"ADOLAT" SOSIAL-DEMOKRATIK PARTIYASI
Yangiliklar (316)
Азимов Хуршид Хакимовичнинг тарих фанлари бўйича фалсафа доктори (PhD) диссертация иши ҳимояси тўғрисида
Азимов Хуршид Хакимовичнинг 07.00.03 – Жаҳон тарихи ихтисослиги бўйича “Қадимги давр Марказий Осиё ва Хитой муносабатлари (хитой манбалари асосида)” мавзусидаги тарих фанлари бўйича фалсафа доктори (PhD) илмий даражасини олиш учун ёзилган диссертация иши ҳимояси Ўзбекистон Республикаси Фанлар Академияси Абу Райҳон Беруний номидаги Шарқшунослик институти ҳузуридаги илмий даражалар берувчи DSc.02/30.12.2019.Tar.44.01 – рақамли илмий кенгашнинг 2023 йил 5 май куни 14:30 даги мажлисида бўлиб ўтади.
Манзил: 100170, Тошкент шаҳри, Мирзо Улуғбек кўчаси, 79-уй. Ўзбекистон Республикаси Фанлар Академияси Абу Райҳон Беруний номидаги Шарқшунослик институти, 2 қават, мажлислар зали.
Тел.: +998(71) 262 54 61
Қадимги давр Марказий Осиё ва Хитой муносабатлари (хитой манбалари асосида)
Темурийлар Ренессанси: тарих, тадқиқотлар ва муаммолар
Ўзбекистон Республикаси Фанлар академияси Темурийлар тарихи давлат музейида Соҳибқирон Амир Темур таваллудининг 687 йиллиги муносабати билан «Темурийлар Ренессанси: тарих, тадқиқотлар ва муаммолар» мавзуида илмий-амалий анжуман ўтказилди.
Фанлар академияси вице-президенти, атоқли шарқшунос олим Баҳром Абдуҳалимов, Темурийлар тарихи давлат музейи директори, темуршунос олим Хуршид Файзиев, Ўзбекистон халқ ёзувчиси, Амир Темур Халқаро хайрия жамоат фонди раиси Муҳаммад Али Соҳибқирон таваллудининг 687 йиллиги билан боғлиқ тадбирлар Конституциявий ислоҳотларга оид муҳим сиёсий жараён – Ўзбекистон Республикаси Конституциявий қонуни лойиҳаси бўйича референдум арафасида ўтаётгани, янгиланаётган Бош Қомусимизда илм-фан аҳлига эътибор алоҳида ўрин эгаллашини таъкидлади.
Анжуманда қайд этилганидек, Соҳибқирон бобомиз буюк давлатчиликка асос солган. Унда қонунийлик, адолат, саховатпешалик, илму маорифга рағбат, ғамхўрлик, хайрихоҳлик устувор ўрин эгаллаган эди.
– Амир Темур даври билан боғлиқ тадқиқотларда ёшларимиз катта авлод вакиллари ишларидан кўчириб эмас, ўзлари хорижий тилларни пухта эгаллаган ҳолда илмда янгича ёндашув асосида изланиш олиб боришларини истардим, – деди Абу Райҳон Беруний номидаги Шарқшунослик институтининг профессори, тарих фанлари доктори Дилором Юсупова. - Институтимизда Темурийлар даврига оид манбалар жуда кўп. Уларни пухта тадқиқ этиш ёшларнинг вазифасидир.
– Темур ва темурийлар даврига оид қўлёзмаларнинг араб ёзувида бўлган нусхалари кўп ўрганилган, – деди Тошкент давлат шарқшунослик университети профессори, филология фанлари доктори Қосимжон Содиқов. – Шу билан бирга темурийлар даврига оид уйғур ёзувли қўлёзмалар кўп. Уларни чуқур ўрганиш ҳам долзарбдир.
Анжуманда шунингдек, «Қиссаи Темур» асарида Соҳибқироннинг ёшлиги, Амир Темур давлатчилигининг ижтимоий-фалсафий моҳияти, «Махзан ул-асрор» асарининг уйғур ёзувли қўлёзмаси Темурийлар даври китобат санъатининг нодир ёдгорлиги сифатида, Мирҳонднинг «Равзул ус-сафо» асарининг Москвада сақланаётган нусхаси ҳақида ва яна кўплаб қизиқарли мавзуларда маърузалар муҳокама этилди. Zoom платформаси орқали ўтган мазкур анжуман иштирокчиларда катта қизиқиш уйғотди.
Назокат Усмонова, Носиржон Ҳайдаров (сурат), ЎзА
"Маънавият ва маърифат дарси"
Тошкент вилояти ички ишлар бош бошқармасида бош бошқарма раҳбарияти, шахсий таркиби билан биргаликда навбатдаги "Маънавият ва маърифат дарси" бўлиб ўтди.
Ушбу маънавият соатида Ўзбекистон Республикаси Фанлар академияси Шарқшунослик институти катта илмий ходими тарих фанлари номзоди доцент Қўлдошев Шерали Темиралиевич буюк Соҳибқирон Амир Темур таваллудининг 687-йиллигига бағишланиб, ўзининг Соҳибқирон Амир Темур— буюк давлат арбоби ҳамда улуғ саркарда мавзусида буюк аждодимизнинг юртимиз ривожига, тарихий давлатчилигимизга қўшган улкан ҳиссаси ҳақида, шунингдек ўз даврида илм-фаннинг ҳамда жамиятнинг ривожланишига замин яратиб берганлиги билан алоҳида ажралиб туришини ва ҳар биримиз буюк аждодимиз бўлмиш Соҳибқирон Амир Темурнинг тарихини ва шахсиятини ўрганишимиз лозимлигини ўз маърузасида айтиб ўтди. Бундан ташқари йиғилиш давомида интернет ва ижтимоий тармоқларда савиясиз, сифатсиз ва ноўрин ахборот материалларни тарқатмаслик бўйича вазирликнинг тегишли кўрсатмаси шахсий таркиб эътиборига етказилди.
Ўзбекистон «Адолат» социал-демократик партияси Сиёсий Кенгашининг ўнинчи пленуми
Ilm –fan taraqqiyotini yoshlar yaratadi!
Insoniyat paydo bo‘libdiki, eng dolzarb, eng mashaqqatli va eng qiyin vazifa – yoshlar tarbiyasi masalasi bo‘lib kelgan. Barcha alloma, mutafakkirlar, millatning ziyolilari jamiyat rivoji, mamlakat farovonligi, tinchligu xotirjamligini yoshlar tarbiyasi bilan bog‘laganlar. Bu bejiz emas. Qayerda tarbiya masalasini ta’lim bilan, milliy qadriyat, an’analar bilan uzviy bog‘liqlikda hal etishga harakat qilingan bo‘lsa, o‘sha joyda rivojlanish, taraqqiyot bo‘lgan. Fanlar akademiyasida akademiklar va yoshlar uchrashuvlari doimiy tashkil etiladigan tadbirlardan biridir. Oʻzbekiston Fanlar Akademiyasida akademik, Sanʼatshunoslik fanlari doktori, professor Akbar Abdullayevich Hakimov bilan Oʻzbekiston Fanlar Akademiyasi ilmiy tadqiqot institutlarning ”Yosh olimlar kengashi” rais va rais oʻrinbosarlari ishtirokida davra suhbati bo’lib o’tdi.
Batafsil? Davra suhbati (https://academy.uz/uz/news/ilm-fan-taraqqiyotini-yoshlar-yaratadi)
Komiljon Rahimovning kitoblari va tarjima asarlari taqdimoti o'tkazildi
??2023-yil 14-mart sanasida TDSHUda O'zbekiston Respublikasi Fanlar akademiyasi Abu Rayhon Beruniy nomidagi Sharqshunoslik instituti yetakchi ilmiy xodimi, sharqshunos, manbashunos olim, tarix fanlari doktori Komiljon Rahimovning kitoblari va tarjima asarlari taqdimoti o'tkazildi.
ОҒИР ЖУДОЛИК
Элмурадов Исроил Каримович
(1962 -2023)
Илм-фан олами оғир жудоликка учради. 2023 йил 5 март куни ЎзР ФА Шарқшунослик институтининг иқтисод ва умумий масалалар бўйича директор ўринбосари, тарих фанлари номзоди Элмурадов Исроил Каримович боқий дунёга риҳлат қилди, Аллоҳ таборака ва таоло ул Зотни Ўз раҳматига олиб, жойларини жаннати наъим ва равзайи райоҳиндин айласин!
Элмурадов Исроил Каримович, руҳлари шод, охиратлари обод бўлсин, 1982-1988 йилларда Тошкент давлат университетида таҳсил олган. Меҳнат фаолиятини 1989 йилда Ўзбекистон Республикаси Фанлар академияси Ҳ.Сулаймонов номидаги собиқ Қўлёзмалар институтида стажёр-тадқиқотчи лавозимида бошлаган. 1992 йилдан то умрининг охирги дамигача Ўзбекистон Республикаси Фанлар академияси Абу Райҳон Беруний номидаги Шарқшунослик институтида турли лавозимларда самарали фаолият олиб борган. Меҳнат фаолияти давомида оддий лаборантликдан ҳатто 2014-2015 йилларда (Тошкент давлат шарқшунослик институти ҳузуридаги Абу Райҳон Беруний номидаги Шарқ қўлёзмалари маркази) директорнинг вазифасини вақтинча бажарувчи лавозимигача кўтарилган. Институт янги биносининг қурилиши ва тантанали очилиши маросимларида бевосита иштирок этиб, ташкилий масалаларни ҳал этишда фаол иштирок этган.
У Институтдаги фаолияти давомида иқтисод ва умумий масалаларни ташкил қилишда иштирок фаол этди. Норматив ва бухгалтерия ҳужжатларининг ўрнатилган тартибда амалда юритилишини назорат қилди. Институтнинг молия-хўжалик фаолити билан боғлиқ ишларнинг ўз вақтида бажарилишини таъминлади.
Илмий йўналишда ўрта асрларда яшаб ижод этган машҳур араб олими Ёқут ал-Ҳамавийнинг “Муъжам ал-Удабо” асари асосида тадқиқотлар олиб борган ва 2002 йил ишини муваффақиятли якунлаб, “Ёқут ал-Ҳамавийнинг “Муъжам ал-Удабо” асари Х-ХII асрлар Хоразм илм-фан ва адабиёти тарихини ўрганишда муҳим манба” мавзусида номзодлик диссертасиясини ҳимоя қилган эди.
Элмурадов Исроил Каримович уч нафар қиз фарзандни тарбиялаб вояга етказган ота, дилкаш ва жаннатий инсон эди. Жамоада катта обрў-эътибор ва ҳурматга эга том маънодаги комил Инсон эди. Унинг ёрқин хотираси қалбларимизда бир умрга мангу муҳрланиб қолажак.
Abu Rayhon Beruniy
Abu-Rayhon Muhammad ibn Ahmad Beruniy – olimning to‘liq ismi bo‘lib, undagi “berun” so‘zi “tashqari” degan maʼnoni anglatadi.
Keyinchalik bu laqab olimning to‘liq nomiga qo‘shilib qolgan. Olimning ismidagi “Abu Rayhon” so‘zlari “Rayhonning otasi” yoki “marhamatli”, “rahmdil” maʼnolarini bildiradi. Beruniy 973 yil 4 sentyabrda Xorazmning qadimgi poytaxti Kot (hozirgi Beruniy) shahrida tug‘ilgan. Yoshligida ota-onasidan yetim qolgan Beruniyni 980 yilda taniqli olim Abu Nasr ibn Iroq o‘z tarbiyasiga olgan va taʼlim bergan.
https://play.google.com/store/apps/details?id=org.uicgroup.beruniy_app
More...
ХАЛҚАРО ҲАМКОРЛИК.
Яқинда Фанлар академияси Абу Райҳон Беруний номидаги Шарқшунослик институти билан Миср Араб Республикаси Миллий кутубхона ва архивлари ташкилоти ўртасида қўлёзмаларни ўрганиш, уларни асраб-авайлаш, икки давлатнинг ҳужжатлар ва архивлар соҳасидаги ҳамкорлигини ривожлантиришга доир меморандумга келишиб олинди.....
// ADOLAT. IJTIMOIY-SIYOSIY GAZETA 2023-YIL 3-MART, JUMA № 8 (1424).
Ўзбекистон ва Миср қадимий қўлёзмаларни бирга тадқиқ этишга келишиб олди
Ўзбекистон Фанлар академияси Абу Райҳон Беруний номидаги Шарқшунослик институти ва Миср Китоблар ва миллий архивлар уйи бош ҳайъати ўртасида онлайн музокаралар ташкил этилди, деб хабар бермоқда «Дунё».
Тадбир чоғида икки муассаса ўртасидаги Англашув меморандуми лойиҳаси мутахассислар даражасида муҳокама қилинди.
Учрашув давомида томонлар тарих ва маданият мавзуларини қамраб олган мақолаларни икки давлатнинг илмий журналларида чоп этиш, қўлёзма асарларини биргаликда тадқиқ этиш, уларни тиклаш, электрон нусхаларини олиш, ўзаро конференция ва форумлар ўтказиш ҳамда бошқа йўналишлар бўйича ҳамкорликни янада кенгайтириш бўйича келишувга эришилди.
Davra suhbati
✅Mirzo Ulug‘bek tuman hokimligining Innovatsion rivojlanish bo‘limi xodimlari tomonidan Abu Rayhon Beruniy nomidagi Sharqshunoslik ilmiy tadqiqot instituti Ilmiy ishlar va innovatsiyalar bo'yicha direktor o‘rinbosari S.Karimova va institut olimlari bilan davra suhbati tashkillashtirildi.
♻️Suhbat davomida institut salohiyati, laboratoriyalari bilan yaqindan tanishilib, taklif va muammolar atroflicha muhokama qilindi, Ilmiy va startap loyihalar, spinoff korxonalar yuzasidan hamkorlikda ishlash rejalashtirildi.
