"ADOLAT" SOSIAL-DEMOKRATIK PARTIYASI
Warning: Creating default object from empty value in /home/diaatuz/domains/beruni.uz/public_html/components/com_k2/views/itemlist/view.html.php on line 743
Yangiliklar (653)
Афғон қозонлари
Афғон қозонлари ичига яширилган 190 килограммдан ортиқ наркотик модда тўхтатиб қолинди
Деновлик ҳайдовчи бошқарувидаги юк машина “Термиз автойўл” халқаро ўтказиш пунктида чуқурлаштирилган тартибда текширувдан ўтказилган.
Юк машинада 750 дона афғон қозони бўлган. Текширувда уларнинг 210 донаси ичига 190 кг 800 грамм гашиш моддаси яширилгани аниқланган.
XALQARO KONFERENSIYA
O'zbekistondagi Islom sivilizatsiyasi markazida Sohibqiron Amir Temur tavalludining 690 yilligi munosabati bilan tashkil etilgan xalqaro ilmiy konferensiyada O‘zbekiston Fanlar akademiyasi Abu Rayhon Beruniy nomidagi Sharqshunoslik instituti olimlari ham faol ishtirok etdi.
Mazkur nufuzli anjumanda Amir Temur davri tarixi, temuriylar merosi, davlat boshqaruvi, ilm-fan va madaniyat taraqqiyoti bilan bog‘liq dolzarb masalalar muhokama qilindi. Konferensiya doirasida institut vakillari o‘z ilmiy ma’ruzalari bilan qatnashib, soha bo‘yicha olib borayotgan tadqiqotlari natijalarini taqdim etdi.
Konferensiyada mahalliy hamda xorijlik yuzdan ortiq olimlar ishtirok etdi. Bunday xalqaro ilmiy anjumanlar buyuk ajdodlarimiz merosini chuqur o‘rganish, uni xalqaro ilmiy jamoatchilikka keng targ‘ib etish hamda tarixiy xotirani mustahkamlashda muhim ahamiyat kasb etadi.
Sharqshunoslik instituti jamoasi bundan buyon ham milliy tariximiz va boy ilmiy-ma’naviy merosimizni tadqiq etish hamda targ‘ib qilish yo‘lida o‘z hissasini qo‘shishda davom etadi.
«BILIMKENT» DA ILMIY-AMALIY SEMINAR BO‘LIB O‘TDI
22-fevral kuni Fanlar akademiyasi Abu Rayhon Beruniy nomidagi Sharqshunoslik institutida «Temuriylar davrida ilm-fan va madaniyat rivoji» mavzusida ilmiy-amaliy seminar tashkil etildi.
Seminarda oliy ta’lim muassasalari talabalari hamda yosh tadqiqotchilar ishtirok etdilar. Tadbir davomida ishtirokchilarga Temuriylar davrida erishilgan ilmiy yutuqlar haqida nazariy ma’lumotlar berildi. Shuningdek, o‘sha davr ilm-fan taraqqiyotini aks ettiruvchi noyob qo‘lyozma asarlar hamda mavzuga doir institutda amalga oshirilayotgan ilmiy tadqiqotlar bilan atroflicha tanishtirildi.
Seminar jarayonida O‘zbekiston Respublikasi Prezidentining «Buyuk davlat arbobi va sarkarda, ilm-fan, madaniyat va san’at homiysi Sohibqiron Amir Temur tavalludining 690 yilligini keng nishonlash to‘g‘risida»gi 2026-yil 5-fevraldagi PQ–46-sonli Qarorining mazmun-mohiyati ham batafsil tushuntirildi.
Seminar moderatori: institut katta ilmiy xodimi, tarix fanlari nomzodi Hamidulla Lutfillayev.
Globallashuv sharoitida Farg‘ona vodiysida tarix, falsafa, til va etnomadaniyatining muhim masalalari
2026-yil 3-aprel kuni Qirg‘iziston Respublikasi O‘sh shahridagi O‘sh davlat universitetida “Globallashuv sharoitida Farg‘ona vodiysida tarix, falsafa, til va etnomadaniyatining muhim masalalari” nomli xalqaro konferensiya o‘tkazildi. Unda O‘zR Fanlar akademiyasi Abu Rayhon Beruniy nomidagi Sharqshunoslik instituti yetakchi ilmiy xodimi, tarix fanlari doktori Qo‘ldashev Sherali Temiralievich “Qadimgi O‘sh shahri tarixi Qo‘qon xonligi yozma manbalarida” mavzuidagi ma'ruzasi bilan qatnashdi. Ushbu xalqaro konferensiyada O‘zbekiston, Qirg‘iziston, Tojikiston olimlari bilan hamkorlikda “Farg‘ona vodiysi olimlari assosatsiyasi” Kengashi tashkil qilindi. Tarix faniga oid muhim va yechimini kutayotgan masalalar yuzasidan muhokama qilindi.
E’LON | Akademik seminar
Hurmatli ilmiy jamoa vakillari!
2026-yil 3-aprel kuni soat 16:00 da O‘zbekiston Fanlar akademiyasi Abu Rayhon Beruniy nomidagi Sharqshunoslik institutida taniqli tarixchi olim Aleksander Morrison ishtirokida akademik seminar bo‘lib o‘tadi.
? Seminar mavzusi:
Russian Turkestan and the First World War
?? Ma’ruzachi haqida qisqacha:
Aleksander Morrison – Oksford universiteti tarkibidagi 'New College'da faoliyat yurituvchi tarixchi bo‘lib, Markaziy Osiyoning Rossiya imperiyasi davridagi tarixi bo‘yicha yetakchi mutaxassislardan biridir. U, ayniqsa, "The Russian Conquest of Central Asia (1814–1914)" asari bilan keng tanilgan.
? Manzil:
Toshkent shahri Mirzo Ulug'bek ko'chasi 79.
Abu Rayhon Beruniy nomidagi Sharqshunoslik instituti.
Barcha qiziquvchilarni seminarimizga taklif etamiz!
Seminarda onlayn ishtirok etuvchilar uchun ZOOM havolasi ???
https://zoom.us/j/95593101768?pwd=4Rme9C7Vah2nNaxm0LQ8uWwRBeugJL.1
955 9310 1768
210637
“Hofizi Abruning “Zubdat at-tavorix” asari Movarounnahr va Xuroson tarixiga oid manba sifatida (XIV–XV asrlar)”
2026-yil 30-mart kuni O‘zbekiston Fanlar akademiyasi Abu Rayhon Beruniy nomidagi Sharqshunoslik instituti kichik ilm xodimi Faromarzi Fayzullo tomonidan tarix fanlari bo‘yicha falsafa doktori (PhD) ilmiy darajasini olish uchun tayyorlangan dissertatsiya ishi Institutning bo'limlararo qo'shma majlisida muhokama qilindi.
? Dissertatsiya mavzusi:
“Hofizi Abruning “Zubdat at-tavorix” asari Movarounnahr va Xuroson tarixiga oid manba sifatida (XIV–XV asrlar)”
? Ixtisoslik:
07.00.08 – Tarixshunoslik, manbashunoslik va tarixiy tadqiqot usullari
Muhokama jarayonida savol-javoblar o'tkazildi, dissertatsiya yuzasidan fikr-mulohazalar bildirildi hamda tegishli tavsiyalar berildi.
Yakunida dissertatsiya ishi ijobiy baholanib, keyingi bosqichga tavsiya etildi.
Сурхондарёда пенсионерлар иштирокидаги наркогуруҳ фош этилди
Сурхондарё вилоятида пенсионерлар ҳам иштирок этган наркогуруҳ фаолиятига чек қўйилди.
Ҳуқуқни муҳофаза қилувчи органлар маълумотига кўра, гуруҳ афғон етказиб берувчилар билан тил бириктириб, опийни Ўзбекистон ҳудудига олиб кириш ва уни Термиз шаҳри ҳамда атроф ҳудудларда тарқатиш билан шуғулланган.
Гумонланувчилар қўлга олиниб, улардан наркотик моддалар, пул маблағлари ва 12 килограммдан ортиқ опий мусодара қилинган.
⚡️? Тошкентда тўғридан-тўғри йўллар ёнида наркотикли болалар шарлари сотила бошланди. Улар тасодифан болаларингизга тушиб қолиши мумкин!
Тошкентда наркотиклар сотишнинг янги схемаси аниқланди. ИИББ маълумотига кўра, тақиқланган моддалар ҳаво шарлари ичига яширилиб, оддий кўча савдоси кўринишида тарқатилмоқда.
Бундай шарлар тасодифан болаларга тушиб қолиш хавфи бор. Фуқаролардан эҳтиёткор бўлиш ва шубҳали ҳолатларда 102 рақамига мурожаат қилиш сўралмоқда.
Наркосавдо ва ноқонуний дориларга қарши тезкор операциялар ўтказилди
“Хавфсиз ва соғлом юрт” кенг қамровли тезкор-профилактик тадбирлари доирасида Давлат хавфсизлик хизмати, ички ишлар ва божхона органлари ҳамкорлигида мамлакат ҳудудларида гиёҳвандлик воситалари ҳамда кучли таъсир қилувчи моддаларнинг ноқонуний айланмасига қарши қатор тезкор операциялар амалга оширилди.
Фото: ДХХ
Хоразм вилоятининг Урганч шаҳрида 1983 йилда туғилган шахс ушланиб, унинг ёнидан 5 грамм “опий” моддаси топилди. Шунингдек, у ижарага олган хонадондан 887 грамм “опий” ва 71 грамм “героин” гиёҳвандлик воситалари ашёвий далил сифатида олинди. Мазкур шахс ушбу моддаларни қўшни давлатдан олиб келиб, кейинчалик сотиш орқали даромад топишни режалаштирган.
Фарғона вилоятида кузатилган ҳолатда эса 1991 йилда туғилган фуқаронинг яшаш хонадонидан муқаддам Қирғизистондан айланма йўллар орқали олиб келинган, умумий баҳоси 140 миллион сўмлик 2800 дона “Регапен” кучли таъсир қилувчи дори воситалари аниқланиб, мусодара қилинди.
Шу каби ҳолат Тошкент вилоятида ҳам қайд этилди. Тошкент туманида яшовчи 1996 йилда туғилган шахс ва унинг 1994 йилда туғилган, Қозоғистон фуқароси бўлган шериги олдиндан келишган ҳолда, контрабанда йўли билан олиб келинган 300 мл “Тропикамид” дори воситасини харидорга 300 АҚШ доллари ва 600 минг сўмга сотаётган вақтда ушланди.
Уларнинг ёнидан бир неча дона “Прегабалин” капсулалари ҳамда “Тропикамид” суюқлиги бўлган флаконлар ашёвий далил сифатида олинди. Ноқонуний фаолият билан шуғулланган шахслар кучли таъсир қилувчи моддаларни турли номдаги дори воситалари идишларига жойлаштирган ҳолда мамлакатга олиб кирган.
Ҳозирда ушбу ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.
Фуқаролардан шубҳали ҳолатларга дуч келганда Давлат хавфсизлик хизматининг 1520 қисқа рақамига мурожаат қилиш сўралди. Мурожаат қилувчининг шахси сир сақланиши кафолатланади.
Tojikiston Prezidenti Buxorodagi tarixiy obidalar bilan tanishmoqda
Mamlakatimizda davlat tashrifi bilan boʻlib turgan Tojikiston Respublikasi Prezidenti Emomali Rahmon Oʻzbekiston Respublikasi Prezidenti Shavkat Mirziyoyev bilan birgalikda Buxorodagi qator tarixiy obidalarni ziyorat qilmoqda.
Qadimiy Buxoro azaldan oʻzining benazir tarixiy, meʼmoriy va madaniy boyliklari bilan mashhur boʻlib, asrlar davomida fan, islom ilmi va maʼnaviyat markazlaridan biri sifatida tanilgan. Yoshi 2,5 ming yildan oshgan shaharning tarixiy markaziga 1993-yilda UNESCOning Butunjahon merosi obyekti maqomi berilgan.
Oliy martabali mehmon dastlab Oʻzbekiston Respublikasi Prezidenti Shavkat Mirziyoyev hamrohligida Bahouddin Naqshband maqbarasini ziyorat qildi.
Majmua islom olamining ulugʻ qadamjolaridan biri hisoblanadi. Mazkur ziyoratgoh Naqshbandiya tariqatining asoschisi Bahouddin Naqshband dafn etilgan joyda barpo etilgan boʻlib, bugungi kunda maqbara, xonaqoh, masjidlar, daxma va soʻfiylik tarixi muzeyini oʻz ichiga oladi. Bahouddin Naqshband taʼlimotining ezgu tamoyili – “Dil ba yoru, dast ba kor” shiori insonni mehnatsevarlik va ruhiy poklikka daʼvat etishi alohida taʼkidlandi.
Soʻng Somoniylar maqbarasiga tashrif buyurildi.
Ushbu meʼmoriy yodgorlik Markaziy Osiyoda pishiq gʻishtdan bunyod etilgan eng qadimiy inshootlardan biri hisoblanadi. U IX asr oxiri – X asr boshlarida Somoniylar davlati asoschisi va birinchi hukmdori Ismoil Somoniy tomonidan sulolaviy maqbara sifatida qurilgan.
Uning meʼmoriy qiyofasida nafaqat islom, balki islomdan avvalgi davr anʼanalari, jumladan, sugʻd madaniyatiga xos naqshlar ham oʻz aksini topgan. Taʼkidlanganidek, quyosh nurlarining tushishiga qarab, maqbara naqshlari turlicha jilolanadi, binoning kub va gumbaz shaklidagi kompozitsiyasi esa Yer va Osmon uygʻunligini ramziy ifoda etadi. Qalinligi qariyb ikki metrga yetadigan devorlar hamda yuqori sifatli gʻisht terimi tufayli ushbu noyob yodgorlik bugungi kungacha yaxshi saqlanib qolgan.
Maqbaralarga ziyorat chog‘ida Qur’on tilovat qilinib, o‘tganlarga rahmat, yurtimizga tinchlik va farovonlik tilab, duo qilindi.
More...
Тошкентда кучли таъсир қилувчи моддалар тайёрланган нарколаборатория фош этилди
Давлат хавфсизлик хизмати ва Ички ишлар органлари ходимлари ҳамкорлигида ўтказилган тезкор тадбир давомида пойтахтнинг Сергели туманида жойлашган нарколаборатория аниқланди. Мазкур хонадонда Чиноз туманида туғилган 21 ёшли шахс шериги билан биргаликда кучли таъсир қилувчи моддаларни саноат даражасида ишлаб чиқариш билан шуғулланиб келган.
https://batafsil.uz/cat/proisshestviya/toshkentda-kuchli-tasir-iluvchi-moddalar-tayyerlangan-narkolaboratoriya-fosh-etildi/
Жиззахда электр тармоқлари ходими гиёҳванд модда сотаётганда қўлга тушди
Магистрал электр тармоқлари Жиззах филиали ходими 2 дона гугурт қутисига жойланган “марихуана” моддасини сотаётган вақтда ушланган.
Унинг уйида сақланаётган яна 70 дона гугурт қутисидан ҳам “марихуана” топилган.
Ҳозирда ҳолат юзасидан суд-тиббий экспертиза тайинланган. Гумонланувчига “қамоқ” эҳтиёт чораси қўлланган.
? https://t.me/UZBEKISTANOFFICIAL
Bugun Temuriylar tarixi davlat muzeyida
Bugun Temuriylar tarixi davlat muzeyida O'zR FA Sharqshunoslik instituti huzuridagi ilmiy darajalar beruvchi DSc.05/2025.27.12.Tar.06.01 - raqamli Ilmiy kengash tavsiyasiga ko'ra O'zR FA Abu Rayhon Beruniy nomidagi Sharqshunoslik instituti tadqiqotchisi
Botirjon Abdullayevning "Jamshid Koshiyning "Ziji Xoqoniy" asari Temuriylar davriga oid muhim astronomik manba" mavzusidagi
07.00.02 - Fan va texnologiyalar tarixi va 07.00.08 - Tarixshunoslik, manbashunoslik va tarixiy tadqiqot usullari ixtisosliklari bo'yicha tarix fanlari bo'yicha falsafa doktori (PhD) ilmiy darajasini olish uchun yozgan doktorlik dissertatsiyasi muhokamasi bo‘lib o‘tdi.
? Temuriylar tarixi davlat muzeyi yetakchi tashkilot sifatida belgilanib, muhokamada ishtirok etgan muzeyning professorlari, fan doktorlari va mutaxassislari tomonidan dissertatsiya yuzasidan tegishli taklif va tavsiyalar bildirildi.
