“Institut” quyidagi majburiyatlarni o‘z zimmasiga oladi

1) “Xorijiy tadqiqotchi” ni ilmiy maslahatchi bilan taʼminlash.

2) Institut ilmiy kutubxonasi va qo‘lyozmalar fondiga to‘lovsiz aʼzo bo‘lishini taʼminlash.

3) Ilmiy maʼlumot to‘plash uchun Respublikaning boshqa viloyatlari va shaharlari arxiv, muzey va boshqa ilmiy markazlariga dastak xatlari bilan taʼminlash.

4) “Xorijiy tadqiqotchi”ga tibbiy muassasada bepul birlamchi tibbiy yordam olish huquqi borligini, pullik tibbiy yordam ko‘rsatish zarurati tug‘ilganda, u “Xorijiy tadqiqotchi” mablag‘lari hisobidan qoplanishini to‘g‘ri asoslab berish.

“Xorijiy tadqiqotchi” quyidagi majburiyatlarni o‘z zimmasiga oladi

1) “Xorijiy tadqiqotchi” har oyning 10 sanasigacha malaka oshirish uchun Institut hisob raqamiga 250 (ikki yuz ellik) AQSh dollari miqdorida pulni O‘zR Markaziy banki belgilagan kurs bo‘yicha o‘zbek so‘mida to‘lash.

2) O‘zbekiston Respublikasi qonunlariga rioya qilish, O‘zbekiston Respublikasida chet el fuqarolari uchun belgilangan yashash va harakatlanish qoidalari, “Chet el fuqarolarini O‘zbekistonda o‘qitish to‘g‘risidagi Nizom”ga ichki tartib qoidalar va muassasada ilm bilan shug‘ullanish tartiblariga qatʼiy rioya qilish.

3) Mulkka ziyon yetkazilganda, keltirilgan zararni qoplash.

4) Institut faoliyati bilan bog‘liq topshiriqlarni o‘z vaqtida bajarish va hisobotlarni taqdim etish.

5) Institutda tashkil yetilgan "Bilimkent" seminarlari doirasida o‘z ilmiy ishi bo‘yicha maʼruza qilib berish.