"ADOLAT" SOSIAL-DEMOKRATIK PARTIYASI
Yangiliklar (361)
MUHIM YIG`ILISH
(“Yilning eng faol Yosh olimlar kengashi” tanloviga bag`ishlangan)
Bugun (2021-yil 8-noyabr kuni) O’zR FA ShI Yosh olimlar kengashi tomonidan “Yilning eng faol yosh olimlar kengashi” tanlovi bo’yicha yig’ilish bo’lib o’tdi.
Tanlov shartlari bilan YOK raisi Hilola Nazirova YOK a’zolarini tanishtirdi. Yig’ilishda Fanlar akademiyasi Davlat va huquq instituti YOK raisi Kvintkov Yaroslav ham qatnashdi.
P.S. 2019 yilda O’zR FA SHI Yosh olimlar kengashi bosh sovrin gran-pri sohibi bo’lgan.
«Siyosatda olim sifatida ko‘rinishni afzal bilaman» – Bahrom Abduhalimov bilan intervyu
24 oktabr kuni O‘zbekistonda prezidentlik saylovi bo‘lib o‘tadi. Ayni kunlarda saylovda ishtirok etadigan beshta siyosiy partiya yetakchilari aholi orasida o‘z targ‘ibot tadbirlarini o‘tkazmoqda.
Kun.uz prezidentlikka nomzod siyosatchilar bilan saylovchilarni qiziqtirgan qator masalalar bo‘yicha intervyular uyushtirmoqda. Turkum doirasida birinchi mehmonimiz – «Adolat» SDPdan prezidentlikka nomzod Bahrom Abduhalimov bo‘ldi.
— Prezidentlikka nomzod Bahrom Abduhalimov bugungi O‘zbekistonning qiyofasini qanday tasavvur qiladi? Shuningdek, uning qaysi jihatlarini jiddiy o‘zgarishlarga muhtoj deb hisoblaydi?
— O‘zbekiston keyingi yillarda, xususan, oxirgi 5 yilda tubdan o‘zgardi. Sovet davri, mustaqillikning ilk yillari va so‘nggi 5 yillikda yashagan kishi sifatida davrlarni o‘zaro taqqoslash imkoniyatiga egaman.
Avvallari dunyo hamjamiyati O‘zbekistonni islohotlarni xohlamaydigan, sekin harakat qiladigan va islohotlardan qochadigan davlat sifatida bilardi. Keyingi davrlarda esa O‘zbekiston nafaqat Markaziy Osiyo, balki dunyo miqyosida ham islohotlar bo‘yicha lider mamlakatlardan biriga aylandi.
— Savolning ikkinchi qismi bo‘yicha ham javob bersangiz, chunki agar hammasi yaxshi ketayotgan bo‘lsa, sizning prezidentlikka nomzodingizni qo‘yishingizning ham keragi bo‘lmasdi.
— O‘zbekiston hozir ma'lum darajaga yetib keldi, lekin bundan buyog‘iga yangi bosqich boshlanishi kerak. Shu nuqtayi nazardan erishganlarimiz o‘zimiz bilan birga, ayni vaqtda yangi davr boshlanyapti. Bizda deyarli barcha sohalarda qiladigan ishlarimiz yetarli. Bu iqtisodiy, ijtimoiy, qishloq xo‘jaligi yoki ekologik yo‘nalishdagi muammolar.
— Bahrom aka, hozir mutlaq ko‘pchilik O‘zbekiston prezidenti saylovining muqarrar g‘olibi sifatida bir shaxs – Shavkat Mirziyoyevni e'tirof etyapti. Ya'ni saylovlarda ayni bir nomzoddan boshqasiga ishonilayotgani yo‘q.
Saylovlarga bunday munosabatning sabablari nimalarda deb o‘ylaysiz?
— Shak-shubha yo‘qki, Mirziyoyev yangi O‘zbekistonni qurishda asosiy islohotchi bo‘ldi. Prezident va inson sifatida nihoyatda salohiyatli. Buni yaxshi tushunaman. Xalqning unga munosabati ham tabiiy. Lekin shu bilan birga partiyamiz ham saylovlarga xalqimizni ko‘pdan buyon qiynab kelayotgan muammolarni yechish bo‘yicha takliflari, yangi g‘oyalari bilan chiqadi. Agar ular amalga oshirilsa, O‘zbekiston o‘z taraqqiyotining yangi bosqichiga chiqishi mumkin.
— Bahrom Abdurahimovich, siz O‘zbekistonning birinchi ma'muriyati davrida prezidentning diniy masalalar bo‘yicha maslahatchisi vazifasida ishlagansiz. Va aynan mana shu paytda O‘zbekistonda ommaviy repressiyalar, ommaviy qamashlar, qarindosh-urug‘chilik asosidagi ta'qiblar, dindorlarga nisbatan har xil rasmiy va norasmiy «qora ro‘yxatlar» ham avj olgandi. Aytingchi, siz shu davrda ishlagan rahbarlardan biri sifatida qanday nomzod bo‘lib saylovga kiryapsiz?
— Ha, men prezident maslahatchisi sifatida ishlaganman. O‘sha paytda garchi ichkarida aytilmagan bo‘lsa-da, xorijda O‘zbekistonni yopiq davlat, diniy sohada qattiq zug‘umlar olib boradi degan ayblovlar bilan juda qattiq tanqid qilinardi. Lekin shuni aytish kerakki, o‘sha davrdagi faoliyatim menga juda katta maktab bo‘lgan. Chunki bir jarayonni pastdan va yuqoridan kuzatish imkoniyati bo‘ldi.
Hayot doim ham bir maromda davom etmaydi. O‘sha paytda yechilmagan muammolar bugun yechilishi ham bugun katta ahamiyat kasb etishi mumkin.
— Yuqorida ham aytganimdek, saylovlar oldidan ko‘pchilik sizga tajribasiz bir nomzod, siyosatni tushunmaydigan, ilm odami deb qarayapti. Lekin siz bundan avval prezident maslahatchisi sifatida ham ishlaganingizni aytdik. Ammo siz o‘zingizni bu tajribangizni negadir ko‘z-ko‘z qilmayapsiz. Hamma joyda o‘zingizni olim sifatida taqdim etyapsiz. Bunga sabab nima nima?
— Men siyosatda olim sifatida ko‘rinishni afzal hisoblayman. Ammo bu siyosatni tashlab faqat olimlik qilishni bildirmaydi. Mendan avvalgi intervyularda olimdan siyosatchi yoki prezident chiqadimi, deb so‘rashdi. Biz tarixga murojaat qilsak. Bunday tajribalar bor. Masalan, Amir Temurning nabirasi Mirzo Ulug‘bek 40 yildan ortiq davlatni ham boshqargan va olimlik ham qilgan. Bu esa o‘zining yaxshi natijasini ko‘rsatgan.
Mening ma'lumotnomamga qarasangiz, sharqshunosman. Toshkent davlat universitetida shu yo‘nalishda o‘qiganman. Bunda bizning asosiy yo‘nalishimiz siyosat edi.
Keyinchalik ham men xorij mamlakatlarida uzoq muddat ishlab, tajriba oshirdim. Umuman olganda sharqshunoslikni o‘zagi bu siyosat. Rossiyada ham katta-katta siyosatchilarning ko‘pchiligi sharqshunoslar. Shu tufayli ham men o‘zimni siyosatda yangi inson deb hisoblamayman.
Intervyuni to‘liq holda yuqoridagi video orqali tomosha qilishingiz mumkin.
Ilyos Safarov suhbatlashdi.
Tasvirchi va montaj ustasi – Muhiddin Nido. Ⓣ
https://kun.uz/uz/news/2021/09/28/siyosatda-olim-sifatida-korinishni-afzal-bilaman-bahrom-abduhalimov-bilan-intervyu
Ота-оналарнинг бир қисми нега бошларини чангаллаб қоляпти? Болалар-чи? — "Адолат" СДП вакили таълим тизимидаги айрим жиддий хатолар ҳақида фикр билдирди
Коррупция – мудҳиш иллат, айниқса у таълим тизимини ўз чангалига олса, икки карра фалокат. Яқин-яқингача коллежу университетлар у ёқда турсин, боғча-мактабга кириш ҳам «қистир-қистир»ларсиз битмас эди. Айниқса, шаҳарда донг таратган «престиж» боғча ва мактаблар фақат «каттакон»ларнинг болаларини «юқори»дан қўнғироқ асосида қабул қилиб, маҳаллий аҳолига жой қолдирмаслиги кўп бор исботини кўрсатган.
Мазкур коррупциоген ҳолатларнинг олдини олиш, мактабгача таълим ташкилотига жойлаш учун мудиранинг, мактабга қабулда директорнинг чўнтагини қаппайтиришга барҳам бериш учун шаффоф тизимлар яратилди. МТТларга Давлат хизматлари агентлиги орқали навбат ташкил қилиш йўлга қўйилгани кўплаб ота-оналарнинг кўнглидаги иш бўлди.
Бу йилдан умумтаълим мактабларига қабул ҳам электрон шаклда my.maktab.uz портали орқали амалга ошириладиган бўлди. Электрон тизимга ўтилгани, албатта, яхши, ортиқча овогарчиликлару харажатларга ҳожат қолдирмайди. Аммо, айрим жамоатчилик вакилларининг таъкидлашларича, ушбу тизимга ишониб фарзандини бу йил мактабга жойлолмай қолган, сентябрь ойи — янги ўқув йили бошланганига қарамай, ҳамон фарзандининг ҳужжатлари қўлида турган ота-оналар бор.
Ўрнатилган тартибга кўра, ота-оналардан сайт орқали маълумотларни тўлдириш ва жараённи кузатиб бориш талаб этилган. Бу босқични бажарганлар ёз бўйи ҳар куни кўзи тўрт бўлиб сайтдаги шахсий саҳифасини кузатган ва «кўриб чиқилмоқда» ёзувини ўқиб келган. Кимлардир навбати келгани ҳақида хабар топиб, боласини мактабга жойлашга муваффақ бўлди. Аммо ота-оналарнинг бир қисми август ойининг охирги кунларида сайтдаги «қайтарилди» деган ҳукмни ўқиб бошларини чангаллаб қолишди. Хўш, энди нима бўлади? Мактаб ёшига етган болалар мактабга чиқолмай қолиб кетаверадими? Хўп, қамров юқорилиги боис ўзи танлаган мактабида бўш жой қолмагандир, бу ҳақида аввалроқ хабар бериш, ота-оналар учун бошқа мактаб учун ҳаракат қилиш имконини қолдириш мумкинмиди?
Аввалги тизим коррупция хавфи остида деб, бошқа тизим яратилгани мақсадга мувофиқ, бироқ болаларда нима айб? «Ўқувчи бўламан, Президентдан совға оламан», дея энтикиб турган мурғак қалблар 6 сентябрь куни уйда мунғайиб қолсалар, бизга коррупциядан ҳоли тизимга тасанно ўқиб ўтириш ярашармикин?
Болаларни мактабгача таълим муассасаларига имкон қадар кўп қамраб олиш ҳақида кўп гапирилди, таклифлар берилди, аммо ҳозирги вазиятда МТТдан ҳам муҳимроқ ва долзарброқ бўлган мажбурий таълимга жалб этиш ҳам ўз оқсоқлигини беркитолмаяпти. Вақтида мактабга чиқиб, керакли таълимни олмаган, бу борада бир йил ютқазган, устига устак ҳамма нарсасини тахт қилиб қўйган ҳолда мактабга бориш орзуси саробга айланган болакайлардан эртага юқори натижани талаб қилишга ҳақлимизми?
Боғчадан чиқарилган, мактабга қабул қилинмаган ўқувчилар аросатда қолиб кетди.
Халқ таълими вазирлиги масалага жиддий қараб, олдиндаги оз фурсат ичида ана шу ўқувчилар фойдасига бирор маънили қарор қабул қилади, деган умиддамиз. Зотан, ибтидо интиҳони ҳал қилади. Фарзандларимиз таълимининг илк пиллапоялариданоқ керакли шароитларни яратиб берайлик.
Баҳром АБДУҲАЛИМОВ,
«Адолат» СДП Сиёсий Кенгаши раиси
https://xs.uz/uzkr/post/ota-onalarning-bir-qismi-nega-boshlarini-changallab-qolyapti-bolalar-chi-adolat-sdp-vakili-talim-tizimidagi-ajrim-zhiddij-khatolar-haqida-fikr-bildirdi
САЙЛОВОЛДИ ДАСТУРИНИНГ ДОЛЗАРБ МАСАЛАЛАРИ
Давлат ҳокимияти бошқаруви йўналишида:
- Биз бошқарувда шаффофлик ва ошкоралик тамойилига қатъий риоя этилишини таъминлаймиз, оммавий ахборот воситалари ходимлари, шу жумладан, журналист ва блогерларнинг ҳуқуқий мақомини халқаро андозалар даражасига кўтариш ва уларни ижтимоий ҳимоя қилишнинг аниқ чораларини кўрамиз.
- Биз 2019 йилдан буён таъкидлаб келаётганимиздек, маҳаллий ҳокимларни сайлаш тизимини жорий этамиз ва ҳокимларнинг халқ депутатлари маҳаллий Кенгашлари раислари лавозимида ўтиришига чек қўямиз.
- Биз коррупционерларга Ватан тараққиётига тўғаноқ бўлувчи хоинлар деб қараймиз! Коррупциянинг барча кўринишлари учун кескин жазо чораларини қўллаймиз!
- Биз табиий бойликларни, жумладан табиий газ ва электр энергиясини аввало халққа берилишини, эҳтиёждан ортиғини эса четга сотилишини йўлга қўямиз.
Адолатлилик ва суд-ҳуқуқ йўналишида:
- Биз шахсий ҳуқуқ ва эркинликлар, жумладан, шахс дахлсизлиги, шахсий дахлсизлик, мулк дахлсизлиги, турар жой дахлсизлиги, наботат ва ҳайвонат олами дахслизлиги тамойилларига қатъий риоя этилишини таъминлаймиз.
- Биз жамиятда, жиноятчиликка, шу жумладан, давлат мулкини ўзлаштиришга, порахўрликка, тамагирликка, зўравонликка, экстремизм ва терроризмга қарши муросасиз курашамиз. Ҳар қандай кўринишдаги “самосуд” учун қатъий жазо белгилаймиз. Айрим жиноят турларига маънавий жазо қўллаш йўлга қўямиз.
- Биз 2019 йилги амалдаги сайловолди дастуримизда мустаҳкамлаб қўйилган ғоя яъни,:
- барча ижро билан боғлиқ ваколатларни, жумладан, жазони ижро этиш муассасаларини адлия идоралари тузилмасига бериш;
- ягона юрисдикция судларини ташкил этиш жараёнини қуйи поғоналарга – туман (шаҳар) даражасига қадар тушириш;
- мамлакатда ягона тергов органи – Тергов қўмитасини ташкил этиш орқали инсон ҳуқуқ ва эркинликларини халқаро талаблар доирасида таъминлаймиз.
Ижтимоий йўналишда:
- Ҳар бир инсон бошпанага эга бўлишга ҳақли. Биз уй-жойларнинг нархини кескин камайтирамиз. Ҳаммабоп ва ҳамёнбоп уйлар – ижтимоий ҳимоянинг муҳим шартидир. Аҳолининг ижтимоий ҳимояга муҳтож қатламларини муниципал уйлар билан таъминлаймиз.
- Биз пенсиядаги юқори чекловларни бекор қиламиз ва ҳар кимнинг меҳнатига, олган маошига ва ижтимоий тўловларига яраша пенсия таъминотини йўлга қўямиз.
Мактабгача таълим соҳасида:
- Биз болаларни мактабгача таълим муассасаларига ҳозиргидек уч ёшидан эмас, икки ёшидан бошлаб, ҳеч қандай навбатларсиз юз фоиз қамраб оламиз.
Умумий ўрта таълим соҳасида:
- Биз таълим ва тарбия тизимини ривожланган ва шарқ маданиятига мос келадиган илғор тажрибалар ва миллий қадриятлар ва урф-одатлар асосида умумий ўрта таълимнинг янги стандартларини яратамиз.
- Биз марказдан узоқ қишлоқларда яшаб, аъло баҳолар билан ўқиган иқтидорли кам таъминланган ёшларни давлат ҳисобидан олий таълим олишини кафолатлаймиз.
Олий таълим соҳасида:
- Биз таълим тизимида кечаётган тарқоқликлардан, қарама-қаршиликлардан воз кечиш учун Мактабгача таълим, Халқ таълими, Олий ва ўрта-махсус таълим вазирликларини ягона – Таълим вазирлигига айлантирамиз!
- Биз олий таълим квоталарини бутунлай йўқ қиламиз ва ҳар кимга олий таълим олиш ҳуқуқи эркинлигини ҳамда рейтинги юқори бўлган талабаларни бепул олий таълим олишини кафолатлаймиз.
Илм-фан соҳасида:
- Илм-фанни молиялаштиришга сарфланадиган маблағ 2030 йилда ялпи ички маҳсулотнинг 2 фоизига қадар уни давлат бюджетидан молиялаштиришни босқичма-босқич таъминлаш зарур, деб ҳисоблаймиз.
- Ўзбекистонда жаҳоннинг Гавай, Канар ороллари ҳамда Чилида жойлашган энг нуфузли обсерваториялари билан рақобатлаша оладиган Майданак обсерваториясидан унумли фойдаланган ҳолда астрономия соҳасида аждодларимиз илмий мероси анъаналарини давом эттирамиз.
- Мамлакатда “Озиқ-овқат хавфсизлигини таъминлаш – 2030” концепциясини ва манзилли дастурлар ишлаб чиқиш таклифини илгари сурамиз. Бунда, алоҳида эътиборни Каратахен протоколини амалга оширилишига ва ген муҳандислик усуллари ёрдамида ўзгартирилган организм маҳсулотларини яратиш ва фойдаланиш тамойилларига қаратамиз.
Тиббиёт соҳасида:
- “Ақлли тиббиёт” тизимини йўлга қўямиз, аҳолининг тиббий маданиятини ошириш бўйича “Миллий дастур” яратамиз.
- Болалар орасида кенг тарқалаётган ва уларнинг соғлом ривожланишига тўсиқ бўладиган ясситовонлик, сколиоз, тиш касалликларига биринчи ва ўта муҳим масала сифатида қараймиз.
- Шунингдек, репродуктив саломатлик масаласи, онкология, сил, қанд касалликларини олдини олиш ва тўлиқ давлат ҳисобидан даволаш алоҳида диққат-эътиборимизда бўлади.
- Дори-дармон спекуляциясига, нархларни асоссиз оширилишига чек қўямиз!
Маънавият йўналишида:
- Маънавий тарбиянинг устуворлигини таъминлаш мақсадида тарихий қадриятларимизга асосланган “Жамиятда юриш-туриш, одоб-аҳлоқ қоидалари” кодексини яратамиз.
- Биз динимизнинг илму ирфон, яъни дунёвий юксалишга чорловчи ғоялари тарғиботини кучайтириш орқали “Ислом манбалари ва мантиқий билимлар уйғунлиги” лойиҳасини амалга киритамиз.
Иқтисодиёт йўналишида:
- Биз рақамли иқтисодиётни қўллаб қувватлаймиз. “Рақамли иқтисодиётда аҳоли бандлигини таъминлаш Концепцияси – 2030” лойиҳасини жорий қиламиз.
- Рақобатни кучайтириш орқали монополияга барҳам берамиз. Буюртмачи ва етказиб берувчи ўртасида тузиладиган шартномани қудратли ҳуқуқий воситага айлантирамиз ва бу жараёнга ҳокимият аралашувига чек қўямиз.
- Мамлакатнинг иқтисодий қудратини мустаҳкамлаш мақсадида ундириладиган барча тўловлар (жарималар, давлат божлари, йиғимлар ва бошқа мажбурий ундирувлар) тўлалигича давлат бюджетига йўналтирилиши шарт, деб ҳисоблаймиз.
Яъни, барча даражадаги давлат ташкилотларининг “шахсий чўнтаги” бўлган турли махсус жамғармаларни бекор қилиб, давлат бюджетига тушишини таъминлаймиз.
- Биз маҳсулот сифатини қатъий давлат назоратига оламиз, аниқ стандартлар жорий этиб, сифатсиз маҳсулот чиқариш ҳамда нарх-наволарнинг сунъий кўтаришга қаратилган хатти-ҳаракатлар учун кучайтирилган жазо чораларини қўллаймиз!
Муҳташам «сити»ларга ружу қўйиш экологик тангликни кучайтиради
Сўз устаси Ҳожибой Тожибоев «Чанг бўлмаса, жанг бўлмаса, инсон минг йил яшайди» деган сўзни ҳазиломуз тарзида айтган бўлса-да, жон бор экан.
Дунё мутахассислари томонидан ўлимга олиб келувчи ҳолатлар таҳлил этилганида аён бўлдики, инсониятнинг ҳалокатига уруш, очарчилик, касалликлардан ҳам кўра экологиянинг ифлосланиши кўпроқ сабаб бўлар экан. Ўлимнинг асосий айбдори сифатида айнан нотоза атроф-муҳит кўрсатилмоқда. Буни бошқача қилиб заҳарланиш, деб атаса ҳам бўлади. Бинобарин, бузуқ экологик муҳит инсонни заҳарлаб, хавфли касалликларга эшик очиши тиббий жиҳатдан исботланган.
Бироқ, бу омил инсониятнинг диққат марказига ўрнашиб улгурмади. Экологиянинг ифлосланиши сабаб ўлимга юз тутганлар сони ОИТС, безгак, сил қурбонларидан 3 баробар кўпдир. Урушда ҳалок бўлганлар эса экологик муаммо боис вафот этганлардан 15 марта кам экан. Ҳатто ер юзини титратган коронавирус вабоси ҳам экологик муаммолар олдида ҳолва. Нотоза атроф-муҳит киши билмас ҳолда зарарни сингдириб улгуради.
Шунингдек, ҳавонинг ифлосланиши натижасида баъзи саратон касалликлари келиб чиқиши аниқланган. Жумладан, атроф-муҳит ва ҳавонинг тамаки тутуни, асбест, кварц, эритувчилар, дизель мойи чиқиндиси, кўмир маҳсулотлари, бўёқ ёки ёғоч чанглари билан ифлосланиши, ҳавода радон газининг мавжудлиги ўсма касалликлари ривожланиш хавфини ошириши мумкин. Ичимлик сувининг таркибида кўп миқдорда маргимушнинг бўлиши тери, қовуқ ва ўпка саратонини ривожлантириши аниқланган.
Экологик муаммолар болалар ҳаётини ҳам хавф остида қолдиради. Зарарли экологик муҳит сабабидан хромосомаларда норасолик вужудга келган бўлса, ақлий ва жисмоний ривожланишдан орқада, ногирон болалар дунёга келади. Онкологик хасталикларнинг сабаблари кўп, аммо унга асосан ёмон экология айбдордир. Қайси ҳудудда экологик ҳолат танг бўлса, ўша ернинг болаларида хавфли ўсмалар кўп кузатилади.
Экологик носозлик нафақат онкология, балки бошқа касалликлар, масалан аллергик ва инфекцион дардларга сабабчидир. Мутахассисларнинг янги изланишларига кўра, ҳар учинчи ҳолатда тўсатдан ўлим синдромига атроф-муҳитнинг автомобиль газлари билан ифлосланиши сабаб бўлмоқда.
Ҳаводаги чангга қарши қандай курашиш мумкин? Бунинг йўллари кўп, масалан сунъий кўллардан фойдаланиш. Ундаги сув ҳавонинг намлик миқдорини мўътадиллаштириб, атмосферани тозалаб туради. Лекин юртимизда сув ҳавзалари кўпайтирилишнинг ўрнига уларни йўқ қилишга ҳаракат қилинаётгани таассуфли ҳолатдир. Бундан анча йиллар аввал пойтахтдаги Ўзбекистон давлат консерваторияси биноси ўрнида катта кўл бўларди, ҳозир ундан асар йўқ. Яқинда Миллий боғдаги кўл ҳам таг-туги билан йўқ қилиниб, ўрнига аллақандай «сити» қаққайтириб қўйилди. Ғафур Ғулом номидаги истироҳат боғи ҳам шундай режалар чангалида турибди.
Америка натуралисти Генри Давид Торо кўлларга «Ернинг кўзи» дея таъриф берган. Афсуски, ҳозир бизда муҳташам «сити»ларга ружу қўйилиб, ҳаёт ва соғлиқ учун фойдали манбалардан воз кечилмоқда. Юртимизда соҳа мутахассислари етарли бўлишига қарамай уларнинг ҳукумат қарорлари пайти фикр билдирмай, қўл қовуштириб ўтириши таажжубланарли.
Сув ресурсларини муҳофаза қилиш зарурлиги сўнгги ўн йил мобайнида бир қатор глобал ва минтақавий музокараларда муҳокама қилинган. Масалан, бу мавзу 1992 йилда Сув ва атроф-муҳит бўйича халқаро конференцияда (Дублин конференцияси) тақдим этилган бўлиб, унинг хулосалари Дублин тамойиллари деб аталган.
Бу 1992 йилда Бирлашган Миллатлар Ташкилотининг Атроф-муҳит ва барқарор ривожланиш конференцияси («Ер саммити»)да ҳам ушбу масала кўтарилган. 1999 йилда Бутунжаҳон сув кенгаши «Сувнинг умумий кўриниши» деб номланган ҳужжатни ишлаб чиққан бўлиб, сув ресурсларидан оқилона фойдаланиш бўйича асосий кўрсатмалар берилди.
2002 йилда Ёханнесбургеда бўлиб ўтган Барқарор ривожланиш бўйича жаҳон саммитида сув ХХI асрнинг глобал устувор йўналишларидан бири сифатида белгиланган. Ичимлик суви – алоҳида катта мавзу, ҳозир сўз юритаётганимиз сунъий сув ҳавзалари ҳам муҳим масала бўлиб, жиддий эътиборни талаб қилади.
Орол денгизи - Марказий Осиёдаги ёпиқ ҳавзада жойлашган катта кўл. Совет тузумидаги нотўғри сиёсат – пахта далаларини суғоришдаги хўжасизларча муносабат, яъни Орол денгизига оқиб тушаётган дарёлардан катта миқдордаги сувнинг бурилиши туфайли сувнинг майдони ва ҳажми сезиларли даражада камайган, оқибатда шўрланиш даражаси ошган. Бу хатонинг азобини ҳалигача тортяпмиз. Мамлакатимизда денгиз йўқлиги боис Ўзбекистон ёд танқислигига учраган ҳудудлар рўйхатида туради, аҳолининг катта қисми турли даража ва кўринишлардаги эндокрин касалликлар билан юрибди.
Шунга ўхшаш хатоликка Хитойда ҳам йўл қўйилган. 1950 йили Хубей провинциясида гуруч майдонларини кўл сувлари ҳисобидан мелиорация қилиш мамлакатдаги кўллар сонини камайтириб юборди. Шунингдек, Ухан шаҳрида уйлар қуриш учун ерларни ўзлаштириш кўлларга ва уларнинг сувларидан фойдаланишга катта таъсир кўрсатди. Тарихда сабоқ чиқаришга ундовчи воқеалар кўп. Форс шоири Рудакий айтганидек, «Кимда-ким ҳаётдан олмаса таълим, Унга ўргатолмас ҳеч бир муаллим».
Ўзбекистон Экологик партияси «навниҳол» сиёсий куч бўлишига қарамай, экологик муаммолар ҳажман унга мослашмаслиги табиий. Балки мазкур ташкилотнинг фаолияти атроф-муҳитдаги вазиятдан келиб чиқиб, салмоқ касб этиши шарт.
Баҳром АБДУҲАЛИМОВ,
«Адолат» СДП Сиёсий Кенгаши раиси
https://uza.uz/uz/posts/muhtasham-sitilarga-ruzhu-qoyish-ekologik-tanglikni-kuchaytiradi_303686
БАХРОМЖОНГА БЕРАЙЛИК ОВОЗ
ЎзР ФА Шарқшунослик институтининг директори, "Адолат" социал-демократик партияси сиёсий кенгашининг раиси, шарқшунос олим, тарих фанлари доктори , профессор Баҳром Абдуҳалимовнинг номзоди президентликка кўрсатилди . Мен барчани унга овоз беришга чақираман.
Азиз дўстлар, ҳар қандай одам,
Азиз юртга раҳбар бўлолмас.
Адолатни севмаса ҳар ким,
Фикри осмон қадар бўлолмас.
Энг аввало ҳиммат керакдир,
Адолатни қилар у пойдор.
Адолатга эга бўлса ким,
Қалби бўлар эл учун бедор.
Кеча-кундуз ўйлайди элни,
Қилсам дейди бойу бадавлат.
Фаровонлик гиламларида,
Халқ ўтирса тўкибон савлат.
Баҳромжоннинг қалбида шундай,
Улуғ ҳиммат сочади ёғду.
Сарф айласам бор кучимни деб,
Кўзларига келмайди уйқу.
Адолатдир унинг қуроли,
Темур бобо руҳи мададкор.
Дейдики, "куч адолатда"дир,
Одил киши бўлмас асло хор.
Адолатга буюрди Худо,
Адолатга чақирди Расул.
Адолатдир асл бебаҳо,
Адолатдир эл учун масъул.
Адолатдир ватан таянчи,
Адолатдир эл учун мадад.
Адолатдир халқни юпанчи,
Адолатдан яшнайди ҳар мард.
Адолатдан ер юзи гулзор,
Адолатдан гулга тўлар чўл.
Адолатдан тўкин-сочинлик,
Адолатдан ризқимиз ҳам мўл.
Адолатдир илмга маёқ,
Адолатдан фан ривож топар.
Адолатким, келса ўртага,
Ҳар мушкилга бир илож топар.
Адолатсиз харобадир юрт,
Ҳуқуқларинг бўлажак поймол.
Адолатнинг синса гар бели,
Юртинг қачон топади камол?
Адолатни тиклар "Адолат",
Байроқ мисол кўтарар баланд.
Бундан эса каттаю кичик,
Шодлик билан бўлар сарбаланд.
"Адолат"нинг соҳиби учун,
Овоз керак, овоз керакдир.
"Адолат"нинг ғалабасига,
Парвоз керак, парвоз керакдир.
Олға қараб босмоқда қадам,
Адолатнинг бу байроқдори.
Ҳумо қушин олиб келай деб,
Юрагида маҳкам қарори.
Адолатни қилиб устувор,
Ҳақиқатни тикласам дейди.
Ноҳақликка зимдан қўйиб чек,
Адолатни оқласам дейди.
Ҳар қандайин фитна фасодни,
Томиридан қўпормоқчи у.
Пора деган лаънати дардни,
Битта қўймай ёндирмоқчи у.
Вужудида тўла жасорат,
Халқ ишончин оқламоқчидир.
Ақлу шуур,тажриба билан,
Адолатни сақламоқчидир.
Дунёдаги барча фазилат,
Ору инсоф илм остида.
Олим бугун шу адолатни,
Чин юракдан тиклаш қасдида.
Ҳар ким унга берса гар овоз,
Демак удир адолатпарвар.
Адолатнинг фазилатидан,
Шак-шубҳасиз бўлар баҳравар.
Баҳромжонга ким берса овоз,
Адолатни севади демак.
Ноҳақликни она юртидан,
Биргалашиб қувади демак.
Азиз дўстлар, пок "Адолат"нинг,
Раҳбарини, келинг, ёқлайлик.
Овоз бериб номзоди учун,
Ўзимизни бугун оқлайлик!
Маҳмуд ҲАСАНИЙ,
тарих фанлари доктори, Ўзбекистон ёзувчилар уюшмаси аъзоси, "Меҳнат шуҳрати ордени" соҳиби, Турон ФАнинг академиги.
Баҳром Абдуҳалимов муаллифлигидаги монография турк тилида нашр қилинди
"Адолат" социал-демократик партия Сиёсий Кенгаши раиси, Ўзбекистон Фанлар академияси вице-президенти, тарих фанлари доктори, профессор Баҳром Абдуҳалимов қаламига мансуб "Байт ул ҳикма ва унда фаолият юритган Ўрта Осиёлик алломалар" номли монаграфияси турк тилида нашр этилди.
Туркиянинг Коня шаҳридаги Селжук университети профессори доктор Мустафо Демирчи, тадқиқотчилар Иқболжон Усмонов ва Муҳриддин Мамадаминовлар томонидан таржима қилинган китобнинг тақдимот маросими 13-сентябрь куни Тошкентда бўлиб ўтди.
Тақдимот "Ўзбекистон маданий мероси" ҳафталиги доирасида ташкил этилди. Ўзбекистон Республикаси Фанлар Академияси Шарқшунослик институтида ташкил этилган маросимда институт раҳбарияти, илмий ходимлари ҳамда Туркиянинг Селжук университети профессорлари Мустафо Демирчи ҳамда Фахри Озпилавчилар иштирок этди.
Марказий сайлов комиссияси
✅Марказий сайлов комиссияси Ўзбекистон Республикаси Президенти сайловига доир сайлов бюллетенининг шакли ва матнини тасдиқлади.
More...
Навоийшунос олима
2021 йил 23 сентабрь куни Тошкент давлат шарқшунослик университети ҳузуридаги илмий даражалар берувчи DSc.03/30.12.2019.Fil/Tar.21.01. рақамли илмий кенгашда яна бир навоийшунос олиманинг илмий ҳимояси бўлиб ўтди.
Шарқшунослик университетининг Мумтоз филология кафедрасида фаолият юритиб келаётган Ойсара Мадалиева профессор Қосимжон Содиқов илмий раҳбарлигида «Навоий девонлари қўлёзмаларининг таркибий-қиёсий тадқиқи (ЎзР ФА Шарқшунослик институти фонди қўлёзмалари асосида)» мавзуи бўйича филология фанлари бўйича фалсафа доктори (PhD) диссертациясини муваффақиятли ҳимоя қилди.
Илмий ҳимояда расмий оппонент сифатида иштирок этган ф.ф.д., проф. Муҳаммаджон Имомназаров ва ф.ф.д., доцент Афтондил Эркинов, шунингдек бошқа қатнашчилар томонидан мазкур илмий тадқиқот иши юксак баҳоланиб, бир овоздан маъқулланган.
Шарқшунос Ойсара Мадалиеванинг тадқиқот иши муносиб эътироф этилганлиги билан қутлаб, келгуси илмий фаолиятида омад тилаб қоламиз!
ЎМОНЛИК ОЛИМНИНГ ИНСТИТУМИЗГА ТАШРИФИ
2021 йил 2 август куни Ўмон Султонлигидан профессор Муҳаммад бин Салим ал-Ҳарисий “Маҳалаба” қабиласи ҳақидаги китоби учун қўлёзмалардан маълумотлар тўплаш мақсадида Институмизга келди. Ташриф асносида меҳмон Институтнинг янги биноси билан яқиндан танишди ва масъуллари билан учрашди. Учрашув асносида томонлар келгусида ўзаро ҳамкорликни бундан-да кенгайтиришга тайёр эканликларини билдирдилар. Профессор Муҳаммад бин Салим ал-Ҳарисий Ўзбекистонда қадимий ёзма ёдгорликларни авайлаб-асраш ва ўрганиш борасида қилинаётган ишларнинг алоҳида таҳсинга сазовор эканлигини мамнуният билан қайд этди. Шундан сўнг Институт фондидаги ўзини қизиқтирган ва келгусида ўзаро ҳамкорликда нашр этиш мумкин бўлган айрим қўлёзмаларни кўздан кечирди. Хотима ўрнида таъкидлаш жоизки, дўстона ва самимий вазиятда ўтган ушбу учрашув томонларда катта таассурот қолдирди ва ўзаро ҳамкорликни бундан-да кенгайтириш учун қулай замин яратишга хизмат қилади.
ШАРАФУДДИН АЛИ ЯЗДИЙНИНГ “ЗАФАРНОМА” китоби Муқаддимасининг 1-китоб китоби чоп этилди.
Форс тилидан таржима, сўзбоши ва илмий изоҳлар муаллифи
Омонулло Бўриев.
Шахс исмлари, географик-топографик ва этник номлар ҳамда
атамалар кўрсаткичини тузувчи Азизжон Шарипов.
Масъул муҳаррир
Дилором Юсупова, академик, т.ф.д., проф.
Тақризчилар:
Аҳмаджон Қуронбеков, филология фанлари доктори, проф.;
Масъудхон Исмоилов, т.ф.н., доцент.
Китобхонлар ҳукмига ҳавола этилаётган ушбу китоб Соҳибқирон Амир Темур салтанати тарихига бағишлаб ёзилган шоҳ асар, аниқроғи, машҳур тарихчи Шарафуддин Али Яздий қаламига мансуб “Зафарнома” асари “Муқаддима” қисмининг форс тилидан ўзбек тилига илмий-изоҳли таржимасидан иборат. Академик таржима талабидан келиб чиқиб, унга сўзбоши, илмий изоҳлар ва кўрсаткичлар ҳам илова қилинди. Мазкур таржима ва тадқиқот П3-20170922224 “Марказий Осиё тарихига оид манбалар нашри (ЎзР ФА ШИ фонди ёзма манбалари асосида)” ва ПЗ-2017092838. “Амир Темур. Библиография. Биринчи китоб” лойиҳаси доирасида бажарилди.
Эълон!!! Маҳмудова Муҳаббат
Маҳмудова Муҳаббат Мадиримовнанинг 07.00.02- Фан ва технологиялар тарихи ихтисослиги бўйича “Ўзбекистонда тиббиётнинг терапия йўналиши: ҳолати, ўзгаришлар ва муаммолар (1917-2017 йиллар)” мавзусидаги тарих фанлари бўйича фалсафа доктори (PhD) илмий даражасини олиш учун тақдим этилган диссертациясининг ҳимояси Абу Райҳон Беруний номидаги ЎзР ФА Шарқшунослик институти ҳузуридаги илмий даражалар берувчи DSc.02/30.12.2019. Tar.44.01 рақамли Илмий Кенгаш асосида тузилган бир марталик илмий кенгашнинг 2021 йилнинг 29 июнь соат 14:30даги мажлисида бўлиб ўтади.
Манзил: Тошкент шаҳри, Мирзо Улуғбек кўчаси, 79-уй
Тел.: (998)71-262-54-61
E-mail: This email address is being protected from spambots. You need JavaScript enabled to view it.
ТАРИХ ФАНЛАРИ БЎЙИЧА ФАЛСАФА ДОКТОРИ (PHD)
ДИССЕРТАЦИЯ АВТОРЕФЕРАТИ