"ADOLAT" SOSIAL-DEMOKRATIK PARTIYASI
Warning: Creating default object from empty value in /home/diaatuz/domains/beruni.uz/public_html/components/com_k2/views/itemlist/view.html.php on line 743
Yangiliklar (658)
Бош котиби Стефано Бертераме билан учрашув
?Халқаро наркотикларни назорат қилиш қўмитаси Бош котиби Стефано Бертераме билан учрашув
Шарқшуносликнинг долзарб муаммоларига бағишланган конференция
Шарқшунослик шунчаки ўтмишни ўрганиш эмас, балки келажак цивилизацияси учун маънавий пойдевор қуришдир. Ўзбекистон Фанлар академияси вице-президенти Баҳром Абдуҳалимов таъкидлаганидек, миллий манбалар ва қўлёзма меросини тадқиқ этиш бугунги глобаллашув даврида миллий ўзликни англашнинг энг муҳим шарти.
Бугун Ўзбекистон замини яна бир бор жаҳон шарқшунослик фанининг марказига айланди. Абу Райҳон Беруний номидаги Шарқшунослик институтида академик Убайдулла Каримов номидаги ХХI халқаро илмий конференция ўтказилди.
Ислом тарихи, санъати ва маданиятини тадқиқ этиш маркази (IRCICА) билан ҳамкорликда ташкил этилган ушбу тадбир нафақат хотира кечаси, балки соҳадаги янги кашфиётлар ва келажакдаги стратегик йўналишларни белгилаб берувчи йирик илмий платформага айланди.
Конференция иши учта асосий шўъбага бўлинган ҳолда олиб борилди, уларнинг ҳар бири шарқшуносликнинг долзарб муаммоларини қамраб олди. Тадбирда қўлёзмаларни шунчаки сақлаш эмас, балки улардаги “тирик” тарихни – китобат санъатидан тортиб, ҳарбий-маъмурий бошқарув ҳужжатларигача бўлган маълумотларни ўқиш масаласи кўрилди.
Шарқ мамлакатларининг дипломатик алоқалари ва геосиёсий ўрни таҳлил қилинди. Бу эса тарихий тажрибани замонавий халқаро муносабатларда қўллаш имконини беради. Фиқҳ, тасаввуф ва ҳадис илми бўйича тақдим этилган маърузалар Ислом цивилизациясининг инсонпарварлик моҳиятини очиб беришга хизмат қилди.
Конференциянинг ўзига хослиги унинг мультидисциплинар табиатида намоён бўлди. Унда нафақат тарихчилар, балки файласуфлар, манбашунослар ва халқаро муносабатлар бўйича мутахассислар ҳам фаол иштирок этди.
Аҳмад Фарғоний мероси, Эрон давлатчилиги тарихи ва Ғарб шарқшунослиги қарашлари бўйича қилинган маърузалар конференциянинг илмий холислигини ва танқидий таҳлилга асосланганини кўрсатди.
Йигирма биринчи бор ўтказилган ушбу халқаро конференция шуни кўрсатдики, академик Убайдулла Каримовнинг илмий мероси бугунги авлод тадқиқотчилари учун маёқ вазифасини ўтамоқда.
Тадбир якунида топширилган сертификатлар ва “Энг яхши маърузачи” номинациялари шунчаки рағбат эмас, балки шарқшунослик фанининг келажакдаги янги кашфиётларига қўйилган илк қадам бўлди.
Дилдора ДЎСМАТОВА,
Алимурод Мамадаминов (сурат)
Болалар контентини ривожлантириш маркази
20.04.2026й., Тошкент ш. - Болалар контентини ривожлантириш марказида Абу Али ибн Сино болалигига бағишланган "Хусайин" бадиий фильмини олишга бағишланган учрашув бўлиб ўтди.
Учрашув Марказ рахбари Ахмедов Жахонгир бошчилигида ўтқазилди. Йиғилишда бадиий фильм ижодкорлари ва Ибн Сино жамоат фонди бошқаруви раиси Махмудов Нозимхон ва Абу Райхон Беруний номидаги Шарқшунослик институти бўлим бошлиғи, манбаашунос, Ибн Синошунос Ибрагимов Фахриддинлар қатнашди.
Учрашувда "Хусайин" бадиий фильм олиш буйича илмий, тарихий, ижодий, бадиий ва болажонларга тегишли таъсирчан тарбиявий масалалар мухокама қилинди.
Ушбу форматда илмий-бадиий хамкорликни давом этиш ва илмий гурухни кенгайтириш келишиб олинди.
Расман: Ўзбекистондаги мактаб ва университетларда гиёҳванд модда истемол қилган/қилмаганлик учун тезкор текшириш ўтказилади!
Кимдирда наркотика аниқланса, дарҳол қамоққа олинади!
2026-йил Cентябр ойидан бошлаб таълим муассасаларида мактаб ўқувчилари ва талабаларни гиёҳванд моддаларга қарши тезкор текшириш тизими бошланади. Махсус сўлак тести қўлланилади ва натижалар 3 сонияда берилади.
Тизим 16 турдаги гиёҳванд моддаларни аниқлай олади ва гиёҳванд моддаларни истеъмол қилиш 3 ойдан 6 ойгача бўлганлигини аниқлай олади.
Тошкентда наркотик тарқатадиган жиноий гуруҳ ушланди
Қўлга олинганлар орасидаги шахс ҳатто қотиллик билан судланган
Жиноятга жазо муқаррар
Фарғонада чегара ҳудудидан 55 кг гиёҳвандлик воситаси топилди
Дарё бўйида ташлаб кетилган қоплардан наркотик моддалар ва минглаб дори воситалари топилди. Ҳолат юзасидан жиноят иши қўзғатилиб, айбдорларни аниқлаш ишлари олиб борилмоқда.
Самарқандда халқаро форум ва ёшлар саммити ўтказилади
2026 йил 20–21 апрел кунлари Самарқанд шаҳрида БМТ Наркотиклар ва жиноятчилик бўйича бошқармаси билан ҳамкорликда «Жамоат саломатлиги ва хавфсизлигини таъминлаш мақсадида трансмиллий наркотаҳдидларга қарши курашиш» мавзусида глобал форум бўлиб ўтади.
Форумни ўтказишдан кўзланган мақсад:
▪️ наркотикларнинг ноқонуний айланмасига қарши курашиш самарадорлигини ошириш;
▪️ илғор халқаро тажрибани тизимли ўрганиш ва амалиётга жорий этиш;
▪️ замонавий наркотаҳдидларга қарши комплекс ёндашувларни ишлаб чиқиш;
▪️ гиёҳвандликка қарши курашда давлатлараро ва халқаро ҳамкорликни мустаҳкамлашдан иборат.
? https://kun.uz/kr/90222659
Xalqaro ilmiy konferensiya 2026
Kunning ikkinchi yarmida xalqaro konferensiya o‘z ishini “Manbashunoslik va matnshunoslik”, “Sharq mamlakatlari tarixi va sivilizatsiyasi” hamda “Islomshunoslik” sho‘balari doirasida davom ettirdi. Ushbu sho‘balarda ishtirok etgan yetuk olimlar va yosh tadqiqotchilar o‘z ilmiy izlanishlari yuzasidan ma’ruzalar taqdim etdilar. Konferensiya yakunida har bir sho‘ba moderatorlari o‘z fikr-mulohazalarini bildirib, konferensiya ishini kelgusida yanada takomillashtirish bo‘yicha taklif va tavsiyalarini ilgari surdilar. Yakunda esa barcha ishtirokchilarga sertifikatlar topshirildi, shuningdek, “Eng yaxshi ma’ruzachi” nominatsiyasi g‘oliblari aniqlanib, ularga esdalik sovg‘alari berildi.
Xalqaro ilmiy konferensiya
2026-yil 15-aprel kuni O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik instituti tomonidan Islom tarixi, san’ati va madaniyati bo‘yicha tadqiqotlar markazi (IRCICA) bilan hamkorlikda “Sharqshunoslarning akademik Ubaydulla Karimov nomidagi XXI xalqaro ilmiy konferensiyasi” muvaffaqiyatli tashkil etildi. Tadbir Abu Rayhon Beruniy nomidagi Sharqshunoslik institutida bo‘lib o‘tdi va konferensiyaning ya;pi yig'ilishi soat 10:00 da o‘z ishini boshladi. Mazkur nufuzli ilmiy anjumanda mahalliy va xorijiy olimlar ishtirok etib, sharqshunoslik, islom tarixi, san’ati va madaniyati masalalari yuzasidan dolzarb ilmiy ma’ruzalar taqdim etdilar hamda samarali ilmiy munozaralar olib borildi. Konferensiya ilmiy hamkorlikni rivojlantirish, yangi tadqiqot yo‘nalishlarini belgilash va tajriba almashish uchun muhim maydon bo‘lib xizmat qildi.
9-синф қизларни наркотикка ўргатиб қўйиб, дори сотаётганлар қўлга олинди.
2011-йилда тугилган қизлар аллақачон тамом бўлган ??
https://telegram.me/joinchat/AAAAAEC3FZ6kdZ99w4BwBg
More...
«Bilimkent» seminari bo'lib o'tdi
2026-yil 13-aprel kuni O‘zbekiston Respublikasi Fanlar akademiyasi Abu Rayhon Beruniy nomidagi Sharqshunoslik institutida «Bilimkent» seminari doirasida navbatdagi ilmiy uchrashuv bo‘lib o‘tdi.
Seminarda Londonda faoliyat yurituvchi mustaqil yozuvchi va muharrir Dr. Tomas Uelsford «Meaning and understanding in the history of Jadidism» mavzusida ma’ruza qildi. Seminarni tarix fanlari doktori Qahramon Yakubov olib bordi.
Ma’ruza davomida jadidchilik tarixini o‘rganishda g‘oyalar mazmuni va ularning talqin etilishi, tarixiy matnlarni tushunish usullari hamda zamonaviy tarixshunoslik yondashuvlari haqida atroflicha fikr yuritildi. Tadbirda ilmiy xodimlar, tadqiqotchilar va doktorantlar ishtirok etdi.
Seminar yakunida ishtirokchilar o‘rtasida savol-javoblar va ilmiy munozaralar bo‘lib o‘tdi, mavzu yuzasidan fikr almashildi.
2025 ЙИЛДА 3 ТОННАДАН ОРТИҚ НАРКОТИК МОДДАЛАР АНИҚЛАНГАН
Шанба куни бўлиб ўтган ИИВ матбуот анжумани доирасида бир қатор тақдимотлар ҳам бўлиб ўтди. Унда 2025 йилда мобайнида 15.412 та наркожиноят аниқланган. Тадбирларда 3,7 тонна гиёҳвандлик воситалари аниқланган.
Тўқаевга ноёб архив материалларининг нусхалари ҳадя қилинди
Улар Ўзбекистонда аниқланган, Туркистонда жойлашган Хожа Аҳмад Яссавий ва Мирзо Улуғбекнинг қизи Робия Султонбегим мақбараларига алоқадор 1920–1950 йилларга оид қимматли ҳужжатлар, чизмалар ва фотоматериаллардир.
Ўзбекистон Республикаси президенти Шавкат Мирзиёев ва Қозоғистон Республикаси президенти Қосим-Жомарт Тўқаев Бухоро вилояти ҳокимлиги ситуацион маркази фаолияти билан танишдилар.
Вилоят бошқарувининг интеллектуал ўзагига айланган замонавий ситуацион марказ Бухоронинг янги маъмурий марказида ташкил этилди. Бу ерда дастлабки босқичда вилоят ва шаҳар ҳокимликлари, вилоят прокуратураси, ички ишлар бошқармаси ҳамда бошқа тузилмалар жойлашган.
Марказда ижтимоий-иқтисодий ривожланишдан тортиб, инвестиция лойиҳаларини амалга ошириш, коммунал ва транспорт инфратузилмаси, жамоат хавфсизлиги ҳолати, фуқаролар мурожаатлари билан ишлашгача, умуман, вилоят ҳаётининг барча жабҳалари бўйича маълумотлар реал вақт режимида шаклланади, қайта ишланади ва тизимли равишда таҳлил қилинади.
Олий мартабали меҳмонга марказнинг ҳудудлар кесимида вазиятни комплекс мониторинг қилиш, муаммоли нуқталарни барвақт аниқлаш, жойлардаги иш самарадорлигини холис баҳолаш ва белгиланган вазифаларнинг бажарилишини қатъий назорат қилиш бўйича имкониятлари аниқ мисоллар асосида кўрсатиб берилди.
Шундан сўнг етакчилар ҳокимлик ходимлари учун яратилган шароитларни кўздан кечирдилар. Янги бино замонавий иш жойлари, мажлислар заллари, рақамли инфратузилма билан жиҳозланиб, давлат идораларининг самарали ва уйғун бўлиб ишлаши учун барча зарур қулайликлар таъминланган.
Ташриф давомида Қозоғистон президентига ноёб архив материалларининг нусхалари ҳам кўрсатилди. Бу Ўзбекистонда аниқланган, Туркистонда жойлашган Хожа Аҳмад Яссавий ва Мирзо Улуғбекнинг қизи Робия Султонбегим мақбараларига алоқадор 1920–1950 йилларга оид қимматли ҳужжатлар, чизмалар ва фотоматериаллардир.
Қардош қозоқ халқига ва икки мамлакатнинг умумий тарихига ҳурмат белгиси сифатида ушбу архив ҳужжатларининг нусхалари Қозоғистон томонига ҳадя қилинди.
Ҳозирги кунга қадар аксарияти илмий муомалага киритилмаган бу материаллар катта тарихий ва илмий аҳамиятга эга экани қайд этилди. Ноёб меъморчилик ёдгорликлари бўлган Аҳмад Яссавий ва Робия Султонбегим мақбаралари Марказий Осиё халқларининг умумий тарихий-маданий меросида алоҳида ўрин тутиши таъкидланди.