳолда мана шу лойиҳаларни амалга оширишда бирлашамиз. Лойиҳалар доирасида қўлёзмалар ва тарихий ҳужжатларни экспонатлар шаклида тайёрлаб, энг сараларини факсимиле нашрида тақдим этамиз."
Эслатиб ўтамиз, Ислом цивилизацияси маркази биносида 300 га яқин олимлар иштирокида амалий семинар бўлиб ўтди.
Ислом цивилизацияси маркази Ахборот хизмати
More...
Fanlar akademiyasi vitse-prezidenti Bahrom Abduhalimov
Markaziy Osiyo va arab mamlakatlari tarixi boʻyicha yetakchi mutaxassis, sharqshunos-arabshunos olim, professor Bahrom Abdurahimovich Abduhalimov 1959-yil 27-fevralda Toshkent shahrida tug’ilgan.
✏️ Koʻplab maqolalar, monografiyalar, ilmiy ishlar va tadqiqotlar muallifi. Bahrom Abduhalimovning ilmiy izlanishlari natijalari asosida oʻzbek, ingliz, rus va arab tillarida 100 ga yaqin ilmiy maqola, monografiya va risolalar nashr etildi.
✔️ "Mehnat shuhrati" ordeni, Imom Buxoriy nomidagi Quvayt mukofoti bilan taqdirlangan.
Professor Bahrom Abdurahimovichni bugungi tavallud ayyomi munosabati bilan O’zbekiston Fanlar akademiyasi nomidan tabriklaymiz. Ularga sihat-salomatlik, uzoq umr, ilmiy izlanishlarida ulkan zafarlar, ilm-fan ravnaqi yo‘lida uzoq yillar o‘z hissalarini qo‘shishda kuch-quvvat, matonat tilab qolamiz!
ISLOM SIVILIZATSIYASI MARKAZI DELEGATSIYASI ITALIYADA
Italiyada “Boburnoma”ning taqdimoti bo‘lib o‘tdi
Bobur tavalludining 542 yilligi munosabati bilan Italiyada O‘zbekistondagi Islom sivilizatsiyasi markazi, O‘zbekistonning bu davlatdagi elchixonasi hamda Rim shahridagi Sandro Teti Editore nashriyot uyi tomonidan “Boburnoma”ning italyan tilidagi tarjimasi taqdimotlari o‘tkazilmoqda.
Tadbirda italiyalik atoqli olim, professor Franko Kardini, Palasso Strossi majmuasi prezidenti, Italiya Senati aʼzosi Rekardo Nenchini, Sandro Teti Editore rahbari Sandro Teti, O‘zR FA vitse-prezidenti, professor Bahrom Abduhalimov, O‘zbekistonning Italiyadagi elchisi Abat Fayzullayev, Islom sivilizatsiyasi markazi direktori Firdavs Abduxoliqov va boshqalar so‘zga chiqib, “Boburnoma”ning bu yerda nashr etilishi ikki davlat o‘rtasidagi ijtimoiy-maʼnaviy aloqalar rivojida muhim voqea bo‘lganini taʼkidladi.
Xalq mulki
Sharqshunoslik instituti katta ilmiy xodimi PhD Oysara Madaliyeva O'zbekiston tarixi telekanalining "Xalq mulki" ko'rsatuvida Alisher Navoiy devonlari haqida gapirdi.